១. កុំខុសសីលធម៌ក្នុងការចាប់ចង្កឹះ

ជនជាតិជប៉ុននឹងកោតសរសើរអ្នកពូកែកាន់ចង្កឹះជាប់ និងដឹងវិន័យដូចជា៖

_ ហាមដោតចង្កឹះលើចានបាយព្រោះការធ្វើបែបនេះតំណាងឲ្យឧទ្ទិសដល់អ្នកស្លាប់

_ ដាក់ចង្កឹះចុះលើជើងចង្កឹះនៅក្បែរចាន

_ កុំរំលងចង្កឹះគេផ្សេង

_ ពេលញ៉ាំជុំគ្នា ត្រូវដាក់ចង្កឹះលើចានជាមុនសិន និងកុំញីចង្កឹះចូលគ្នា។

២. កុំពាក់ស្បែកជើងចូលផ្ទះគេ

កន្លែងនេះមិនខុសពីខ្មែរយើងទេ យ៉ាងណាក្ដីអ្នកគួរចងចាំព្រោះថាសូម្បីតែទីកន្លែងសាធារណៈមួយចំនួនធំក៏ហាមមិនអោយពាក់ស្បែកជើងចូលដែរដូចជា៖ ប្រាសាទ សាលា និងមន្ទីរពេទ្យជាដើម។

៣. ហាមកាត់ជួរគេ

ជនជាតិជប៉ុនចូលចិត្តតម្រង់ជួរក្នុងភោជនីយដ្ឋាន ចំណតរថភ្លើង សូម្បីតែជណ្ដើរយន្ត។

៤. ហាមញ៉ាំពេលដើរនៅទីសាធារណៈ

នៅប្រទេសជប៉ុន មនុស្សទូទៅមិនបរិភោគ ឬផឹកនៅពេលធ្វើដំណើរនោះទេ។ អាហារតាមផ្លូវមានស្តង់ឈរញ៉ាំ ចំណែកឯទូភេសជ្ជៈតាមផ្លូវវិញគេផឹកហើយបោះចោលក្បែរនឹងតែម្ដង។

៥. កុំចូលអាងមុជទឹកមុនសម្អាតខ្លួន

ផ្ទះជនជាតិជប៉ុនភាគច្រើនមានអាងទឹកតូចផ្ទុកទឹកក្ដៅតិចៗសម្រាប់សម្រាកមិនមែនសម្រាប់មុជទឹកទេ។ ដូចគ្នានេះដែរអាងទឹកសាធារណៈតម្រូវឲ្យអ្នកមុជទឹកមុនចុះលេង ហាមឲ្យកន្សែងធ្លាក់ទឹក ហាមស្លៀកមិនសមរម្យ ត្រូវចងសក់ និងហាមមានសាក់។

៦. ហាមញីសសំបោរក្នុងទីសាធារណៈ

នៅទីនោះអ្នកនឹងសង្កេតឃើញថាមនុស្សជាច្រើនពាក់ម៉ាស់ទោះបីជាគ្មានកូវីដក៏ដោយ។

៧. មិនគួរឲ្យធីប

ការផ្ដល់ប្រាក់ធីបជាការមើលងាយក្នុងប្រទេសជប៉ុន ព្រោះថ្លៃសេវាកម្មត្រូវបូកបញ្ចូលសរុបហើយ។

៨. ហាមនិយាយទូរស័ព្ទឮៗនៅទីសាធារណៈ

នៅក្នុងទៅសាធារណៈយើងឃើញថា កម្រមានការតេនិយាយគ្នាណាស់ ភាគច្រើនគេផ្ញើរសារ លេងធម្មតា និងស្ដាប់ចម្រៀង។ អ្នកគួររកកន្លែងមានមនុស្សតិចចាំនិយាយទូរស័ព្ទ។

៩. ហាមចង្អុល

ការចង្អុលគឺជារឿងអសីលធម៌ សូម្បីតែកេះច្រមុះក៏ជនជាតិជប៉ុនប្រើម្រាមផ្សេងដែរដើម្បីជៀសវាងចង្អុលខ្លួនឯង។

១០. កុំចាក់ទឹកស៉ីអ៉ីវចូលទៅក្នុងបាយ

អ្នកត្រូវចាក់វាទៅក្នុងកូនចានទឹកជ្រលក់។

១១. ហាមប្រើដៃមួយពេលទទួល ឬប្រគល់អ្វីមួយ

ចំណុចនេះក៏ពេញនិយមនៅប្រទេសកម្ពុជាដែរ ជាពិសេសពេលទទួលឬជូនអ្វីមួយទៅមនុស្សចាស់។

១២. កុំចាក់ទឹកដោយខ្លួនឯង

រាល់ពេលទៅក្រៅមានគ្នាចាប់ពី២នាក់ឡើងទៅ អ្នកត្រូវចាក់ទឹកអោយគ្នាទៅវិញទៅមក ជៀសវាងចាក់ខ្លួនឯងផឹកខ្លួនឯង។

ចំណុចទាំង១២ខាងលើនេះនឹងផ្ដល់ភាពងាយស្រួលនិងទំនាក់ទំនងល្អនៅពេលអ្នកទៅលេងនៅប្រទេសជប៉ុន៕

ប្រែសម្រួលដោយ៖ វារី

ចុចអាន៖ រឿងខ្មោចជប៉ុនចំនួន ៥ គេជឿថាមានពិតមែន

ចុចអាន៖ មកស្គាល់ពីព្រៃ Aokigahara ឬហៅថាព្រៃសម្លាប់ខ្លួនក្នុងប្រទេស ជប៉ុន

The post ១២ យ៉ាង គួរចៀសវាងប្រព្រឹត្តក្នុងប្រទេស ជប៉ុន ដាច់ខាត appeared first on Kampuchea Thmey Daily.

ប្រជាជន Surma នៃកុលសម្ព័ន្ធ Suri ត្រូវបានគេដឹងថា មានប្រពៃណីបង្គាប់បណ្ណាការប្លែកមួយ ដោយតម្រូវឱ្យកូនក្រមុំពាក់ចានលើបបូរមាត់ ហើយកាលណាចានកាន់តែរីកធំៗ នោះតម្លៃទឹកដោះនឹងបានកាន់តែខ្ពស់។

កុលសម្ព័ន្ធនេះ ជាកុលសម្ព័ន្ធមួយក្នុងចំណោមកុលសម្ព័ន្ធចំនួន ៨ ដែលមានប្រជាជនសរុបប្រមាណ ២០ ម៉ឺននាក់ រស់នៅតំបន់ Kibish ស្ថិតនៅជ្រលង OMo ប្រទេសអេត្យូពី ក្នុងទ្វីបអាហ្វ្រិក។

