កីឡា

ក្លិបព្រះខ័នរាជស្វាយរៀង ប្រកាសពីការប្រើឯកសណ្ឋានម៉ាកល្បី KELME របស់អេស្ប៉ាញ

បានផុស

៦ នាទីutes មុន

នៅ

ថ្ងៃចន្ទ ១៦ មិថុនា ២០២៥

ដោយ

ក្លិបបាល់ទាត់ព្រះខ័នរាជស្វាយរៀង បានប្រកាសជាផ្លូវការពីការប្រើប្រាស់ឯកសណ្ឋារបស់ក្រុមហ៊ុន KELME ដែលជាម៉ាកឯកសណ្ឋានកីឡាឈានមុខគេលំដាប់ពិភពលោករយៈពេលពីរឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្លិបបានប្រកាសជាផ្លូវការថា ៖«យើងមានសេចក្តីសោមនស្សរីករាយក្នុងការប្រកាសថា ក្រុមហ៊ុន KELME ដែលជាម៉ាកសម្លៀកបំពាក់កីឡាឈានមុខគេលំដាប់ពិភពលោក គឺជាអ្នកឧបត្ថម្ភផ្លូវការរបស់ក្លិបបាល់ទាត់ ព្រះខ័នរាជស្វាយរៀង ក្រោមកិច្ចព្រមព្រៀងភាពជាដៃគូជាមួយគ្នារយៈពេលពីរឆ្នាំ»។

«កិច្ចសហការនេះគឺជាជំហានមួយដ៏សំខាន់ ដែលយើងចូលរួមជាមួយម៉ាកយីហោអន្តរជាតិ ដែលមានកេរ្តិ៍ឈ្មោះល្បីល្បាញ សម្រាប់ការច្នៃប្រឌិត គុណភាព និងចំណង់ចំណូលចិត្តសម្រាប់កីឡាបាល់ទាត់។ សូមរង់ចាំការបង្ហាញឈុតផ្លូវការថ្មីរបស់យើងក្នុងពេលឆាប់ៗ»។

KELME ជាក្រុមហ៊ុនផលិតសម្ភារកីឡាដ៏ល្បីល្បាញមួយនៅក្នុងពិភពលោករបស់ប្រទេសអេស្ប៉ាញដែលមានអាយុកាល៦២ឆ្នាំមកហើយ។ សម្ភារកីឡាជាច្រើនប្រភេទដូចជា កីឡាបាល់បោះ កីឡាបាល់ទាត់ កីឡាបាល់ទះ កីឡាបាល់ទាត់ហ្វូតសាល កីឡាហុកគី កីឡាគ្រីឃីត និងកីឡាផ្សេងៗទៀត។ ក្នុងនោះមានក្លិប និងក្រុមជម្រើសជាតិជាច្រើននៅលើពិភពលោកដែលបានប្រើប្រាស់ជាផ្លូវការ៕

អត្ថបទ៖ វីរបុត្រ

Related Topics:ក្លឹបបាល់ទាត់ព្រះខ័នរាជស្វាយរៀង