ស្ត្រីពរពោះ Archives - Kampuchea Thmey Daily

ឪឡឹកមានអត្ថប្រយោជន៍ច្រើនចំពោះស្ត្រីពពោះ និងកូនក្នុងផ្ទៃ

Sonya — Mon, 28 Jun 2021 01:36:17 +0000

នៅអំឡុងពេលមានគភ៌ អាហារូបត្ថម្ភគឺជាផ្នែកមួយដ៏សំខាន់ ដើម្បីជួយទ្រទ្រង់ដល់សុខភាពទាំងម្ដាយ និងទារក។ ពិតណាស់ ផ្លែឈើមានអត្ថប្រយោជន៍ជាច្រើនសម្រាប់ស្ត្រីពពោះ។ រីឯផ្លែឪឡឹកវិញនោះ មិនត្រឹមតែមានសុវត្ថិភាពប៉ុណ្ណោះទេ ប៉ុន្តែវាផ្ដល់អត្ថប្រយោជន៍ដល់ច្រើនលើសលប់ចំពោះម៉ាក់ៗថែមទៀតផង។

១. កាត់បន្ថយការក្រហាយទ្រូង និងជាតិអាស៊ីដ

ការពពោះ បណ្ដាលឲ្យមានការផ្លាស់ប្ដូរសំខាន់ៗនៅក្នុងរាងកាយ។ ការផ្លាស់ប្ដូរនេះ អាចនាំមកនូវបញ្ហាជាច្រើន ដូចជាលើសជាតិអាស៊ីដ និងក្រហាយទ្រូង។ ជាក់ស្ដែង ផ្លែឪឡឹកគឺជាភ្នាក់ងារសម្រួលដល់ប្រព័ន្ធរំលាយអាហារ និងកាត់បន្ថយការលើសជាតិអាស៊ីដ ព្រមទាំងក្រហាយទ្រូងបានយ៉ាងមានប្រសិទ្ធភាព។ ដូច្នេះហើយ ប្រសិនបើម៉ាក់ៗជួបប្រទះបញ្ហារំលាយអាហារធ្ងន់ធ្ងរ ផ្លែឪឡឹកគឺជាជម្រើសដ៏ប្រសើរ។

២. ការពារការហើម

ស្ត្រីពពោះអាចជួបប្រទះបញ្ហាហើមដៃ និងជើងជាញឹកញាប់។ ពិតណាស់ អាការៈនេះកើតឡើងដោយសារតែការប្រមូលផ្ដុំសារធាតុរាវខុសប្រក្រតី នៅក្នុងជាលិកាមួយចំនួននៃរាងកាយ។ យ៉ាងណាមិញ បរិមាណជាតិទឹកខ្ពស់នៅក្នុងផ្លែឪឡឹក អាចជួយបើកការស្ទះ និងកាត់បន្ថយអាការៈហើមយ៉ាងពូកែស័ក្ដិសិទ្ធិ។

៣. ប្រឆាំងនឹងកង្វះជាតិទឹក

ជាមួយគ្នានេះដែរ បញ្ហាទូទៅមួយទៀតដែលតែងតែកើតឡើងជាញឹកញយសម្រាប់ស្ត្រីពពោះ គឺកង្វះជាតិទឹក។ ជាទូទៅ អាការៈកង្វះជាតិទឹកអាចបង្កជាផលវិបាកតិចតួច ដូចជាការអស់កម្លាំង និងល្ហិតល្ហៃ និងអាចបណ្ដាលឲ្យមានបញ្ហាធ្ងន់ធ្ងរ ដូចជាកូនកើតមិនគ្រប់ខែជាដើម។ ផ្លែឪឡឹកផ្ទុកជាតិទឹករហូតដល់៩០% ហើយវាមានឥទ្ធិពលក្នុងការកម្ចាត់បញ្ហាកង្វះជាតិទឹកនេះបានយ៉ាងអស្ចារ្យ។

៤. កាត់បន្ថយអាការៈចាញ់កូន

ស្ត្រីពពោះតែងតែជួបប្រទះអាការៈក្អួត និងចង្អោរ ជាពិសេសនៅអំឡុងពេលពីរបីសប្ដាហ៍ដំបូងនៃការមានផ្ទៃពោះ។ ប៉ុន្តែ ម៉ាក់ៗមិនចាំបាច់បារម្ភឡើយ ជាមួយនឹងការញ៉ាំទឹកឪឡឹកមួយកែវនៅពេលព្រឹក យើងនឹងអាចបំបាត់បញ្ហាមួយនេះបានយ៉ាងងាយស្រួល។ បន្ថែមពីនេះ ទឹកឪឡឹកក៏អាចផ្ដល់ភាពស្រស់ស្រាយ និងថាមពលដល់យើងថែមទៀតផង។