ក្នុងទំនៀមទម្លាប់នៃកុលសម្ព័ន្ធ Suri នៅពេលស្ត្រីពេញវ័យ អាចបង្កើតកូនបាន គេនឹងដកធ្មេញក្រោមខាងមុខចំនួន ២ ចេញ ហើយចោះរន្ធត្រង់បបូរមាត់ខាងក្រោមរបស់នាង។ បន្ទាប់មកពួកគេបញ្ចូលដីឥដ្ឋ ឬថាសឈើនៅក្នុងរន្ធនេះ។ នៅពេលរន្ធរីក គេយកថាសដាក់នៅទីនោះ ដើម្បីពង្រីកបបូរមាត់ និងបន្តដាក់វារហូតទាល់តែចានមានទំហំពេញមាត់។ យ៉ាងណាមិញចានមិនមានទំហំប៉ុនគ្នាទាំងអស់នោះទេ ខណៈទំហំស្ដង់ដារគឺចាប់ពី ៨អ៊ីញ (ជាង ២៥សង់ទីម៉ែត្រ) ឡើងទៅ ហើយចានធំបំផុតមានទំហំ ១៦អ៊ីញ (ជាង ៤០សង់ទីម៉ែត្រ)។

ស្ត្រីដែលមានបបូរមាត់បែបនេះត្រូវបានប្រជាជន Surma ចាត់ទុកជានិមិត្តរូបនៃភាពចាស់ភាពទុំ ក៏ដូចជាភាពស្រស់ស្អាតដែលអាចទាក់ទាញបុរសឱ្យរៀបការជាមួយនាង៕

ប្រែសម្រួល៖ សន្យា

ចុចអាន៖ ស្ត្រី​រស់នៅ​ក្នុង​ប្រទេស​ទាំង ៥ នេះ ងាយ​រងគ្រោះ​បំផុត​ដោយសារ​អំពើ​ហិង្សា

ចុចអាន៖ វិធីកែ​សម្រស់ប្លែក​ៗរបស់ស្ត្រីក្នុងប្រទេសចំនួន ១១ នៅជុំវិញពិភពលោក

The post ស្ត្រីកុលសម្ព័ន្ធមួយ ពាក់ចានបបូរមាត់ឲ្យកាន់តែធំ បើចង់បានថ្លៃបណ្ណាការខ្ពស់ appeared first on Kampuchea Thmey Daily.

មិត្ត​អ្នកអាន​របស់ Kpt Plus ជា​ទីស្នេហា​ យើង​មក​អាន​អត្ថបទ​នេះទាំងអស់​គ្នា​ទៅ​មើល​ថា ​តើ​ប្រទេស​ណាខ្លះ​ដែល​មាន​ទំនៀមទម្លាប់​ដូច​យើង ​ឬ​ខុស​ពី​ប្រទេស​យើង​ខ្លះ?

១. ដាណឺម៉ាក-ធ្វើពិធីបោកចាន

នៅ​ក្នុង​គ្រួសារ​នីមួយៗ​មាន​ចាន​និង​ពែង​ខ្លះ​ ដែល​អាច​នៅ​ប្រើ​ការ​បាន​ តែទោះបី​ជា​ប្រើ​បាន​ក៏​ដោយ ​ពួកគេមិនវាទុក​នោះទេ។ ទំនៀមទម្លាប់​អ្នក​នៅ​ដាណឺម៉ាក​គឺដាក់​ចាននៅ​ជាប់​ទ្វារ​ ឬ​ត្រូវបោក​បំបែក​ចោលដើម្បី​បណ្ដេញ​នូវ​វិញ្ញាណ​អាក្រក់ចេញពីផ្ទះ ហើយ​ស្វាគមន៍​នៅ​ឆ្នាំ​ថ្មី​ដែល​រីករាយ។

២. ថៃ-​ជះ​ទឹក​ដាក់គ្នា​

ជនជាតិ​ថៃ​ប្រារព្ធពិធី​បុណ្យ​ចូលឆ្នាំថ្មីដូចកម្ពុជាដែរ គឺក្នុងអំឡុងខែមេសា។ បុណ្យចូលឆ្នាំជា​ពេល​ដ៏​រីករាយ​បំផុត​សម្រាប់​ប្រទេស​ថៃ​ដែល​អាច​ទាក់ទាញ​ហ្វូង​មនុស្ស​កកកុញ ហើយ​ពួកគេ​តែងតែប្រើ​ធុងទឹក​ជា​ប្រពៃណី​ដើម្បី​ជះ​ទឹក​ដាក់គ្នា​នារដូវ​ក្ដៅ​ទៅ​វិញ​ទៅ​មក​។

៣.អាហ្វ្រិកខាងត្បូង-បោះចោល​គ្រឿង​សង្ហារិម​ចេញ​ពី​បង្អួច

ទៅ​អាហ្វ្រិក​ខាងត្បូង​សម្រាប់​ថ្ងៃ​ចូល​ឆ្នាំ​សកល ពួកគេ​និឹង​រុញ​ឧបករណ៍​ធ្ងន់​ៗដូចជា ​ទូរ​ទឹកកក​ មីក្រូវ៉េវ​ តុ ទូ កៅអី ចេញ​ពី​ក្នុង​ផ្ទះ ​ចោល​​តាមបង្អួច​ ដើម្បី​បញ្ជូន​សញ្ញា​ទៅ​សកលលោក​ថា ​គ្រប់​រឿងរ៉ាវ​ដែល​បាន​បន្សល់​ទុក​កន្លងមក​នូវ​ការ​សោកសៅទាំងប៉ុន្មាន​ សូម​ឲ្យត្រឡប់​មក​ជា​ក្ដី​សង្ឃឹម​សម្រាប់​អនាគត​វិញ។

៤.ស្កុតលែន​-ដើរ​គោះទ្វារ​ផ្ទះ​ដំបូងគេ

ទំនៀមទម្លាប់​គោះទ្វារ​ផ្ទះ​នៅ​ថ្ងៃ​ទី ១ នៃខែ​មករា ​គឺជា​ការ​ស្វាគមន៍​ដោយ​ប្រើ​ស្រា​សំប៉ាញ​មួយ​កែវ​ជូន​ភ្ញៀវ​ដែល​គោះទ្វារ​នៅប្រទេស​ស្កុតឡែន។ នៅ​កោះ Isle of Man នៃប្រទេសនេះ ​អ្នកស្រុក​រមែងស្វែង​រក​បុរស​ដែល​មាន​កម្ពស់​ខ្ពស់​និង​សំបុរខ្មៅ​ដើម្បី​ធ្វើជា​មនុស្ស​ដំបូង​ដែល​ចូល​ផ្ទះ​របស់​ពួកគេ​ក្នុង​ឆ្នាំ​ថ្មី​ ហើយ​ឲ្យបុរសនោះយក​អំណោយ​ដូចជា​អំបិល ​ឬ​ស្រាវីស្គី​មក​ប្រទាន​ពរ​ដល់​គេហដ្ឋាន ​ដើម្បីនាំសំណាងល្អ​ក្នុង​រយៈពេល ១២ ខែ​បន្ទាប់។

