លោក Tedros Adhanom Ghebreyesus អគ្គនាយក WHO បានថ្លែងនៅក្នុងសន្និសីទសារព័ត៌មានមួយ កាលពីថ្ងៃចន្ទថា ទីភ្នាក់ងារនេះ បានផ្តល់ឧបករណ៍វេជ្ជសាស្ត្រអុកស៊ីសែន និងមន្ទីរពេទ្យចល័ត ដល់ប្រទេសឥណ្ឌា ។

លោកបាននិយាយថា WHO ក៏កំពុងផ្តល់ដំបូន្មាន ស្តីពីការថែទាំតាមផ្ទះ សម្រាប់អ្នកជំងឺដែលមិនអាច ចូលសម្រាកព្យាបាលនៅមន្ទីរពេទ្យបានផងដែរ ។

ទន្ទឹមនោះ លោក Tedros ក៏បានអំពាវនាវម្តងហើយម្តងទៀត ឲ្យបណ្តាប្រទេសនានា ចាត់វិធានការប្រឆាំងនឹងវីរុសនេះយ៉ាងហ្មត់ចត់ផងដែរ ដោយនិយាយថា ការលេចចេញនៃវីរុសនេះ​ អាចកើតឡើងនៅគ្រប់ទីកន្លែង ។

លោក Tedros ក៏បាននិយាយផងដែរថា WHO ក៏បានចុះហត្ថលេខា ជាមួយក្រុមហ៊ុនវ៉ាក់សាំង Moderna ក្នុងការទិញយកវ៉ាក់សាំងនេះ ចំនួន ៥០០ លានដូស តាមរយៈកម្មវិធី COVAX បន្ទាប់ពីការផ្គត់ផ្គង់វ៉ាក់សាំង AstraZeneca ដែលត្រូវបានផលិត នៅក្នុងប្រទេសឥណ្ឌា ត្រូវបានពន្យារពេល ហើយលោក Tedros បាននិយាយថា “យើងកំពុងបន្តប្រឈមនឹង កង្វះការផ្គត់ផ្គង់វ៉ាក់សាំងធ្ងន់ធ្ងរ” ។

បន្ថែមពីនេះ លោក Tedros បានអំពាវនាវដល់បណ្តាប្រទេស ដែលមានវ៉ាក់សាំងគ្រប់គ្រាន់ សម្រាប់ប្រជាជនរបស់ពួកគេ ឲ្យផ្តល់វ៉ាក់សាំងនេះដល់ប្រទេសដទៃទៀត ដែលកំពុងមានការខ្វះខាត ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ក្រោយ WHO អនុម័តប្រើប្រាស់ជាបន្ទាន់ ប្រទេសក្រីក្រត្រៀមទទួលវ៉ាក់សាំង Moderna ចំនួន ៥០០ លានដូសពីកម្មវិធី COVAX

ចុចអាន ៖ WHO និង​អាមេរិក ប្រាប់​គន្លឹះ​សំខាន់ៗ​នៃ​របប​អាហារ​គួរ​ទទួលទាន​ជួយ​ប្រព័ន្ធ​ភាព​ស៊ាំ​ប្រឆាំង​កូវីដ

The post WHO ផ្ដល់ដំបូន្មានដល់អ្នកជំងឺកូវីដឥណ្ឌាដែលមិនអាចចូលសម្រាកព្យាបាលនៅមន្ទីរពេទ្យបាន ថែទាំខ្លួនឯងនៅផ្ទះ appeared first on Kampuchea Thmey Daily.

ក្រុមមន្រ្តីបាននិយាយថា កិច្ចព្រមព្រៀងរវាងវ៉ាក់សាំង Moderna និងសម្ព័ន្ធភាព GAVI នឹងចាប់ផ្តើមនៅចុងឆ្នាំនេះ ហើយនឹងដំណើរការ រហូតដល់ឆ្នាំ ២០២២ ដែលជាផ្នែកមួយនៃកម្មវិធី COVAX ។

