កីឡា

កម្ពុជា ត្រូវប្រកួតជាមួយជម្រើសជាតិ អារូបា បន្ទាប់ពី វៀតណាម

បានផុស

១ ខែ មុន

នៅ

ថ្ងៃសុក្រ ២១ កុម្ភៈ ២០២៥

ដោយ

ក្រុមបាល់ទាត់ជម្រើសជាតិកម្ពុជានឹងមានការប្រកួតមិត្តភាពអន្តរជាតិ២លើកក្នុងថ្ងៃ FIFA Day នាខែមីនា ខាងមុខនេះ បន្ទាប់ពីគ្មានកម្មវិធីប្រកួតពានរង្វាន់អន្តរជាតិផ្លូវការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី១៩ ខែមីនា ក្រុមជម្រើសជាតិកម្ពុជា ត្រូវធ្វើដំណើរទៅប្រកួតមិត្តភាពអន្តរជាតិ ជាមួយក្រុមជម្រើសជាតិ វៀតណាម ដែលជាម្ចាស់ជើងឯក AFF Championship។ បន្ទាប់មក ក្រុមជម្រើសជាតិកម្ពុជា ត្រូវទទួលក្រុមជម្រើសជាតិ អារូបា (Aruba) មកពីទ្វីបអាមេរិកខាងត្បូង នៅទឹកដីកម្ពុជា នៅថ្ងៃទី២៥ ខែមីនា។

អារូបា ជាប្រទេសកោះមួយដែលមានផ្ទៃដីត្រឹមតែ១៨០គីឡូម៉ែត្រការ៉េប៉ុណ្ណោះស្ថិតនៅទ្វីបអាមេរិកខាងត្បូង។

ចំពោះក្រុមបាល់ទាត់ជម្រើសជាតិ អារូបា ជាសមាជិករបស់សហព័ន្ធកីឡាបាល់ទាត់អាមេរិកខាងជើងជើង (CONCACAF) និងសហព័ន្ធកីឡាបាល់ទាត់អន្តរជាតិ (FIFA)។ បច្ចុប្បន្ន ក្រុមបាល់ទាត់ជម្រើសជាតិ អារូបា ស្ថិតនៅលេខ១៩៥ នៃតារាងចំណាត់ថ្នាក់ពិភពលោក FIFA Ranking។

ការប្រកួតមិត្តភាពអន្តរជាតិរបស់ អារូបា គឺជាការត្រៀមខ្លួនប្រកួតជម្រុះជើងឯកពិភពលោក 2026 FIFA World Cup ជាមួយជម្រើសជាតិ Barbados នៅថ្ងៃទី៤ ខែមិថុនា និង ហៃទី នៅថ្ងៃទី៧ ខែមិថុនា ឆ្នាំ២០២៥៕

លទ្ធផលនៃការប្រកួតផ្លូវការចំនួន៩លលើកកាលពីឆ្នាំ២០២៤ ក្រុមជម្រើសជាតិ អារូបា មិនស្គាល់ជ័យជម្នះសោះគឺស្មើ១លើក និងចាញ់៨លើក៕