៥.តំបន់អេក្វាឌ័រ-ដុត​ចោល​នូវ​ទុក្ខ​សោក​តាម​រយៈ​តុក្កតា​ឬ​ទីងមោង

សម្រាប់​ការ​ប្រារព្ធ​ពិធី​ចូល​ឆ្នាំ​ថ្មី អ្នកស្រុក​នៃ​តំបន់​អេក្វាឌ័រ​តែង​អបអរ Los Anos Viejos ដែល​ប្រែ​ថា “ឆ្នាំ​ចាស់” ជា​ប្រពៃណី​ដែល​ពួកគេ​ចង់​បំផ្លាញ​បិសាច​ពី​អតីតកាល​ចេញ​ពី​ជីវិត អ្នកស្រុក​ជា​ច្រើន​បង្កើត​តុក្កតា​ឬ​ទីងមោង​ដែល​ស្រដៀង​នឹង​រូបចម្លាក់។ នៅ​ពេល​នាឡិកា​ឈាន​ដល់​ពាក់​កណ្ដាល​អធ្រាត្រ​នៃ​ការ​ប្រារព្ធ​ពិធី​បានចាប់ផ្ដើម ​គ្រប់គ្នា​ត្រូវ​នាំ​គ្នា​ដុត​តុក្កតា​ទាំង​នោះ​ចោល ​ហើយ​ផ្សែង​ដែល​ហុយ​នោះ​វា​នឹង​ទៅតាម​ឆ្នាំ​ចាស់។

៦.អេស្ប៉ាញ​-ញ៉ាំ​ទំពាំងបាយជូរ ១២ ផ្លែ​ក្នុង​រយៈ​ពេល ១២ វិនាទី

ពិធី​ចូល​ឆ្នាំ​ថ្មី​នៃ​ជនជាតិ​អេស្ប៉ាញ​គឺ​ជឿ​លើ​អ​បិយ​ជំនឿ​ថា ១២ វិនាទី​ចុងក្រោយ​នៃ​ឆ្នាំ​អាច​កំណត់​ជោគវាសនា​របស់​ពួកគេ​នៅ​ឆ្នាំ​ក្រោយ ​ដោយ​ពឹងផ្អែក​លើ​ចំនួន​ផ្លែ​ទំពាំងបាយជូរ​ដែល​គ្រប់គ្នា​ញ៉ាំ​។ មុន​ពេល​ពាក់​កណ្ដាល​អធ្រាត្រ​ ពួកគេត្រូវញ៉ាំឲ្យអស់ ១២ ផ្លែ ​ដើម្បីនាំសំណាង​ពេញ​១ឆ្នាំ។

៧.ហ្វីលីពីន-ស្វែង​រក​ផ្លែឈើ​មូលៗ ១២ ផ្លែ

សម្រាប់​ការ​ប្រារព្ធ​ពិធី​ចូល​ឆ្នាំ​ថ្មី​របស់​អ្នកស្រុក​នៅ​ហ្វីលីពីន គេនាំ​គ្នា​យក​កាក់​ជា​រង្វង់​ដែល​ពួកគេ​ជឿ​ថា​នាំមក​នូវ​ទ្រព្យសម្បត្តិ ​ដូច្នេះ​រាង​រង្វង់​កាន់​តែ​ច្រើន​កាន់​តែ​ល្អ។  ឬ​អាច​ជា​ផ្លែឈើ​ជា​រង្វង់​នៃ​ជុំ​ទី ១២ ដែល​ផ្លែឈើ​នីមួយៗ​តំណាង​ឱ្យ​មួយ​ខែ​នៃ​ឆ្នាំ។

៨.ប្រេស៊ីល​-ស្លៀកពាក់​ពណ៌​ស

នៅ​ពេល​ចូល​ដល់​ឆ្នាំ​ថ្មី​ គ្រប់គ្នានៅប្រេស៊ីល​ត្រូវ​ស្លៀក​ឈុត​ពណ៌​ស​ដើម្បី​នាំ​សំណាង​និង​ភាព​អស្ចារ្យ​​របស់​ជនជាតិ​ប្រេស៊ីល៕

ប្រែសម្រួល៖ សាងស្រីល័ក្ខ

ចុចអាន៖ អ្នកវិភាគមិនគិតថា ម៉ូតូ​ធំ​នឹងមានទីផ្សារឡើងវិញ​នោះទេ

ចុចអាន៖ មក​ស្គាល់​បុគ្គល​ល្បីៗ​ដែល​ធ្លាប់​មាន​វត្តមាន​លើ​ក្រដាស​ប្រាក់​ដុល្លារ​អាមេរិក

The post ទំនៀមទម្លាប់​ចូលឆ្នាំ​ថ្មីប្លែកៗ​ដែលគេជឿថា​នាំ​សំណាង​តាម​ប្រទេស​នីមួយៗ appeared first on Kampuchea Thmey Daily.

សម្រាប់អ្នកទៅដល់កន្លែងសក្ការនេះ ​ក្រោយគោរពប្រណិប័តន៍ និង​បួង​សួងរួចរាល់ ពួកគេនឹង​មានជំនួយ​ការ​ចាំ​ជូនដំណើរ​កម្សាន្ត ដោយទស្សនារូបចម្លាក់ និងរូបភាពឆ្មាររាប់សិបក្បាលជុំវិញ​ទីនោះ។

ឆ្មាល្បីជាងគេប្រចាំតំបន់មានឈ្មោះ Koyuki ជាឆ្មាដែលគេ​ស្គាល់​ថា ​ជា​ព្រះសង្ឃឆ្មាទី១​ប្រចាំ ​Nyan Nyan Ji។ ឆ្មានេះជាឆ្មាញី ​មានមុខ​ជ្រួញៗ​ និងសម្បុរ ស។ ​ម្ចាស់​របស់វានិយាយថា ​Koyuki​ ចូលចិត្ត​ជួបមនុស្ស​ ជា​ពិ​សេស​​ឃើញគេការ​គោរព​បូជា​ ​មិន​តែប៉ុណ្ណោះ​វាថែមទាំង​មានជំនួយការឆ្មាផ្សេងទៀត ​រហូតដល់ទៅ៦ក្បាល។

