Connect with us

KPT+

រឿងខ្មោចជប៉ុនចំនួន ៥ គេជឿថាមានពិតមែន

បានផុស

នៅ

រឿងខ្មោចជប៉ុនដែលយើងនឹងអាននេះសុទ្ធតែគួរឲ្យខ្លាច ប៉ុន្តែក៏គួរឲ្យចាប់អារម្មណ៍ផងដែរ ជាពិសេសសម្រាប់អ្នកចូលចិត្តរឿងខ្មោច ហើយទាំង ៥ នេះគឺជារឿងខ្មោចល្បីៗដែលគេជឿថាមានពិតនៅប្រទេសជប៉ុនដែលកើតឡើងតាំងពីយូរណាស់មកហើយ៖

១.  ខ្មោចថ្លៃថ្នូរ “ហ្គូរីយ៉ូ” (Goryo)

ហ្គូរីយ៉ូគឺជាខ្មោចអភិជនដែលទទួល​រង​ទុក្ខ​ខ្លោចផ្សារ និង​ស្លាប់​យ៉ាង​វេទនា ។ ត្រលប់ទៅសម័យហេអាន គេជឿថាខ្មោចនោះជា “វិញ្ញាណនៃចៅហ្វាយនាយមានអំណាច ប៉ុន្តែត្រូវគេធ្វើបាប និងបង្ខូចឈ្មោះ ។ គាត់មានសមត្ថភាពសងសឹកបង្កមហន្តរាយដល់អ្នកមានចំណែកក្នុងការស្លាប់របស់គាត់ ដោយធ្វើបាបពួកគេវិញពេញមួយជីវិត” ។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានរឿងនិទានល្បីមួយពីខ្មោចហ្គូរីយ៉ូមានចំណងជើងថា “Shinto Kami ឬ Tenjin” ។ រឿងនោះមានដំណើររឿងដូចតទៅ៖ ច្រើនឆ្នាំបន្ទាប់ពីការធ្វើឃាតដ៏អយុត្តិធម៌លើមន្ត្រីរដ្ឋាភិបាល Michizane ពីសមាជិកម្នាក់នៃត្រកូល Fujiwara ថ្ងៃនោះមានផ្គរលាន់ និងភ្លៀងធ្លាក់យ៉ាងខ្លាំងបានវាយលុករដ្ឋធានីបណ្តាលឱ្យមានអគ្គិភ័យ និងទឹកជំនន់នាំទុក្ខដល់ជីវិតមនុស្សសត្វជាច្រើន ។

ជាងនេះទៅទៀត ប្រមុខ Fujiwara និងព្រះរាជបុត្រនៃអធិរាជ Daigo បានសោយទិវង្គតភ្លាមៗ ដែលធ្វើឲ្យតុលាការជឿជាក់ទាំងស្រុងថា គ្រោះមហន្តរាយ និងការបាត់បង់ជីវិតទាំងអស់ គឺបណ្តាលមកពីកំហឹងរបស់ Michizane ។ ដើម្បីភាពស្ងប់សុខ ព្រះរាជាក៏ដុតស្លាកបញ្ជា និងជំរុញឲ្យធ្វើកោសល្យវិច័យសាកសព Michizane រកយុត្តិធម៌ជូនគាត់វិញ ។ ក្រោយមក Michizane ត្រូវគេលើកតម្កើនជាទេវតាមេឃ និងជាអាទិទេពនៃកំណាព្យ អក្សរផ្ចង់ និងយុត្តិធម៌ ។

២. កំហឹង “អ៊ុនយុ” (Onryo)

អ៊ុនយុគឺជាខ្មោចពោរពេញដោយការព្យាបាទ ព្រោះពួកគេស្លាប់ដោយកំហឹង ចូលចិត្តលងបន្លាចមនុស្សរហូតដល់ស្លាប់និងយកព្រលឹងគេ ។ មនុស្សស្រីដែលត្រូវគេរំលោពបំពាន ឬធ្វើបាប បន្ទាប់ពីស្លាប់ទៅនឹងក្លាយជាខ្មោចអ៊ុនយុ ។ គេជឿថា ពេលអ៊ុនយុបង្ហាញខ្លួន ជនរងគ្រោះនឹងចង់ក្អួតចង្អោរ ឈឺក្បាលខ្លាំង និងចុកទ្រូង ។ បើអ្នកគ្រាន់តែដើរកាត់ទេ ខ្មោចនោះអាចនឹងមើលទៅដូចមនុស្សស្រីដួល តែបើអ្នកទៅក្បែរដើម្បីជួយវានឹងចាប់ផ្ដើមបញ្ចេញសម្លេង ខ្សឹប ឬយំ រួចចាប់សង្គ្រប់ដោយសក់របស់វាធ្វើឲ្យអ្នកហប់ ឈឺក្បាលស្លាប់តែម្ដង ។

៣. បន្ទុករបស់ “អ៊ូប៊ូមេ” (Ubume)