៥. ជំរុញប្រព័ន្ធភាពស៊ាំ

រាងកាយរបស់ស្ត្រីពពោះ ប្រយុទ្ធប្រឆាំងជាមួយនឹងការឆ្លងមេរោគ និងជំងឺផ្សេងៗសម្រាប់មនុស្សពីរនាក់ ទាំងខ្លួនឯង និងទារកដែលកំពុងលូតលាស់។ កត្តានេះអាចបណ្ដាលឲ្យកម្រិតប្រព័ន្ធភាពស៊ាំធ្លាក់ចុះ។ ឪឡឹកផ្ទុកសារធាតុប្រឆាំងនឹងអុកស៊ីតកម្មដ៏មានឥទ្ធិពល ដែលអាចបង្កើនកម្រិតភាពស៊ាំរបស់ស្ត្រីមានគភ៌បានយ៉ាងប្រសើរ។

៦. កាត់បន្ថយអាការៈរមួលសាច់ដុំ

ជាធម្មតា រាងកាយរបស់ស្ត្រីពពោះកំពុងតែព្យាយាមសម្របខ្លួនទៅនឹងការផ្លាស់ប្ដូរដែលកំពុងកើតឡើង។ ការប្រែប្រួលអ័រម៉ូន ការឡើងទម្ងន់ភ្លាមៗក៏អាចបណ្ដាលឲ្យម៉ាក់ៗជួបបញ្ហារមួលសាច់ដុំ និងឈឺចាប់បានដែរ ដូចនេះហើយ ឪឡឹកគឺជាឱសថព្យាបាលធម្មជាតិដែលយើងមិនគួរមើលរំលងឡើយ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ជំនឿខុសឆ្គងមួយចំនួន ធ្វើឲ្យគ្រោះថ្នាក់ដល់ស្ត្រី និងកូន

ចុចអាន៖ ម្ដាយឆ្លងកូវីដ-១៩ ពេលពពោះ កូនក្នុងផ្ទៃមានហានិភ័យអីខ្លះ?

The post ឪឡឹកមានអត្ថប្រយោជន៍ច្រើនចំពោះស្ត្រីពពោះ និងកូនក្នុងផ្ទៃ appeared first on Kampuchea Thmey Daily.

ចង់បានកូនប្រុសស្រីដូចចិត្ត តាមក្បួនពេទ្យគេធ្វើម៉េចខ្លះ?

Sonya — Sat, 08 May 2021 01:28:54 +0000

មានប្តីប្រពន្ធជាច្រើនក្រោយរៀបការរួចចង់បានកូនជាចំណងដៃ ប៉ុន្តែម្នាក់ៗមិនអាចបានភេទកូនតាមចិត្តចង់ឡើយ។ ប្តីប្រពន្ធខ្លះខំធ្វើតាមក្បួនធម្មជាតិផង រត់ទៅរកពេទ្យប្រឹក្សាយោបល់ផង ដើម្បីបានកូនស្រី ឬប្រុស តាមបំណងប្រាថ្នាខ្លួន។

ជុំវិញបញ្ហានេះ ប្រធានផ្នែករោគស្ត្រី នៃមន្ទីរពេទ្យកាល់ម៉ែត លោកវេជ្ជបណ្ឌិត គាន់ អូន បានលើកឡើងថា ក្បួនវេជ្ជសាស្ត្របើចង់បានកូនប្រុស កូនស្រីដូចចិត្ត ជាទូទៅគេកំណត់ទៅតាមមេជីវិតញីដែលធ្លាក់ចុះមក ប៉ុន្តែភាគរយហ្នឹងមិនប្រាកដថា ជោគជ័យ ១០០% ទេ តែបើយើងចង់បានកូនប្រុសស្រីតាមចិត្តចង់បាននោះ គ្រូពេទ្យជំនាញនឹងធ្វើ DNA។