យោង​តាម​សម្ដីពីម្ចាស់ឆ្មា Koyuki ​បាន​និយាយពីប្រវត្តិនៃទីនោះថា​ ​កន្លែងសក្ការ​ Nyan Nyan Ji ​បានបើក​ដំបូងដោយវិចិត្រករ​គូរ​រូប​ម្នាក់​ឈ្មោះ Kaya ហើយគាត់ជាអ្នកសង់​ប្រាសាទ​តូច​នេះ​ឡើង​មក។ លោកបានសាងសង់​ទីនេះដើម្បីរំឭក​ដល់ឆ្មាជាទី​ស្រលាញ់​រ​បស់ខ្លួន ហើយចំណេរក្រោយមក ក៏មានប្រជាជនគោរពបូជាតៗគ្នា។ នេះក៏ជាមូលហេតុ ដែលគ្រប់កន្លែង​ក្នុង​ទីសក្ការ​នេះឃើញ​សុទ្ធ​តែចម្លាក់និងគំ​នូរ​សត្វឆ្មា​។

ត្បិតតែ Nyan Nyan Ji ជាទីសក្ការក៏ពិតមែន ប៉ុន្តែគ្រប់កន្លែងមិនសុទ្ធតែជាទីសក្ការទេ ភ្ញៀវទេសចរក៏អាចចូលកម្សាន្តហាង​​កាហ្វេមួយនៅទីនោះ ដែលមានសត្វ​ឆ្មា​ប្រចាំការ​ផងដែរ៕

​ប្រែសម្រួល៖ មួង ពិសី

ចុចអាន៖ រឿងរ៉ាវ Facebook មិនអាចដំណើរ​ការនៅប្រទេសចិន

ចុចអាន៖ ទំនៀមទម្លាប់​ចូលឆ្នាំ​ថ្មីប្លែកៗ​ដែលគេជឿថា​នាំ​សំណាង​តាម​ប្រទេស​នីមួយៗ

The post ​ចម្លែក​ណាស់!​ ​ទី​សក្ការ​បូជា​មួយ​នៅ​ជប៉ុន​ មានសត្វ​ឆ្មាជា​ព្រះ​សង្ឃ​ appeared first on Kampuchea Thmey Daily.

នៅពេលដែល Dubaiofw.com បានរាយការណ៍​អំពីគូស្នេហ៍មួយគូ​ត្រូវ​ជាប់ពិរុទ្ធ ដល់ទៅមួយ​ឆ្នាំជាមួយទោស​នៃការ​ស្និទ្ធិស្នាលមុនរៀបការ​ គេហទំព័រ​ធំៗ ដែលទាក់ទងនឹង​ការនាំភ្ញៀវទេសចរ ដូចជា​ TripAdvisor ។ល។ បានលើកម្ពស់ការ​យកចិត្ត​ទុកដាក់ចំពោះករណីនេះ។

ការជួលសណ្ឋាគារស្នាក់នៅឌូបៃ​សម្រាប់ប្រុសនិងស្រី​ដែលមិនមែន​ជាប្តីប្រពន្ធ​នៅតែ​ត្រូវបានគេជជែក​វែកញែក​លើអ៊ិនធរណិត ។

មានការ​អះអាង ថា សណ្ឋាគារធំៗទំនើបៗ​នៅឌូបៃជាច្រើនធ្វ់ើជាមើលរំលង មិនយកចិត្តទុកដាក់ចំពោះបញ្ហានេះតែភ្ញៀវទេសចរ នៅតែត្រូវគេទូន្មាន​ឱ្យប្រយ័ត្នប្រយែងបំផុត​នូវ​ទង្វើ​ក៏​ដូចជា​ពាក្យ​សម្តីនៅរាល់ពេលគេបណ្តើរ​គូស្នេហ៍​ទៅកាន់ឌូបៃ។

តាមច្បាប់អ៊ីស្លាម ការ​ហាមឃាត់គូប្រុសស្រី​ដែលមិនទាន់រៀបការមិនឱ្យរស់នៅជាមួយគ្នានៅតែ​ត្រូវបានគេរឹតបន្តឹង​ដូច្នេះហើយ ប្រុសនិងស្រី​ត្រូវ​ចែកបន្ទប់សណ្ឋាគារចេញពីគ្នា។

តាមច្បាប់ សណ្ឋាគារមិនអាច​ឱ្យអ្នក​ដំណើរកម្សាន្តដែលមិនទាន់​រៀបការ​ស្នាក់នៅចូលគ្នា​នោះទេ។ ផ្អែកលើឃ្លាមួយនៃ​​បញ្ញត្តិ​របស់គេ​ដែលចែងថា មនុស្សភេទផ្ទុយមិនអាចនៅជាមួយ​គ្នាបានទេលើកលែងតែពួកគេរៀបការ។

តាម​ការអនុវត្តជាក់ស្តែង BBC និយាយថា សណ្ឋាគារឌូបៃភាគច្រើនមិនបាន​អនុវត្តតាមគោលការណ៍ នេះចំពោះភ្ញៀវបរទេស​ដែលកាន់សាសនា​ផ្សេងនោះឡើយ ។ សណ្ឋាគារប្រណីតៗ​ដែលតែងតែផ្តល់ជូនភ្ញៀវបរទេសនូវ​ភាព​ងាយស្រួល​មិនស្មុគស្មាញ ក្នុងការ​​សម្រាកលំហែរកាយដូច្នេះការកក់បន្ទប់​សឹងថា មិនមានបញ្ហាអ្វី​ទំាងអស់​។

បញ្ហា​គឺនៅពេល​ដែលពិនិត្យលិខិតឆ្លងដែនហើយ​ ប្រសិនបើប្រុសស្រីទំាង​ទ្វេប្រើ​ត្រកូលផ្សេងៗពីគ្នានឹងមាន​ការចងចិញ្ចើម​ខ្លះ តែប៉ុណ្ណោះ។

ចំពោះការប្រព្រឹត្តនៅទី​សាធារណៈដោយ​ការបង្ហាញសេចក្ដីស្រឡាញ់ពាសវាលពាសកាលមិនត្រូវបាន​លើកទឹកចិត្ត​នោះទេ។ ត្រឹម​កាន់ដៃគ្នាគឺរាប់ថា ទង្វើ​ស្និទ្ធស្នាល​បំផុតហើយ។

សម្រាប់គូដែលរៀបការហើយនៅតែ​មិនអាចថើបឬឱបនៅទីសាធារណៈបាននៅឡើយ​ ព្រោះ​ថាប្រសិនបើយើង​ស៊យ​ប៉ះប៉ូលីសហៅដោយសារទង្វើទំាងនោះ​ហើយមិនមាន​ភ្ជាប់នូវ​ភស្តុតាងនៃការ​រៀបការ យើង​អាចនឹងមានបញ្ហា។ រឿងនេះមិនងាយ​កើតឡើងនៅក្នុងសណ្ឋាគារទេ ហើយតែបាន​កើតឡើងរួចទៅ​ហើយ​នៅតាមទីសាធារណៈដូចជាភោជនីយដ្ឋានឬមជ្ឈមណ្ឌលទិញឥវ៉ាន់ជាដើម។