លោកបណ្ឌិត Seth Berkley នាយកប្រតិបត្តិ GAVI បាននិយាយ នៅក្នុងសេចក្តីថ្លែងការណ៍មួយថា “យើងមានសេចក្តីរីករាយណាស់ ដែលបានចុះហត្ថលេខា លើកិច្ចព្រមព្រៀងថ្មីនេះជាមួយ Moderna ហើយនឹងផ្តល់ឲ្យប្រទេស ដែលចូលរួមនៅក្នុងកម្មវិធី COVAX ទទួលបានវ៉ាក់សាំង ដែលមានប្រសិទ្ធិភាពខ្ពស់គ្រប់គ្រាន់” ។

គួររម្លឹកថា វ៉ាក់សាំង Moderna បានទទួលការអនុម័ត ប្រើប្រាស់ជាបន្ទាន់ពី WHO កាលពីថ្ងៃសុក្រ ហើយវាក៏ជាតម្រូវបន្ថែម សម្រាប់សិទ្ធិទទួលបានពីកម្មវិធី COVAX ទៅដល់ប្រទេសក្រីក្រ ។

ទន្ទឹមនោះ លោក Stephane Bancel នាយកប្រតិបត្តិរបស់ក្រុមហ៊ុនវ៉ាក់សាំង Moderna បានហៅកិច្ចព្រមព្រៀងនេះថា ជាព្រឹត្តិការណ៍ដ៏សំខាន់មួយ ក្នុងការចាក់ថ្នាំបង្ការ នៅទូទាំងពិភពលោក ជាពិសេសអ្នកដែលរស់នៅក្នុងប្រទេសក្រីក្រ និងជាកន្លែង ដែលការទទួលបានវ៉ាក់សាំង កាន់តែមានបញ្ហា ។

លោក Bancel បាននិយាយ នៅក្នុងសេចក្តីថ្លែងការណ៍មួយថា “ប្រទេសជាច្រើន មានធនធានមានកំណត់ ក្នុងការទទួលបាន វ៉ា់ក់សាំងការពារជំងឺកូវីដ ១៩ ។ យើងនៅតែប្តេជ្ញាធ្វើអ្វីៗគ្រប់យ៉ាង ដែលយើងអាចធ្វើបាន ដើម្បីបញ្ចប់ការរីករាលដាល នៃជំងឺរាតត្បាតនេះ” ។

សម្ព័ន្ធភាពវ៉ាក់សាំង GAVI គឺជាការសហការជាមួយ WHO និងមូលនិធិកុមារ របស់អង្គការសហប្រជាជាតិ (UNICEF) ដើម្បីជួយដល់ប្រទេស ដែលមានប្រាក់ចំណូលទាប ស្ទើរតែ ១០០ ដោយពង្រីកការទទួលបានវ៉ាក់សាំងការពារជំងឺកូវីដ ១៩ ខណៈថ្មីៗនេះ ប្រទេសស៊ុយអែត ក៏បានយល់ព្រមបរិច្ចាគវ៉ាក់សាំង AstraZeneca ចំនួន ១ លានដូស ដល់កម្មវិធី COVAX ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ UPI

ចុចអាន ៖ WHO អនុម័តវ៉ាក់សាំង Moderna សម្រាប់ប្រើប្រាស់បន្ទាន់

ចុចអាន ៖ វ៉ាក់សាំង Pfizer និង Moderna ជួយមនុស្សចាស់មិនឲ្យចូលសម្រាកព្យាបាលនៅមន្ទីរពេទ្យដោយកូវីដជិត ១០០ ភាគរយ

The post មានសង្ឃឹមហើយ! ក្រោយ WHO អនុម័តប្រើប្រាស់ជាបន្ទាន់ ប្រទេសក្រីក្រត្រៀមទទួលវ៉ាក់សាំង Moderna ចំនួន ៥០០ លានដូសពីកម្មវិធី COVAX appeared first on Kampuchea Thmey Daily.

អង្គការសុខភាពពិភពលោក (WHO) បាននិយាយថា រហូតមកដល់ពេលនេះកម្មវិធី COVAX បានផ្តល់នូវវ៉ាក់សាំងជិត ៤០ លានដូសនៅទូទាំងទ្វីបចំនួន ៦ ដែលផ្គត់ផ្គង់ដោយវ៉ាក់សាំងរបសក្រុមហ៊ុន AstraZeneca ក្រុមហ៊ុន Pfizer-BioNTech និងវិទ្យាស្ថាន Serum នៃប្រទេសឥណ្ឌា ។