នាងជាខ្មោចស្លាប់ដោយការសម្រាលកូន ពេលកូនស្លាប់ជាមួយនាង នាងនឹងបីកូនទាំងប្រឡាក់ឈាម ហើយទារកនោះមើលទៅមិនទាន់គ្រប់ខែទេ ពេលខ្លះនាងហុចកូនទៅឲ្យមនុស្សដែលដើរឆ្លងកាត់នាងទៀតផង ប៉ុន្តែកូននោះនឹងប្រែជាដុំថ្មទៅវិញ ។ ក្នុងករណីកូននៅរស់ នាងអ៊ូប៊ូមេ ចូលចិត្តចូលហាងទិញទំនិញជាមួយលុយស្លឹកឈើដើម្បីបានអាហារយកទៅឲ្យកូន ។ បើមិនដូច្នេះទេនាងនឹងនាំផ្លូវមនុស្សឲ្យទៅរកសាកសពកូននាងយកទៅកប់ ឬរើសមកចិញ្ចឹម ។

៤. “ស៉ីរីយុ” (Shiryo)

ខ្មោចប្រភេទនេះនឹងចាកចេញពីពិភពមនុស្សភ្លាម បន្ទាប់ពីស្លាប់ ឬមកលាសាច់ញាតិលើកចុងក្រោយ ។ ក្រៅពីនេះវាអាចនឹងមកយកមនុស្សជាទីស្រលាញ់ទៅជាមួយផងដែរ ។

៥. ខ្មោចនាវា “ហ៊្វូណាយូរេ” (Funayurei)

ហ៊្វូណាយូរេគឺជាខ្មោចដែលស្លាប់ដោយសារគ្រោះថ្នាក់នាវា និងមានគំនុំនឹងការស្លាប់របស់ពួកគេ ។ ខ្មោចនេះចូលចិត្តបង្កព្យុះ ឬកម្ទេចនាវាដើម្បីយកជីវិតមនុស្សក្នុងនាវាផ្សេងៗ ។ គេថាពួកគេជាបុរសរាងដូចត្រីដែលមានភ្នែកអាក្រក់ និងក្បាលខ្ទេចខ្ទី ។ ពួកវាលេចឡើងក្នុងសមុទ្រឈរនៅលើកប៉ាល់ខ្មោចដែលកំពុងឆេះ នៅពេលយប់ចុះអ័ព្ទគួរឲ្យភ័យខ្លាច ។ គេនិយាយតៗគ្នាថា ហ៊្វូណាយូរេ នឹងមិនឈប់រំខានរហូតដល់ចំនួនសមាជិករបស់វាច្រើនជាងមុន ឬទាល់តែអ្នកនៅក្នុងនាវាមនុស្សបោះអាហារឲ្យពួកវាទើបឈប់ទៅតាម ។

តើអ្នកជឿលើខ្មោចទេ? បើមិនមានពិតហេតុអីគេនិយាយតគ្នាច្រើនម្ល៉េះ?

ប្រែសម្រួលដោយ៖ វារី

ចុចអាន៖ កន្លែងទេសចរណ៍ ១០ កន្លែងលើពិភពលោក ល្បីព្រឺព្រួច និងរន្ធត់

ចុចអាន៖ ជំនឿរន្ធត់ៗ ៨ រឿង នៅកូរ៉េខាងត្បូង គេនិយាយតៗគ្នាថា ជាការពិតដ៏គួរឲ្យខ្លាច

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៥ នាទី មុន

ក្រុម Apink នឹងត្រលប់មកវិញ ជាមួយអាល់ប៊ុមថ្មីនៅឆ្នាំ ២០២៣

ព័ត៌មានអន្ដរជាតិ១១ នាទី មុន

លោក ពូទីន បញ្ជាក់ច្បាស់ៗពីមូលហេតុ ដែលរុស្ស៊ី វាយប្រហារហេដ្ឋារចនាសម្ព័ន្ធអ៊ុយក្រែន

កីឡា៣៨ នាទី មុន

មាន៤ពិន្ទុដូចគ្នា គ្រាប់បាល់កាត់កងក៏ស្មើគ្នា ចុះហេតុអ្វី កូរ៉េខាងត្បូងឡើង អ៊ុយរូហ្គាយធ្លាក់?

សន្តិសុខសង្គម៤១ នាទី មុន

សមត្ថកិច្ចឃាត់ខ្លួនជនសង្ស័យ​៧នាក់ ជាបន្តបន្ទាប់ ពាក់ព័ន្ធករណីកាច់កម៉ូតូ​ និងប្លន់ប្រដាប់អាវុធ

កីឡា៥៣ នាទី មុន

អត្តពលិកប្រណាំងម៉ូតូ Kara ៤៨នាក់ នឹងចូលរួមប្រកួតប្រជែង​ដណ្ដើមពានរង្វាន់​ប្រណាំងម៉ូតូ​លើវាលរាប

Sokha Hotels

ព័ត៌មានពេញនិយម