ត្រូវស្វែងយល់អំពី​បរិយាកាស​ជុំវិញខ្លួនដែរ  ប្រសិនបើយើង​ចូលទៅ​ស្នាក់នៅសណ្ឋាគារដែលមានអ្នកទេសចរជា​មូស្លីមច្រើន ពួកគេអាចជូនដំណឹងដល់អាជ្ញាធរអំពីអាកប្បកិរិយាមិនសមរម្យណាមួយ​ដែលមាន​ចែង​ក្នុងច្បាប់​របស់ពួកគេ។ មានបញ្ហាផ្លូវច្បាប់ គឺជារឿង​លំបាកដោះស្រាយមួយ​។

ក្រៅពីនេះ អ្នកធ្វើដំណើរម្នាក់ៗត្រូវបានអនុញ្ញាតឱ្យនាំយកជាតិ​អាកុល មិនលើសពីបួនលីត ដោយ​អា​ច​ផឹកវា​បានតែនៅក្នុងកន្លែងណាដែលគេ​សរសេរថាអនុញ្ញាតដូចជា ក្នុងបន្ទប់ សណ្ឋាគារ បារ។ល។ ការផឹកឬស្រវឹង នៅទីសាធារណៈជារឿង​ខុសច្បាប់ធ្ងន់មួយនៅឌូបៃ។

ដោយសារ​ការរឹតបន្តឹងនេះ នៅឌូបៃមានស្រានិងស្រាបៀរមានតម្លៃថ្លៃជាងគេបំផុតនៅលើពិភពលោក ចំណែក​អាហារ​វិញ ឌូបៃ​ក៏ជាប់ចំណាត់ថ្នាក់លេខពីរ បន្ទាប់ពី ​Iceland។

យោងតាមមាត្រា ៣៧៣ នៃក្រមព្រហ្មទណ្ឌរបស់អារ៉ាប់រួម UAE ត្រូវបានគេស្បថជាសាធារណៈនៅអារ៉ាប់រួមដោយការប្រើពាក្យ F នៅទីសាធារណៈត្រូវបានហាមឃាត់ជាដាច់ខាត។ ពាក្យនេះ ត្រូវបាន​គេ​ចាត់ទុកថា ជាពាក្យឧក្រិដ្ឋកម្មដែលត្រូវពិន័យធ្ងន់និងអាច​ឃុំខ្លួនផង៕

ប្រែសម្រួល៖ ចម្រើន ​តារា

ចុចអាន៖ ការចំណាយ​នៅឌូបៃ របស់សេដ្ឋីក្មេងៗ អ្នកមិនដែលដឹងទេ!

ចុចអាន៖ រឿងរ៉ាវ​ដ៏​អស្ចារ្យ​អំពី​​លោកនាយក​រដ្ឋមន្ត្រី​នៃ​​អារ៉ាប​់រួម​

The post គូស្នេហ៍មិនទាន់រៀបការទៅជួលបន្ទប់នៅឌូបៃ នឹង​ប្រឈម….. appeared first on Kampuchea Thmey Daily.

១.រុស្ស៊ី ​កុំចាប់​ដៃគ្នានៅមាត់ទ្វារចូល

ការ​ចាប់ដៃ​គ្នា​ជា​វិធី​គួរសម​ក្នុង​ការ​សួរ​ទុក្ខ​នរណា​ម្នាក់​ ​ហើយ​វាក្លាយ​ជា​រឿង​សាមញ្ញ​ទៅ​ហើយ។ ប៉ុន្តែ​នៅ​ប្រទេស​រុស្ស៊ី​ សូម​កុំចាប់ដៃ​គ្នា​នៅ​មាត់ទ្វារ សូមដើរចូល​ទៅក្នុង​​បន្ទប់​ជា​មុន​សិន​​សឹមចាប់ដៃ។ ប្រសិនបើអ្នកចាប់ដៃនៅមុខទ្វារ គេជឿថាមាន “វិញ្ញាណចូល​ផ្ទះ” ។

២.អ៊ីតាលី ​បុរសជាអ្នកនាំ​ផ្លូវ​ចូល​ភោជនីយដ្ឋានមុន

ខណៈ​ពេល​ដែល​ជុំវិញ​ពិភពលោក​គេ​ចាត់​ទុក​ថា​ការ​អនុញ្ញាត​ឱ្យ​ស្ត្រី​ចូល​ទៅ​មុន ​នៅ​ពេល​ដែល​ទ្វារ​បាន​បើក​ស្វាគមន៍​ នៅ​ភោជនីយដ្ឋាន ប៉ុន្តែ​នៅ​អ៊ីតាលី​ច្បាប់​មួយ​នេះ​ត្រូវ​តម្រូវ​ឲ្យបុរស​ជា​អ្នក​ដំបូង ​ដើរ​ចូល​ទៅ​កាន់​តុ​អាហារ។

៣.ឥណ្ឌា កុំ​បរិភោគ​ដោយ​ប្រើ​ដៃ​ឆ្វេង

នៅ​ឥណ្ឌា​យើង​ត្រូវ​ចៀសវាង​ញ៉ាំ​អាហារប្រើ​ដៃ​ឆ្វេង ​ព្រោះ​ដៃ​ឆ្វេង​ត្រូវ​បាន​គេ​យល់ឃើញ​ថា វា​គួរ​ឲ្យខ្ពើម​រអើមដោយសារ​តែ​ដៃ​ឆ្វេង​ភាគច្រើន​ត្រូវបាន​ប្រើ​ពេលចូលបន្ទប់ទឹក។ ដូចគ្នា​សម្រាប់​ប្រទេស​នៅ​មជ្ឈិមបូព៌ា​និង​ផ្នែក​ខ្លះ​នៃ​ទ្វីប​អាហ្វ្រិក។

៤.ឈីលី កុំ​ប្រើ​ដៃ​ញ៉ាំ

ជា​រឿង​ងាយស្រួល ​ប្រសិន​បើ​យើងមាន​ទម្លាប់​បរិភោគ​អាហារ​ដោយ​ម្រាមដៃ​ ​ហើយនៅប្រទេស​ខ្លះ​ការ​បរិភោគ​ដោយ​ដៃ​ក៏ពុំ​មានបញ្ហា​អ្វី​ឡើយ។ ប៉ុន្តែ​នៅ​ក្នុង​ប្រទេស​ឈីលី ​​មាន​វិន័យ​ត្រឹមត្រូវ​ ដោយនៅ​ទីនោះតម្រូវ​ឱ្យ​ញ៉ាំ​អ្វី​គ្រប់យ៉ាង​ដោយ​ប្រើ​សម​និង​កាំបិត ​បើ​សិន​ប្រព្រឹត្ត​ខុស​វិន័យ​នេះ​អាច​នឹង​មាន​បញ្ហា។