មន្ត្រីបាននិយាយថា ក្នុងចំណោមប្រទេសជាង ១០០ ដែលកម្មវិធី COVAX បានផ្គត់ផ្គង់ការចាក់វ៉ាក់សាំងក្នុងនោះមាន ៦១ ប្រទេសស្ថិតក្នុងចំណោមប្រទេសដែលមានប្រាក់ចំណូលទាបចំនួន ៩២ ទទួលបានវ៉ាក់សាំងដែលត្រូវបានផ្តល់មូលនិធិតាមរយៈសម្ព័ន្ធភាពអន្តរជាតិ Gavi នៃកម្មវិធី COVAX ។

ទោះបីជាមានការថយចុះនៃការផ្គត់ផ្គង់វ៉ាក់សាំងក្នុងខែមីនា និងមេសាក៏ដោយក៏ក្រុមមន្រ្តីបាននិយាយថា យន្តការ COVAX សង្ឃឹមថានឹងផ្តល់នូវវ៉ាក់សាំងដល់ប្រទេសដែលចូលរួមក្នុងកម្មវិធីមួយនេះទាំងអស់ដែលបានស្នើសុំវ៉ាក់សាំង ។

ទន្ទឹមនោះអគ្គនាយក WHO លោក Tedros Adhanom Ghebreyesus បាននិយាយនៅក្នុងសេចក្តីថ្លែងការណ៍មួយថា “COVAX បានផ្តល់ឲ្យពិភពលោកនូវវិធីល្អបំផុតដើម្បីធានាឲ្យមានការចាក់វ៉ាក់សាំងដែលមានសុវត្ថិភាព និងប្រសិទ្ធភាពដល់មនុស្សដែលមានហានិភ័យនៅក្នុងប្រទេសទាំងអស់នៅលើភពផែនដី” ។

យោងតាមការព្យាករណ៍ការផ្គត់ផ្គង់ចុងក្រោយរបស់ខ្លួនបានឲ្យដឹងថា កម្មវិធី COVAX រំពឹងថានឹងផ្តល់វ៉ាក់សាំងយ៉ាងហោចណាស់ ២ ពាន់លានដូសក្នុងឆ្នាំ ២០២១ ៕

ប្រែសម្រួលដោយ ៖ ជីវ័ន្ត

ប្រភព ៖ UPI

ចុចអាន ៖ WHO បង្ហាញចំនួនដូស និងប្រទេសទទួលបានវ៉ាក់សាំងតាមរយៈកម្មវិធី COVAX

ចុចអាន ៖ ប្រទេសដំបូងបំផុត ទទួលបានវ៉ាក់សាំងកូវីដពីកម្មវិធី COVAX

The post ដំណឹងល្អ! COVAX ផ្ដល់វ៉ាក់សាំងកូវីដ ១០០ លានដូសដល់ប្រទេសក្រីក្របំផុតនៅលើពិភពលោក appeared first on Kampuchea Thmey Daily.

លោក Giorgio Aliberti ឯកអគ្គរដ្ឋទូត EU ប្រចាំនៅវៀតណាមបាននិយាយថា ប្រធានបទនេះអាចត្រូវបានពិភាក្សា ចាប់តាំងពីប្រទេសជាច្រើនគ្រោងនឹងផលិតវ៉ាក់សាំងកូវីដ ហើយវៀតណាមក៏មានសក្តានុពលក្នុងការផលិតវ៉ាក់សាំងនេះផងដែរ។

លោកបាននិយាយទៅកាន់អ្នកព័ត៌មានកាលពីថ្ងៃអង្គារថា វិទ្យាស្ថាន Serum របស់ឥណ្ឌា បានចុះកិច្ចសន្យាជាមួយក្រុមហ៊ុនអង់គ្លេស-ស៊ុយអែត AstraZeneca ដើម្បីផលិតវ៉ាក់សាំងកូវីដចំនួន ៧០លានដូសក្នុងមួយខែ ដែលនេះធ្វើឲ្យឥណ្ឌាក្លាយជាប្រទេសសំខាន់ក្នុងការប្រយុទ្ធប្រឆាំងនឹងជំងឺរាតត្បាត។

