KPT+

មកស្គាល់បុគ្គលល្បីៗដែលធ្លាប់មានវត្តមានលើក្រដាសប្រាក់ដុល្លារអាមេរិក

បានផុស

៦ years មុន

នៅ

ថ្ងៃចន្ទ ២៨ ធ្នូ ២០២០

ដោយ

រូបិយប័ណ្ណដុល្លារអាមេរិកសុទ្ធសឹងតែជារូបមេដឹកនាំ និងបុគ្គលមានកេរ្តិ៍របស់រដ្ឋនៅលើក្រដាសប្រាក់ទាំងអស់។ ចុះតើលោកអ្នកស្គាល់ទេថា នរណាខ្លះដែលរតនាគារជាតិបានជ្រើសរើសដាក់នៅលើរូបិយប័ណ្ណទាំងនោះ?

ក្រដាសប្រាក់ ១ ដុល្លារ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបិយប័ណ្ណនេះ ដាក់រូបប្រធានាធិបតីទី១ សហរដ្ឋអាមេរិក ចចវ៉ាស៊ីនតោន (George Washington) ដែលរូបរបស់លោកក៏បានដាក់លើកាក់ ០.២៥ សេនផងដែរ។

ក្រដាសប្រាក់ ២ ដុល្លារ

នៅលើក្រដាសប្រាក់ ២ ដុល្លារជាលោក ថូម៉ាសជេហ្វឺសុន (Thomas Jefferson) ដែលជាប្រធានាធិបតីទី៣របស់សហរដ្ឋអាមេរិក។ ក្រៅពីនោះ ប្រធានាធិបតីរូបនេះមាននៅលើកាក់នីកែល ឬកាក់ ៥ សេន។

ក្រដាសប្រាក់ ៥ ដុល្លារ

លោក អប្រាហាំលីនខុន (Abraham Lincoln) ជាប្រធានាធិបតីទី ១៦ ដែលត្រូវបានរតនាគារប្រើរូបដាក់លើក្រដាសប្រាក់ ៥ ដុល្លារ និងនៅលើកាក់មួយសេនផងដែរ។

ក្រដាសប្រាក់ ១០ ដុល្លារ

លោក អាឡិចហ្សាន់ដឺរ ហាមីលតុន( Alexander Hamilto) ត្រូវបានដាក់លើក្រដាសប្រាក់នេះ។ ប៉ុន្តែអាឡិចហ្សាន់ដឺរ មិនមែនជាប្រធានាធិបតីទេ លោកជាបិតាសហរដ្ឋអាមេរិកដែលចូលរួមបង្កើតរដ្ឋនេះ ក្រោយលោក Benjamin Franklin ។

ក្រដាសប្រាក់ ២០ ដុល្លារ

ការធ្វើបច្ចុប្បន្នភាពចុងក្រោយគិតត្រឹមខែមេសា ឆ្នាំ ២០១៦ រតនាគារសហរដ្ឋអាមេរិកប្រកាសផែនការដាក់រូបលោកស្រី Harriet Tubman នៅលើក្រដាសប្រាក់ ២០ ដុល្លារ។ ប៉ុន្តែបច្ចុប្បន្នក្រដាសប្រាក់នេះ នៅដាក់រូបលោក អេនឌ្រូជេកសុន (Andrew Jackson) នៅឡើយ។ លោកជាប្រធានាធិបតីទី៧ ដែលគេប្រើដាក់លើកាក់មួយដុល្លារផងដែរ។

ក្រដាសប្រាក់ ៥០ ដុល្លារ

រូបិយប័ណ្ណ ៥០ ដុល្លារជាប្រធានាធិបតីទី១៨ គឺលោក អ៊ុយលីសេស ហ្គ្រេន (Ulysses S. Grant) ។ វត្តមានរបស់លោកក៏មាននៅលើកាក់ ៥០ សេនផងដែរ។

ក្រដាសប្រាក់ ១០០ ដុល្លារ

ក្រដាសប្រាក់ ១០០ ដុល្លារជារូបរបស់ជាបិតាកសាងសហរដ្ឋអាមេរិកលោក បេនយ៉ាមីនហ្វ្រែនគ្លីន (Benjamin Franklin)។ លោកធ្លាប់មានវត្តមាននៅលើកាក់កន្លះដុល្លារកាលពីឆ្នាំ ១៩៤៨-១៩៦៣ ។

ក្រដាសប្រាក់ ១០០០ ដុល្លារ

ក្រដាសប្រាក់ ១.០០០ ដុល្លារជារូបរបស់ប្រធានាធិបតីទី២២ លោក ហ្គ្រូវឺក្លូលឡិន (Grover Cleveland)។