៥. កុំបោះក្រដាសចូលចានបង្គន់ ក្នុងប្រទេសណាមួយក្នុងចំណោមប្រទេសទាំងនេះ

ប្រសិន​បើ​អ្នក​កំពុង​ធ្វើ​ដំណើរ​ទៅ​ប្រទេស​ក្រិក ទួរគី ម៉ាសេដូនៀ ម៉ុងតេណេក្រូ ប៊ុលហ្គារី អ៊ុយក្រែន ម៉ារ៉ុក អេហ្ស៊ីប ឬ​ទីក្រុង​ប៉េកាំង ត្រូវ​ដឹង​ថា​គ្រប់​បន្ទប់ទឹក​នឹង​មាន​ធុង​សំរាម​ពិសេស​​ដើម្បី​ដាក់​ក្រដាស​ប្រើប្រាស់។ ត្រូវ​ដឹង​អំពី​វិន័យ​ផ្សេងទៀត​ដែល​ត្រូវ​អនុវត្ត​នៅ​ក្នុង​បន្ទប់​ទឹក​សាធារណៈក្នុងប្រទេសទាំងនេះ ​ប្រយ័ត្នផាកពិន័យធ្ងន់ធ្ងរ។

៦. កូរ៉េ  ប្រើ​ដៃ​២បង្ហាញ​ការ​គោរព

ប្រទេសកូរ៉េ នៅពេលដែលព្រឹទ្ធាចារ្យណាម្នាក់ផ្តល់ភេសជ្ជៈមកឲ្យយើង គឺត្រូវទទួលដោយដៃទាំង២សងខាង ហើយបន្ទាប់មកអោនក្បាលបង្ហាញការគោរពចាស់ទុំ។ នេះ​ជា​ទំនៀមទម្លាប់​របស់​កូរ៉េ​ក្នុង​ការ​គោរព​អ្នក​ដែល​មាន​វ័យ​ចំណាស់​ជាង។

៧.ហាមបង្ហាញសញ្ញា “មេដៃ” នៅ​ក្នុង​ប្រទេស​ទាំង​នេះ​

នៅ​ប្រទេស​រុស្ស៊ី ​ក្រិក ​អ៊ីរ៉ង់​ សាឌីណា ​និង​ផ្នែក​ខ្លះ​នៃ​ទ្វីប​អាហ្វ្រិក​ខាងលិច​នៅ​ពេល​ដែល​អ្នក​ប្រើ​មេដៃ​ឡើង បង្ហាញ​ថា​អ្នក​មិន​គោរព​ដល់​គេ។

៨. បារាំង អត្ថន័យ​ឱប​​និង​ថើប

នៅ​ប្រទេស​បារាំង​ការ​ឱប​អាច​ត្រូវ​បាន​គេ​ចាត់​ទុក​ថា​ជិតស្និទ្ធ​ជាង​ការ​ថើប។ ផ្ទុយ​ទៅ​វិញ​នៅ​ពេល​អ្នក​សួរសុខទុក្ខ​អ្នកណា​ម្នាក់​ដែល​អ្នក​មិន​ជិតស្និទ្ធ​សូម​ចាប់ដៃ​ឬ​ថើប​ពួកគេ​នៅ​ថ្ពាល់​ទាំង​សង។ ចំណែក​ការ​ឱប​វិញ​គឺ​សម្រាប់​តែ​អ្នកណា​ជិតស្និទ្ធ​តែ​ប៉ុណ្ណោះ!​

ប្រែសម្រួល៖ សាង ស្រីល័ក្ខ

ចុចអាន៖ មិនចង់​លក់​មុខ​ពេល​ទៅ​ស្រុក​គេ គួរ​ស្វែងយល់​វប្បធម៌​ប្លែក​ៗ​របស់​ប្រទេស​ទាំង​នេះ!

ចុចអាន៖ ៥ យ៉ាងគួរដឹង បើ​ចង់​រៀបការ​ជា​មួយ​ជនជាតិ​កូរ៉េ

The post ច្បាប់ទម្លាប់​ប្លែកៗ​ជុំវិញ​ពិភពលោកដែលយើងអាចមិនទាន់ដឹង! appeared first on Kampuchea Thmey Daily.

ខាងក្រោមនេះជារឿងចម្លែក ១២ យ៉ាងដែលមានតែនៅក្នុងប្រទេសឥណ្ឌាប៉ុណ្ណោះ៖

១. ភេទទី៣ ឈ្មោះ Hijras

នៅប្រទេសឥណ្ឌាពាក្យ Hijras ត្រូវបានគេប្រើដើម្បីសម្ដៅទៅលើមនុស្សមួយក្រុមដែលចាត់ទុកខ្លួនគេជាមនុស្សខ្ទើយឬប្តូរភេទ។ Hijras មានប្រវតិ្តសាស្រ្តកត់ត្រាលើឧបទ្វីបឥណ្ឌាតាំងពីបុរាណកាលដែលបានស្នើឡើងដោយ Kāma Sūtra ។ នៅក្នុងខែមេសាឆ្នាំ ២០១៤ តុលាការកំពូលរបស់ប្រទេសឥណ្ឌាបានទទួលស្គាល់ក្រុមអ្នកប្តូរភេទថា ជាភេទទី ៣ នៅក្នុងច្បាប់ទាក់ទងនឹងលិខិតឆ្លងដែននិងឯកសារផ្លូវការផ្សេងទៀត។

២. ធម្មយាត្រា ១៣០ លាននាក់

Kumbh Mela ជាធម្មយាត្រាហិណ្ឌូដែលត្រូវបានធ្វើឡើងរៀងរាល់ ១២ ឆ្នាំម្តង។ វាគឺជាការជួបជុំមនុស្សធំជាងគេបំផុតនៅលើពិភពលោក ហើយក៏អាចមើលឃើញពីទីអវកាសផងដែរ។ នៅឆ្នាំមុនគេបានប្រារព្ធធ្វើពិធី Kumbh Mela នៅទីក្រុង Ardh of Allahabad ដោយចាប់ផ្ដើមពីថ្ងៃទី ១៥ ខែមករាដល់ថ្ងៃទី ៤ ខែមីនា ឆ្នាំ ២០១៩ ហើយត្រូវបានគេប៉ាន់ស្មានថាមានការចូលរួមពីប្រជាជនចំនួន ១៣០ លាននាក់។

៣. ប្រើប្រាស់មាសច្រើនបំផុតក្នុងមួយឆ្នាំ

ឥណ្ឌាស្ថិតក្នុងចំណោមអ្នកប្រើប្រាស់មាសធំជាងគេបំផុតនៅលើពិភពលោក។ តម្រូវការមាសរបស់ឥណ្ឌាមានជាមធ្យម ៨៣៨ តោនក្នុងមួយឆ្នាំ ក្នុងរយៈពេល ១០ ឆ្នាំចុងក្រោយនេះ។ នៅឆ្នាំ ២០១៨ មាសចំនួន ៧៦០,៤ តោនត្រូវបានប្រើប្រាស់ ដែលភាគច្រើនត្រូវបានប្រើសម្រាប់ធ្វើគ្រឿងអលង្ការក្នុងពិធីអាពាហ៍ពិពាហ៍និងពិធីបុណ្យ។

៤. ស្ពានធ្វើពីឫសឈើ

ស្ពានមួួយនៅរដ្ឋ Meghalaya ដែលជាកន្លែងសើមបំផុតនៅលើពិភពលោក ត្រូវបានបង្កើតឡើងទាំងស្រុងដោយឫសឈើដើម្បីការពារកុំឲ្យរលួយដោយសារសំណើម។ ដំណើរការនៃការសង់ស្ពាននេះ ត្រូវការពេលវេលាជាច្រើនឆ្នាំដើម្បីបញ្ចប់ ប៉ុន្តែស្ពានដែលសាងសង់តាមរបៀបនេះមានភាពធន់ទ្រាំជាងស្ពានដែលធ្វើពីឈើ។

៥. ព្រះ ​៣៣០ លានព្រះក្នុងប្រទេសឥណ្ឌា

នៅប្រទេសឥណ្ឌាប្រជាជន ៨០% ជឿលើសាសនាហិណ្ឌូ។ ហិណ្ឌូសាសនាមានព្រះចំនួន ៣៣០ លានព្រះនិងអាទិទេព ប៉ុន្តែអាទិទេពខ្លះមិនត្រូវបានស្គាល់ឈ្មោះឡើយ។  ព្រះដែលប្រជាជនឥណ្ឌាគោរពបំផុតគឺព្រះត្រៃសរណៈគមន៍នៃសាសនាហិណ្ឌូមាន ព្រះវិស្ណុ ព្រះសិវៈ និងព្រះព្រហ្ម។

៦. បុរសដែលតមអាហាររយៈពេល ៨០​ឆ្នាំ

Prahlad Jani គឺជាព្រះសង្ឃជនជាតិឥណ្ឌាម្នាក់ដែលបានអះអាងថាបានរស់នៅដោយគ្មានអាហារនិងទឹកតាំងពីឆ្នាំ ១៩៤០។ គាត់និយាយថាទេពធីតា Amba ជួយផ្គត់ផ្គង់គាត់ក្នុងការរស់នៅ។ ក្រុមអ្នកស៊ើបអង្កេតដែលបានធ្វើនៅឆ្នាំ ២០០៣ និង ឆ្នាំ ២០១០ បានបញ្ជាក់ថា Prahlad ពិតជាអាចរស់រានដោយមានសុខភាពល្អដោយគ្មានអាហារនិងទឹកក្នុងអំឡុងពេលសាកល្បងបានពិតមែន។

៧. បុរសៗកាន់ដៃគ្នានៅទីសាធារណៈជារឿងធម្មតា

នៅក្នុងប្រទេសឥណ្ឌា វាជារឿងធម្មតាទេដែលឃើញបុរសកាន់ដៃគ្នានៅតាមផ្លូវ។ នៅក្នុងប្រទេសខ្លះ បញ្ហានេះអាចត្រូវបានគេមើលឃើញថាជាសញ្ញានៃទំនោរផ្លូវភេទ ប៉ុន្តែនៅក្នុងប្រទេសឥណ្ឌាវាគ្រាន់តែជាការបង្ហាញពីការស្រលាញ់គ្នារវាងមិត្តពិតពីរនាក់ប៉ុណ្ណោះ។

៨. ចិញ្ចៀនអាពាហ៍ពិពាហ៍ពាក់នៅលើម្រាមជើង

នៅតំបន់ Tamil Nadu ចិញ្ចៀនអាពាហ៍ពិពាហ៍ត្រូវបានពាក់នៅលើម្រាមជើង។ កូនកម្លោះបំពាក់ចិញ្ចៀនប្រាក់ ២ ទៅលើម្រាមជើងរបស់កូនក្រមុំ ដែលវាតំណាងឲ្យសុខភាពល្អ និងការពពោះ។ ប៉ុន្តែចិញ្ចៀនមាសត្រូវតែចៀសវាងដាច់ខាត។

៩. ប៉មនៃភាពស្ងប់ស្ងាត់ (Towers of Silence)

នៅក្នុងសាសនា Zoroastrian ដីនិងភ្លើងត្រូវបានគេចាត់ទុកថាវត្ថុពិសិដ្ឋ។ ដោយហេតុផលនេះពួកគេបានសាងសង់ទីក្រុង Dakhma ដែលត្រូវបានគេហៅថា “ប៉មនៃភាពស្ងប់ស្ងាត់”។ ប៉មនេះគឺជាសំណង់រាងជារង្វង់ដែលត្រូវបានសង់ឡើងសម្រាប់ជាការរំឭក ពោលគឺសម្រាប់សាកសពដែលត្រូវបានប៉ះពាល់ពពួកត្មាត។ បច្ចុប្បន្ននេះ “ប៉មនៃភាពស្ងប់ស្ងាត់” ស្ថិតនៅក្នុងប្រទេសអ៊ីរ៉ង់ តែការគោរពដល់ប៉មនេះមានតែនៅក្នុងប្រទេសឥណ្ឌាប៉ុណ្ណោះ។

១០. រូបសំណាកខ្ពស់បំផុតនៅលើពិភពលោក

ប្រទេសឥណ្ឌាបានបំបែកឯតទគ្គកម្មមានរូបសំណាកធំជាងគេបំផុតនៅលើពិភពលោកដែលមានកម្ពស់ ១៨២ ម៉ែត្រ និងត្រូវបានគេស្គាល់ឈ្មោះថា “រូបសំណាកឯកភាពជាតិ” ។ រូបសំណាកនេះតំណាងឲ្យមេដឹកនាំចលនាឯករាជ្យឥណ្ឌាលោក Sardar Vallabhbhai Patel ដែលគេហៅកាត់ថា Sardar Patel ។

១១. ប្រាសាទហិណ្ឌូដែលថ្លៃជាងគេបំផុតនៅលើពិភពលោក

ប្រាសាទ Padmanabhaswamy នៅក្នុងរដ្ឋធានី Kerala មិនត្រឹមតែជាប្រាសាទហិណ្ឌូដែលថ្លៃជាងគេបំផុតនៅលើពិភពលោកប៉ុណ្ណោះទេ ប៉ុន្តែវាក៏ជាកន្លែងសក្ការៈបូជាដែលមានជាងគេបំផុតផងដែរ។ ក្នុងឆ្នាំ ២០១១ នាយកដ្ឋានបុរាណវិទ្យាបានបើកបន្ទប់សម្ងាត់នៃប្រាសាទដើម្បីត្រួតពិនិត្យវត្ថុដែលរក្សាទុកនៅខាងក្នុង និងបានរកឃើញវត្ថុធ្វើពីមាស ប្រាក់ និងត្បូងមានតម្លៃរាប់រយលានដុល្លារ។