ពេលសួរដោយអ្នកឆ្លើយឆ្លងព័ត៌មានអំពីក្តីព្រួយបារម្ភចំពោះសុវត្ថិភាពវ៉ាក់សាំង AstraZeneca និងវ៉ាក់សាំងផ្សេងទៀតដែលចែកចាយតាមរយៈយន្តការទទួលវ៉ាក់សាំងសកល Covax, លោកបាននិយាយថា គណៈកម្មាធិការវាយតម្លៃហានិភ័យ Pharmacovigilance ដែលជាគណៈកម្មាធិការរបស់ទីភ្នាក់ងារថ្នាំអឺរ៉ុបទទួលបន្ទុកវាយតម្លៃនិងតាមដានសុវត្ថិភាពថ្នាំពេទ្យរបស់មនុស្ស បានសន្និដ្ឋានថា វ៉ាក់សាំងនេះ មានគុណប្រយោជន៍ច្រើនជាងហានិភ័យ ហើយករណីមានកំណកឈាមគឺកម្រណាស់។

លោកនិយាយថា វ៉ាក់សាំង AstraZeneca គួរតែបន្តប្រើប្រាស់ ហើយការសម្រេចចិត្តគឺផ្អែកលើភស្តុតាងវិទ្យាសាស្ត្រ។

EU គឺជាអ្នកឧបត្ថម្ភរបស់ Covax ដែលគ្រោងនឹងបរិច្ចាគវ៉ាក់សាំងប្រមាណ ៤.១លានដូសទៅឲ្យប្រទេសវៀតណាមនៅត្រឹមខែមេសា។ ប៉ុន្តែលោក Dang Duc Anh នាយកវិទ្យាស្ថានជាតិអនាម័យនិងរោគរាតត្បាតបាននិយាយថា ដោយសារតែភាពលំបាកក្នុងការផលិតវ៉ាក់សាំងនៅជុំវិញពិភពលោក ការប្រគល់នេះអាចត្រូវពន្យារពេល៕

ប្រែសម្រួលដោយ៖ Vann Vann

ប្រភព៖ VN Express

The post EU ពិចារណាផ្ទេរបច្ចេកវិទ្យាផលិតវ៉ាក់សាំងកូវីដទៅឲ្យ វៀតណាម appeared first on Kampuchea Thmey Daily.

អគ្គនាយករងអង្គការសុខភាពពិភពលោក Tedros Adhanom Ghebreyesus បានសម្តែងការព្រួយបារម្ភដោយនិយាយថា “ប្រទេសមួយចំនួនកំពុងប្រណាំងដើម្បីចាក់វ៉ាក់សាំងដល់ប្រជាជនរបស់ពួកគេទាំងអស់ ខណៈដែលប្រទេសផ្សេងទៀតមិនមានអ្វីទាំងអស់” ។

ចំណែកទីប្រឹក្សាជាន់ខ្ពស់របស់ WHO លោក Bruce Aylward បានប្រាប់អ្នកសារព័ត៌មានកាលពីថ្ងៃចន្ទថា “និយាយដោយត្រង់ទៅបញ្ហាដែលយើងមានគឺថាយើងមិនអាចទទួលបានវ៉ាក់សាំងគ្រប់គ្រាន់ដើម្បីផ្ដល់ទៅប្រទេសអ្នកក្រតាមដែលអាចធ្វើទៅបាននោះទេ” ។

ទន្ទឹមនោះកម្មវិធី COVAX ដែលជាក្របខ័ណ្ឌអន្តរជាតិសម្រាប់ការចែកចាយវ៉ាក់សាំងប្រកបដោយសមធម៌និយាយថា ខ្លួនបានចែកចាយវ៉ាក់សាំងតិចជាង ១០ ភាគរយនៃគោលដៅរបស់ខ្លួន ។

កម្មវិធីនេះនិយាយថា ចាប់តាំងពីការដឹកជញ្ជូនលើកដំបូងរបស់ខ្លួនទៅកាន់ប្រទេសនៅអាហ្វ្រិកខាងលិចដូចជា ហ្គាណា កាលពីថ្ងៃទី ២៤ ខែកុម្ភៈ COVAX បានចែកចាយវ៉ាក់សាំងច្រើនជាង ៣១ លានដូសទៅដល់ ៥៧ ប្រទេស ។

គួរបញ្ជាក់ថា គោលដៅរបស់កម្មវិធី COVAX គឺដើម្បីផ្តល់នូវវ៉ាក់សាំងច្រើនជាង ៣៣០ លានដូសនៅចុងខែមិថុនា ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ WHO ៖ គម្លាតវ៉ាក់សាំងរវាងប្រទេសអ្នកមាន និងអ្នកក្រកាន់តែអាក្រក់ទៅៗ

ចុចអាន ៖ WHO ជំរុញប្រទេសនានាត្រូវរាយការណ៍ពីជំងឺកូវីដ ១៩ បំប្លែងខ្លួនថ្មីជាដាច់ខាត

The post WHO ជំរុញប្រទេសអ្នកមានចែករំលែកវ៉ាក់សាំង ក្រោយចាក់ដល់អ្នកមានហានិភ័យខ្ពស់រួច appeared first on Kampuchea Thmey Daily.

នៅក្នុងសិក្ខាសាលាស្តីពីជំងឺកូវីដ ១៩ នៅទីក្រុងហ្សឺណែវ អគ្គនាយក WHO លោក Tedros Ghebreyesus បាននិយាយថា ប្រទេសអ្នកមានកំពុងចាក់វ៉ាក់សាំងមនុស្សវ័យក្មេង និងមនុស្សដែលមានសុខភាពល្អដែលមានហានិភ័យទាប បុគ្គលិកសុខាភិបាល មនុស្សចាស់ និងក្រុមដែលមានហានិភ័យដទៃទៀត ។

លោក Tedros បានិយាយថា “ប្រទេសក្រីក្របំផុតនៅលើពិភពលោកងឿងឆ្ងល់ថាតើហេតុអ្វីបានជាប្រទេសអ្នកនិយាយអំពីសាមគ្គីភាពនៃការចែកចាយវ៉ាក់សាំង” ។

លោកបានបន្ថែមទៀតថា “ការចែកចាយវ៉ាក់សាំងមិនស្មើភាពគ្នាមិនត្រឹមតែជាការខ្ជិលច្រអូសខាងសីលធម៌ប៉ុណ្ណោះទេតែវាក៏ជាការធ្វើឲ្យបរាជ័យខាងសេដ្ឋកិច្ច និងរោគរាតត្បាតផងដែរ” ។

កម្មវិធី COVAX ដែលដឹកនាំដោយអង្គការសុខភាពពិភពលោកមានគោលបំណងបញ្ចប់ដំណាក់កាលស្រួចស្រាវនៃជំងឺកូវីដ ១៩ ដោយធានានូវការបែងចែកវ៉ាក់សាំងត្រឹមត្រូវ និងស្មើភាពគ្នា ។

លោក Tedros បាននិយាយកាលពីថ្ងៃសុក្រថា វ៉ាក់សាំងច្រើនជាង ៤១១ លានដូសត្រូវបានគេប្រើប្រាស់ទូទាំងពិភពលោក ប៉ុន្តែ ៧៦ ភាគរយនៃវ៉ាក់សាំងទាំងនោះគឺមានតែនៅក្នុងប្រទេសចំនួន ១០ ប៉ុណ្ណោះ ។

លោកបាននិយាយកាលពីថ្ងៃចន្ទថា ប្រទេសមួយចំនួនកំពុងប្រណាំងដើម្បីចាក់វ៉ាក់សាំងប្រជាជនទាំងមូល ខណៈដែលប្រទេសផ្សេងទៀតមិនមានអ្វីទាំងអស់ ។ ទន្ទឹមនោះការឆ្លងកាន់តែច្រើន និងការលេចចេញវ៉ារ្យ៉ង់ថ្មីកាន់តែច្រើនក៏ជាហេតុផលដែលពួកគេនឹងចាក់វ៉ាក់សាំង ។

លោក Tedros បន្តថា “យើងត្រូវបង្កើនការផលិតវ៉ាក់សាំងឲ្យបានឆាប់តាមដែលអាចធ្វើទៅបាន ។ ប្រសិនបើប្រទេសនានាមិនចែកចាយវ៉ាក់សាំងដោយហេតុផលត្រឹមត្រូវយើងសូមអំពាវនាវឲ្យពួកគេធ្វើវាដោយមិនគិតពីផលប្រយោជន៍ផ្ទាល់ខ្លួន” ។