លោកវេជ្ជបណ្ឌិត គាន់ អូន បានបន្តថា បច្ចេកវិទ្យាធ្វើ DNA ដោយយកមេជីវិតទៅវិភាគ តើកូនស្រី ឬកូនប្រុសនេះ ត្រូវចំណាយលុយអស់ច្រើន ហើយក៏មិនមានធ្វើនៅស្រុកខ្មែរដែរ ត្រូវផ្ញើ Sample ទៅក្រៅប្រទេស។ “គេយក DNA ទៅវិភាគអស់រាប់ពាន់ រាប់ម៉ឺនដុល្លារទៅ គេអាចយកកូនស្រី ឬប្រុសដូចបំណង ចំពោះអ្នកមានលទ្ធភាព”។

តែបើយើងកំណត់ភេទកូនតាមបែបធម្មជាតិ លោកវេជ្ជបណ្ឌិតលើកឡើងថា មិនប្រាកដជោគជ័យ ១០០% ទេ។ ក្បួនធម្មជាតិ ដើម្បីកំណត់ភេទកូនទាំងនោះរួមមាន ពេលវេលានៃការរួមភេទ បែបបទនៃការរួមភេទ កត្តាទ្វារមាស និងចំណីអាហារ ជាដើម។

រវាងបុរស និងស្ត្រី តើអ្នកណាជាអ្នកកំណត់ភេទកូន?

លោកវេជ្ជបណ្ឌិត ច័ន្ទ រស្មី ឯកទេសសម្ភព និងរោគស្ត្រី បានបញ្ជាក់ថា ជាទូទៅភាគីបុរសជាអ្នកកំណត់ភេទកូន ដោយសារតែបុរសមានក្រូម៉ូសូម X និង Y ខណៈស្រ្តីមានតែក្រូម៉ូសូម XX។

លោកថា ក្រូម៉ូសូម ឬមេជីវិតឈ្មោលអាច (X ឬ Y) បើក្រូម៉ូសូម (X) ជាមួយក្រូម៉ូសូមមេជីវិតញី (X) ទារកនឹងក្លាយជាក្មេងស្រី (XX) ។ ប្រសិនបើមេជីវិតឈ្មោល (Y) ជួបជាមួយក្រូម៉ូសូមមេជីវិតញី (X) ទារកនឹងក្លាយជាកូនប្រុស (XY) ។

វេជ្ជបណ្ឌិតឯកទេសសម្ភពរូបនោះបានឲ្យដឹងទៀតថា កោសិកាមេជីវិត (Y-ឈ្មោល) ផ្លាស់ទីបានលឿន ប៉ុន្តែវាឆាប់ស្លាប់ អាយុកាលរបស់វាគឺប្រហែល ២៤ ម៉ោង។ ចំណែកកោសិកាមេជីវិត (X-ញី) ផ្លាស់ទីយឺតៗ ប៉ុន្តែអាចរស់នៅបានយូរ រហូតដល់ ៣-៤ ថ្ងៃ។ ដូច្នេះបើយើងបានរួមភេទប៉ុន្មានថ្ងៃមុនការបញ្ចេញអូវុល ភាគច្រើននៃកោសិកាមេជីវិតឈ្មោល (Y-Sperm) អាចនឹងស្លាប់បាត់បង់ ដែលជាហេតុបណ្ដាលឲ្យភាគច្រើននៃកោសិកាមេជីវិតញី (X) មានឱកាស ដើម្បីបង្កកំណើត៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ការរបើកសុកកូនមុនសម្រាល និងគ្រោះថ្នាក់ពីម្ដាយទៅកូន

ចុចអាន៖ សារៈសំខាន់នៃការសង្គ្រោះទារកបន្ទាប់ពីសម្រាលភ្លាមៗ!

The post ចង់បានកូនប្រុសស្រីដូចចិត្ត តាមក្បួនពេទ្យគេធ្វើម៉េចខ្លះ? appeared first on Kampuchea Thmey Daily.

ពេទ្យតែងហាមម្ដាយពពោះមិនឲ្យគិតច្រើន ព្រោះខ្លាចជួបបញ្ហាទាំងនេះ

Sonya — Mon, 26 Apr 2021 02:12:00 +0000

តាំងពីចាប់ផ្ដើមពពោះមកស្ត្រីត្រូវបានពេទ្យតម្រូវឲ្យសម្រាកឲ្យបានច្រើន និងកាត់បន្ថយការធ្វើការ ព្រមទាំងកុំឲ្យគិតច្រើន ព្រោះខ្លាចប៉ះពាល់ដល់សុខភាពគភ៌ក្នុងផ្ទៃ។

