កីឡា
ការប្រជែងជើងឯកលីគកាន់តែតឹងតែង ក្រោយគម្លាតតែ១ពិន្ទុ
ភ្នំពេញក្រោន តាមពីក្រោយ ព្រះខ័នរាជស្វាយរៀង តែ១ពិន្ទុប៉ុណ្ណោះ បន្ទាប់ពីក្រុមកំពូលតារាងបានចាញ់ វិសាខា ដោយលទ្ធផល ១-២ ខណៈក្រុមចំណាត់ថ្នាក់លេខ២បានយកឈ្នះ ណាហ្កាវើលដ៍ដោយលទ្ធផល ១-០ ក្នុងសប្តាហ៍ទី២ វគ្គ៦ក្រុមចុងក្រោយ។

ការប្រកួត៩០នាទីពេញនៅកីឡដ្ឋានខេត្តស្វាយរៀង នាល្ងាចថ្ងៃអាទិត្យ ទី៩ ខែមីនា វិសាខា បានបង្ហាញសមត្ថភាពគួរឲ្យចាប់អារម្មណ៍តាមរយៈទម្រង់វាយសម្រុក និងប្រយុទ្ធដ៏គ្រោះថ្នាក់។ ពួកគេបានបង្កើតឱកាសស៊ុតសំដៅសំណាញ់ទីរបស់ព្រះខ័នរាជស្វាយរៀងជាញឹកញាប់ ប៉ុន្តែត្រូវបានអ្នកចាំទី វីរះ ដារ៉ា បានជួយសង្គ្រោះជាញឹកញាប់។
យ៉ាងណានៅនាទី១៩ អ្នកចាំទី វីរះ ដារ៉ា លោតចាប់បាល់របូតធ្លាក់ចេញពីដៃជាហេតុធ្វើឲ្យខ្សែប្រយុទ្ធសញ្ជាតិប្រេស៊ីល Ramon ស៊ុតចូលនាំមុខ ០-១ ប៉ុន្តែរំលងបានប្រមាណ៤នាទីប៉ុណ្ណោះ ព្រះខ័នរាជស្វាយរៀងតាមស្មើ ១-១ តាមរយៈការស៊ុតពិន័យ១១ម៉ែត្របានសម្រេចដោយកីឡាករប្រេស៊ីល Matheus នៅនាទី២៣។

នៅវគ្គទី២ វិសាខា នៅតែបង្ហាញគុណភាពលេងយ៉ាងល្អ។ ជាពិសេសបាល់លើដែលខ្សែបម្រើលើកទៅឲ្យខ្សែប្រយុទ្ធ Ramon ពិតជាធ្វើបានល្អមែនទែន។ ស្ទើររាល់លើក ខ្សែការពាររបស់ព្រះខ័នរាជស្វាយរៀងមិនអាចកាត់ផ្តាច់ ឬដណ្តើមយកបាល់ពីខ្សែប្រយុទ្ធប្រេស៊ីលម្នាក់នេះឡើយ។ ទីបំផុត វិសាខា រកបានគ្រាប់បាល់ជ័យជម្នះ ដោយខ្សែបម្រើការពារ ឡេង ណូរ៉ា ស៊ុតទៅប៉ះជើងខ្សែការពាររបស់ ព្រះខ័នរាជស្វាយរៀង ហើយដាច់ចង្កេះអ្នកចាំទី និងប៉ះជើង វីរះ ដារ៉ា បន្តិចធ្វើឲ្យបាល់ចូលទីបានសម្រេច។
នៅថ្ងៃជាមួយគ្នានេះ ម្ចាស់ផ្ទះភ្នំពេញក្រោន បានប្រើពេល៩១នាទីទើបអាចបំបែកភាពជាប់គាំង និងបង្កើតភាពសប្បាយរីករាយដោយខ្សែប្រយុទ្ធសញ្ជាតិហ្វីលីពីន Gayoso ដើម្បីឲ្យម្ចាស់ផ្ទះទទួលបាន៣ពិន្ទុបន្ថែម។

តាមរយៈលទ្ធផលនេះបានធ្វើឲ្យការប្រជែងជើងឯកកាន់តែតឹងតែងដោយក្រុមកំពូលតារាងព្រះខ័នរាជស្វាយរៀងនាំមុខ ភ្នំពេញក្រោនតែ១ពិន្ទុប៉ុណ្ណោះ ហើយ វិសាខា កាន់តែមានទំនុកចិត្តក្នុងការឆ្ពោះទៅរកការប្រកួតប្រជែងជាមួយក្រុមខាងលើទាំងពីរ។
តារាងពិន្ទុក្រុមកំពូលទាំង៦
- ព្រះខ័នរាជស្វាយរៀង មាន៥៨ពិន្ទុ
- ភ្នំពេញក្រោន មាន៥៧ពិន្ទុ
- វិសាខា មាន៥៣ពិន្ទុ
- អង្គរថាយហ្គឺរ មាន៤០ពិន្ទុ
- ណាហ្គាវើលដ៍ មាន៣៦ពិន្ទុ
- បឹងកេត មាន៣៣ពិន្ទុ
អត្ថបទ៖ វីរបុត្រ

-
សន្តិសុខសង្គម៧ ថ្ងៃ ago
ភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ៧ ថ្ងៃ ago
តារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
សន្តិសុខសង្គម២ ថ្ងៃ ago
អគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ជីវិតកម្សាន្ដ៦ ថ្ងៃ ago
Model ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានអន្ដរជាតិ៤ ថ្ងៃ ago
យន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៥ ថ្ងៃ ago
ឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៤ ថ្ងៃ ago
អាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ចរាចរណ៍៧ ថ្ងៃ ago
បុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង