កូវីដ-១៩
WHO និងអាមេរិក ប្រាប់គន្លឹះសំខាន់ៗនៃរបបអាហារគួរទទួលទានជួយប្រព័ន្ធភាពស៊ាំប្រឆាំងកូវីដ
មជ្ឈមណ្ឌលត្រួតពិនិត្យជំងឺអាមេរិក (CDC) និង WHO បានផ្ដល់ដំបូន្មានព្រមគ្នាថា វិធីល្អបំផុតដើម្បីទប់ទល់នឹងភាពតានតឹងក្នុងវិបត្តិរាតត្បាតនេះ គឺត្រូវព្យាបាលរាងកាយឲ្យមានជីវជាតិល្អ និងថែរក្សាខ្លួនឯងជៀសវាងពីជំងឺ។ ជាពិសេសគួរមានជម្រើសអាហាររូបត្ថម្ភដែលអាចដើរតួយ៉ាងធំធេងក្នុងប្រព័ន្ធភាពស៊ាំ ដើម្បីប្រយុទ្ធប្រឆាំងនឹងវីរុស។
១ រួមបញ្ចូលផ្លែឈើនិងបន្លែជានិច្ចនៅលើចាន
WHO បញ្ជាក់ថា ប្រព័ន្ធភាពស៊ាំដែលមានសុខភាពល្អត្រូវបានទ្រទ្រង់ដោយការផ្ដល់ឲ្យរាងកាយនូវសារធាតុចិញ្ចឹមផ្សេងៗគ្នា។ ដើម្បីទទួលបានវីតាមីននិងជាតិរ៉ែជាច្រើនប្រភេទចូលក្នុងរបបអាហារ គឺត្រូវបញ្ចូលផ្លែឈើនិងបន្លែនៅលើចានក្នុងពេលទទួលទាន។
យោងទៅតាមសាកលវិទ្យាល័យ Cincinnati Health (UC Health) និយាយថា ផ្លែឈើនិងបន្លែល្អបំផុតសម្រាប់ប្រព័ន្ធភាពស៊ាំរួមមានពពួកមានវីតាមីន C ខ្ពស់ ដូចជាក្រូចលឿងនិងបៃតង បេតាខារ៉ូទីន បន្លែពណ៌ទឹកក្រូច សារធាតុប្រឆាំងអុកស៊ីតកម្មមានផ្លែប៊ឺរី និងវីតាមីន E ពីផ្លែបឺរ ។
២ បន្ថែមគ្រាប់ធញ្ញជាតិ
នៅក្នុងការសិក្សាដែលចុះផ្សាយដោយទស្សនាវដ្ដីអាហារបំប៉ននៃគ្លីនិកអាមេរិកថា របបអាហារដែលសំបូរទៅដោយគ្រាប់ធញ្ញជាតិ បានជះឥទ្ធិពលជាវិជ្ជមានដល់សុខភាពពោះវៀន ក៏ដូចជាសញ្ញាណសំគាល់ភាពស៊ាំ និងរលាកសម្រាប់មនុស្សពេញវ័យ ជាពិសេសក្នុងកំឡុងពេលកូវីដ។
៣ អាហារសំបូរវីតាមីននិងជាតិរ៉ែ
របបអាហារដែលសំបូរទៅដោយវីតាមីននិងជាតិរ៉ែគ្រប់ប្រភេទ គឺជាវិធីល្អបំផុតដើម្បីពង្រឹងប្រព័ន្ធភាពស៊ាំនិងជៀសវាងជំងឺប្រភេទណាមួយ។ អាហារមានជីវជាតិល្អបំផុតក្នុងការបញ្ចូលក្នុងរបបអាហារគឺផលិតផលពីសត្វ ដូចជាស៊ុតនិងសាច់។ ជាពិសេសប្រូតេអ៊ីនគ្មានខ្លាញ់និងត្រីសំបូរទៅដោយអូមេហ្គា ៣ ។
៤ ទឹកដោះគោនិងទឹកសណ្ដែកមានជាតិខ្លាញ់ទាប
វីតាមីនសំខាន់មួយទៀតដែលអាចជួយប្រយុទ្ធប្រឆាំងនឹងកូវីដ គឺវីតាមីន D ដែលអាចត្រូវបានរកឃើញនៅក្នុងផលិតផលទឹកដោះគោនិងទឹកសណ្ដែក ។ ទឹកដោះគោនិងទឹកសណ្ដែកអាចផ្ដល់ឲ្យរាងកាយរបស់អ្នកនូវបរិមាណវីតាមីន D ក៏ដូចជាបរិមាណខ្លាញ់ដែលមានសុខភាពល្អ និងសូម្បីតែប្រូតេអ៊ីនមួយចំនួន។
៥ ពពួកអាហារសំបូរស័ង្កសីខ្ពស់
ប្រភពស័ង្កសីល្អបំផុតមួយចំនួនដែលអ្នកអាចបន្ថែមក្នុងរបបអាហារ រួមមានសាច់គ្មានខ្លាញ់ដូចជាអាហារសមុទ្រ គ្រាប់ផ្លែឈើ សុទ្ធសឹងជាអាហារដែលមានជាតិស័ង្កសីខ្ពស់៕
ប្រែសម្រួល៖ សាង ស្រីល័ក្ខ
ប្រភព៖eating N eatthis
ចុចអាន៖មេ WHO ចែករំលែកវិធី ៥ យ៉ាងដល់ប្រជាជនទូទាំងពិភពលោកអនុវត្ត អំឡុងជំងឺកូវីដ ១៩
-
ព័ត៌មានជាតិ២០ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