លោកបាននិយាយថា ប្រទេសមួយចំនួនបានធ្វើជាគំរូដ៏ល្អមួយដូចជា ប្រទេសកូរ៉េខាងត្បូង ទោះបីជាប្រទេសដែលមានប្រាក់ចំណូលខ្ពស់អាចមានលទ្ធភាពទិញវ៉ាក់សាំងបានយ៉ាងងាយស្រួលតាមរយៈកិច្ចព្រមព្រៀងទ្វេភាគីក៏ដោយក៏ពួកគេបានរង់ចាំវេនរបស់ខ្លួនសម្រាប់ការចែកចាយវ៉ាក់សាំងតាមរយៈកម្មវិធី COVAX ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ WHO ជំរុញប្រទេសនានាត្រូវរាយការណ៍ពីជំងឺកូវីដ ១៩ បំប្លែងខ្លួនថ្មីជាដាច់ខាត

ចុចអាន ៖ ដំណឹងល្អ! វ៉ាក់សាំងចាក់តែមួយដូស Johnson & Johnson មានសុវត្ថិភាពលើមនុស្សអាយុលើស ១៨ ឆ្នាំ

The post WHO ៖ គម្លាតវ៉ាក់សាំងរវាងប្រទេសអ្នកមាន និងអ្នកក្រកាន់តែអាក្រក់ទៅៗ appeared first on Kampuchea Thmey Daily.

នៅដើមសប្តាហ៍នេះយុទ្ធនាការចាក់វ៉ាក់សាំងការពារជំងឺកូវីដ ១៩ ដំបូងបង្អស់នៅទ្វីបអាហ្វ្រិកដោយប្រើដូសនៃវ៉ាក់សាំងដែលត្រូវបានផ្តល់ដោយកម្មវិធី COVAX បានចាប់ផ្តើមនៅក្នុងប្រទេសហ្គាណា និងកូឌីវ័រដែលក្រោយមកត្រូវបានដឹកជញ្ជូនទៅប្រទេសចំនួន ១៨ ផ្សេងទៀតដែលភាគច្រើននៅអាហ្វ្រិក ។

អគ្គនាយកអង្គការសុខភាពពិភពលោកលោក Tedros Adhanom Ghebreyesus បានប្រាប់សន្និសីទសារព័ត៌មានមួយថា នៅសប្តាហ៍ក្រោយកម្មវិធី COVAX នឹងចែកចាយវ៉ាក់សាំងចំនួន ១៤.៤ លានដូសទៅ ៣១ ប្រទេសទៀត ។

ទោះយ៉ាងណាបរិមាណដូសដែលត្រូវបានចែកចាយតាមរយៈកម្មវិធី COVAX គឺនៅមានតិចតួចនៅឡើយដែលគ្របដណ្តប់តែ ២ ទៅ ៣ ភាគរយនៃប្រជាជននៃប្រទេសដែលទទួលបានវ៉ាក់សាំងតាមរយៈកម្មវិធីនេះ ។

លោក Tedros បាននិយាយថា WHO កំពុងធ្វើការលើការទាក់ទងក្រុមហ៊ុនដែលកំពុងផលិតវ៉ាក់សាំងជាមួយដៃគូផ្សេងទៀតដែលមានសមត្ថភាពដើម្បីជួយបង្កើនផលិតកម្ម និងបង្កើនបរិមាណនៃវ៉ាក់សាំង ។

លោកក៏បានរំលឹកឡើងវិញនូវការអំពាវនាវឲ្យផ្ទេរបច្ចេកវិទ្យាវ៉ាក់សាំងពីក្រុមហ៊ុនដែលមានកម្មសិទ្ធិបញ្ញាលើវ៉ាក់សាំងដល់ក្រុមហ៊ុនដែលអាចផលិតវាបាន ។

លោកបាននិយាយថា “ឧទាហរណ៍ដ៏ល្អមួយនៃវិធីសាស្រ្តនេះគឺក្រុមហ៊ុន AstraZeneca ដែលបានផ្ទេរបច្ចេកវិទ្យាសម្រាប់វ៉ាក់សាំងរបស់ខ្លួនទៅក្រុមហ៊ុន SKBio នៅសាធារណរដ្ឋកូរ៉េ និងវិទ្យាស្ថាន Serum នៃប្រទេសឥណ្ឌាដែលកំពុងផលិតវ៉ាក់សាំង AstraZeneca សម្រាប់កម្មវិធី COVAX” ។