១២. ឧស្សាហកម្មខ្សែភាពយន្តធំបំផុតនៅលើពិភពលោក

Bollywood គឺជាឧស្សាហកម្មខ្សែភាពយន្តភាសាឥណ្ឌាហិណ្ឌូដែលមានមូលដ្ឋាននៅទីក្រុង Mumbai ហើយវាបានផលិតខ្សែភាពយន្តចំនួន ១,៨១៣ ក្នុងឆ្នាំ ២០១៨ តែមួយគត់។ ពាក្យ “Bollywood” កើតចេញពីការរួមបញ្ចូលគ្នានៃឈ្មោះដ៏ល្បីពីរផ្សេងទៀតគឺ Bombay និង Hollywood៕

ប្រែសម្រួល៖ សន្យា

ប្រភព៖ Bright Side

ចុចអាន៖ វប្បធម៌​ផឹក​កាហ្វេ​ដ៏​គួរ​ឱ្យ​ចាប់​អារម្មណ៍​ នៅ​ជុំវិញ​ពិភពលោកដែលយើងមិនធ្លាប់ដឹង!

ចុចអាន៖ កែ​កំប៉ុង​អាលុយ​មីញ៉ូម​ដែល​ប្រើ​រួច​ជា​របស់​មាន​ប្រយោជន៍​ក្នុង​ផ្ទះកាន់តែលេចធ្លោ

The post រឿងចម្លែក ១២ យ៉ាងដែលមានតែនៅក្នុងប្រទេសឥណ្ឌាប៉ុណ្ណោះ appeared first on Kampuchea Thmey Daily.

១. ឲ្យចំណីបក្សីនៅប្រទេសសិង្ហបុរី

នៅក្នុងប្រទេសសិង្ហបុរី ការឲ្យចំណីបក្សី ការចោលសំរាម និងការទំពារស្ករកៅស៊ូចោលនៅទីសាធារណៈនឹងត្រូវសមត្ថកិច្ចផាកពិន័យ ។

២.​ ការងក់និងគ្រវីក្បាលនៅប្រទេសប៊ុលហ្គារីនិងអាល់បានី

វប្បធម៌ទូទៅ ងក់ក្បាលមានន័យថា យល់ស្របឬយល់ព្រម ហើយគ្រវីក្បាលមានន័យថា មិនយល់ស្របឬមិនយល់ព្រម។ ផ្ទុយទៅវិញ នៅប្រទេសប៊ុលហ្គារីនិងអាល់បានី ងក់ក្បាលមានន័យថា មិនយល់ស្រប ហើយគ្រវីក្បាលមានន័យថា យល់ស្រប។

៣. ធ្វើដៃជាសញ្ញា Ok នៅប្រទេសតួកគី

ប្រទេសតួកគី ក៏ដូចប្រទេសអាល្លឺម៉ង់និងប្រេស៊ីលដែរ ការធ្វើដៃសញ្ញា Ok គឺមានន័យស្មើនឹងសញ្ញាដៃម្រាមកណ្ដាល។

៤. ដើរលើផ្លូវកង់នៅប្រទេសហូឡង់

ការជិះកង់គឺជាមធ្យោបាយធ្វើដំណើរចម្បងនៅក្នុងប្រទេសហូឡង់ ហើយជាធម្មតាផ្លូវនោះតែងមានអ្នកជិះកង់និងមនុស្សកកកុញ។ ជាការល្អ មិនគួរដើរលើផ្លូវរបស់កង់ទេ!

៥. ​ចេញពីជួរនៅប្រទេសអូស្ត្រាលី

នៅអូស្រ្តាលី និងអង់គ្លេសមានវិន័យដូចគ្នា មិនថានៅកន្លែងធ្វើដំណើរ ហាងទំនិញ ឬហាងផ្សេងៗ អ្នកចាំបាច់ត្រូវតម្រង់ជួរ បើពុំនោះទេបុគ្គលិកនឹងមិនបម្រើសេវាកម្មឬលក់ទំនិញឲ្យឡើយ។

៦. ថតរូបដោយគ្មានការអនុញ្ញាតនៅអារ៉ាប់រួម

ការថតរូបនិងបង្ហោះរូបភាពលើបណ្តាញសង្គមនៅអារ៉ាប់រួមដោយគ្មានការអនុញ្ញាតនឹងត្រូវជាប់គុក៦ខែ ហើយត្រូវផាកពិន័យជាប្រាក់ជាង ១៣ ម៉ឺនដុល្លារ។

៧. ប៉ះមនុស្សផ្ទុយភេទនៅប្រទេសឥណ្ឌា

ការប៉ះគ្នាជាមួយមនុស្សផ្ទុយភេទជារឿងចម្លែកបំផុតនិងពុំសូវមានសុជីវធម៌ទេនៅប្រទេសឥណ្ឌា។

៨. ការលើកបង្ហាញបាតដៃរាក់ទាក់នរណាម្នាក់នៅប្រទេសក្រិក

ការលើកបង្ហាញបាតដៃរាក់ទាក់នរណាម្នាក់គឺមានន័យថា អ្នកបដិសេធគេ នៅប្រទេសក្រិក។

៩. ចែកគ្នាចេញលុយនៅប្រទេសបារាំង

ការចែកគ្នាចេញលុយត្រូវបានគេចាត់ទុកថា ជារឿងគ្មានសុជីវធម៌នៅក្នុងប្រទេសបារាំង ពីព្រោះពួកគេមិនចូលចិត្តនិយាយរឿងលុយទេ។

១០. ឲ្យលុយធីបនៅប្រទេសជប៉ុន

ការឲ្យលុយធីបទៅបុគ្គលិកត្រូវបានគេចាត់ទុកថា ជារឿងមិនគួរសម នៅក្នុងប្រទេសជប៉ុន ព្រោះថាគេបានគិតថ្លៃសេវានៅក្នុងវិក័យប័ត្ររួចរាល់អស់ហើយ៕

ប្រែសម្រួល៖ សន្យា

ចុចអាន៖ ចង់​ទៅ​ប្រទេស​ជប៉ុន ​គួរ​ដឹង ​១០ ​ចំណុច​នេះ​ជា​មុន​សិន

ចុចអាន៖ ព្រឺសម្បុរ មកឃើញកំពូលផ្នូរដ៏ថ្លៃរាប់ពាន់លានដុល្លារ

The post មិនចង់​លក់​មុខ​ពេល​ទៅ​ស្រុក​គេ គួរ​ស្វែងយល់​វប្បធម៌​ប្លែក​ៗ​របស់​ប្រទេស​ទាំង​នេះ! appeared first on Kampuchea Thmey Daily.