គួរបញ្ជាក់ថា COVAX ដែលជាកម្មវិធីទទួលវ៉ាក់សាំងកូវីដជាសកលគឺមានគោលបំណងដើម្បីធានាថា ប្រជាជនដែលងាយរងគ្រោះបំផុតនៅលើពិភពលោកត្រូវបានចាក់ថ្នាំបង្ការ ហើយប្រទេសដែលមានប្រាក់ចំណូលទាបនិងមធ្យមមានលទ្ធភាពទទួលបានវ៉ាក់សាំងដោយស្មើភាព ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ កម្ពុជាស្ថិតក្នុងចំណោមប្រទេសដំបូងគេ ទទួលវ៉ាក់សាំង កូវីដ-១៩ ពី COVAX

ចុចអាន ៖ កូឡុំប៊ី ជាប្រទេសដំបូងគេនៅទ្វីបអាមេរិក ទទួលបានវ៉ាក់សាំងកូវីដតាមរយៈកម្មវិធី COVAX

The post WHO បង្ហាញចំនួនដូស និងប្រទេសទទួលបានវ៉ាក់សាំងតាមរយៈកម្មវិធី COVAX appeared first on Kampuchea Thmey Daily.

ប្រទេសនេះ ទទួលបានវ៉ាក់សាំង Pfizer-BioNTech ចំនួន១១៧,០០០ដូសកាលពីថ្ងៃចន្ទ។

ការមកដល់នៃវ៉ាក់សាំងក្នុងរដ្ឋធានី Bogota បានកើតឡើងប៉ុន្មានថ្ងៃ បន្ទាប់ពីខួបមួយឆ្នាំដែលករណីដំបូងនៃជំងឺកូវីដ១៩ ត្រូវបានរកឃើញនៅក្នុងតំបន់អាមេរិកឡាទីន។

កូឡុំប៊ី គឺជាប្រទេសរងគ្រោះខ្លាំងជាងគេបំផុតមួយនៅក្នុងតំបន់នេះ ដោយមានករណីឆ្លងជំងឺកូវីដ១៩ជាង២.២៥លានករណី និងមានអ្នកស្លាប់ជិត៦០,០០០នាក់។

លោកប្រធានាធិបតី Ivan Duque បាននិយាយនៅក្នុងសេចក្តីថ្លែងការណ៍មួយថា “ថ្ងៃនេះគឺជាព្រឹត្តិការណ៍ដ៏សំខាន់មួយ។ ថ្ងៃនេះ COVAX បានធ្វើការដឹកជញ្ជូនលើកដំបូងរបស់ខ្លួននៅអឌ្ឍគោលខាងលិច ហើយប្រទេសដំបូងបង្អស់ដែលបានទទួលវា គឺកូឡុំប៊ី”។

គួរបញ្ជាក់ថា COVAX ដែលជាកម្មវិធីទទួលវ៉ាក់សាំងកូវីដជាសកល គឺមានគោលបំណងដើម្បីធានាថា ប្រជាជនដែលងាយរងគ្រោះបំផុតនៅលើពិភពលោកត្រូវបានចាក់ថ្នាំបង្ការ ហើយប្រទេសដែលមានប្រាក់ចំណូលទាបនិងមធ្យម មានលទ្ធភាពទទួលបានវ៉ាក់សាំងដោយស្មើភាព៕

ប្រែសម្រួលដោយ៖ Vann Vann

ប្រភព៖ Al Jazeera

ចុចអាន៖ ករណីឆ្លងជំងឺកូវីដ១៩ទូទាំងពិភពលោក កើនឡើងជាលើកដំបូងក្នុងរយៈពេល៧សប្តាហ៍

ចុចអាន៖ អ្នក​ជា​សហគ្រិន មេរោគ​ឆ្លង​មិន​អាច​ទប់​អ្នក​ឲ្យ​នៅ​មួយ​កន្លែង​បាន​យូរ​ទេ

The post កូឡុំប៊ី ជាប្រទេសដំបូងគេនៅទ្វីបអាមេរិក ទទួលបានវ៉ាក់សាំងកូវីដតាមរយៈកម្មវិធី COVAX appeared first on Kampuchea Thmey Daily.