ការប៉ះទង្គិចដោយសារផ្លូវចិត្តនាំឲ្យគ្រោះថ្នាក់កូនក្នុងផ្ទៃ ត្រូវវេជ្ជបណ្ឌិត គាន់ អូន ប្រធានផ្នែករោគស្ត្រី នៃមន្ទីរពេទ្យកាល់ម៉ែត បកស្រាយថា ការគិតច្រើន ស្ត្រេស មួម៉ៅ នាំឲ្យស្បូនកន្ត្រាក់ អាចកើតមុនខែនាអំឡុងចុងត្រីមាសទី ២ ដើមត្រីមាសទី ៣។ តែបើពេលកូនទើបមកចាប់កំណើតថ្មីៗ ស្ត្រីអារម្មណ៍មិនល្អ ខឹងច្រើន អាចបណ្ដាលឲ្យរលូតបាន ឬបើមិនរលូតក៏ម៉ាក់ជួបបញ្ហាធ្លាក់ឈាមដែរ ដោយសារតែសាច់ដុំស្បូនកន្ត្រាក់នេះឯង។

សាស្ត្រាចារ្យវេជ្ជបណ្ឌិតរូបនោះបញ្ជាក់ទៀតថា កាលណាម៉ាក់ៗមានអារម្មណ៍ល្អ កូនក្នុងផ្ទៃក៏ស្រស់ថ្លា សុខភាពរឹងមាំ ដូចនេះហើយបានជាគេតែងតែថ្នម និងតាមចិត្តអ្នកមានផ្ទៃពោះ ហើយព្យាយាមតាមលួងលោមពេលស្រ្តីមានការអាក់អន់ស្រពន់ចិត្ត ព្រោះគិតគូរពីការវិវត្តន៍ធំធាត់របស់កូន។ លោកបន្ថែមទៀត ការដែលស្ត្រីជាម្ដាយគិតខ្លាំង ស្មុគ ស្ដ្រេស តប់ប្រមល់ច្រើន ពិបាកក្នុងខ្លួន សាច់ដុំស្បូនក៏ប្រឹងធ្វើការធ្ងន់ទៅតាមនោះដែរ ទើបបណ្ដាលឲ្យឈឺពោះ បែកទឹកភ្លោះ និងកើតទាំងមិនទាន់ដល់ថ្ងៃគ្រប់កំណត់សម្រាល។

ដូចនេះវិធីល្អគ្រួសារត្រូវតែថ្នាក់ថ្នម និងជួយកិច្ចការធំតូចក្នុងផ្ទះ ដើម្បីឲ្យស្ត្រីមានពេលសម្រាក គេងលក់ស្កប់ស្កល់ បង្កើនភាពរីករាយ ល្អទាំងម៉ាក់ និងកូន៕

អត្ថបទផ្ដល់សិទ្ធិ៖ Hello គ្រូពេទ្

ចុចអាន៖ ចង់ត្រេកត្រអាលពេក ប្រើក្បាច់ទាំងនេះតិចចូលពេទ្យ

ចុចអាន៖ ហេតុអ្វីត្រូវយល់ដឹងក្នុងរយៈពេល “មុន និង អំឡុងពេល” មានផ្ទៃពោះ?

The post ពេទ្យតែងហាមម្ដាយពពោះមិនឲ្យគិតច្រើន ព្រោះខ្លាចជួបបញ្ហាទាំងនេះ appeared first on Kampuchea Thmey Daily.

ពពោះ គួរចៀសវាងអាហារ ភេសជ្ជៈទាំងនេះ ព្រោះ…

Sonya — Tue, 20 Apr 2021 02:56:27 +0000

ពេលមានផ្ទៃពោះ ប្រព័ន្ធភាពស៊ាំរាងកាយ និងប្រព័ន្ធរំលាយអាហារ យើងនឹងចុះទន់ខ្សោយ ងាយនឹងមានបញ្ហាសុខភាពកើតឡើង ដោយសារអាហារយើងញ៉ាំណាស់។ គ្នាយើងដឹងអត់? បើញ៉ាំអាហារមិនត្រឹមត្រូវ មិនត្រឹមតែធ្វើឲ្យមានបញ្ហាឈឺចុកចាប់ប៉ុណ្ណោះទេ កូនយើងក្នុងផ្ទៃ ក៏រងផលប៉ះពាល់ដែរ។ ដើម្បីសុវត្ថិភាពគ្នាយើង និងគភ៌ក្នុងផ្ទៃ នេះជាអាហារ ភេសជ្ជៈមួយចំនួន គ្នាយើងមិនគួរញ៉ាំពេលពពោះ។

១- ស្រាក្រឡុក

ស្រីៗជាច្រើនជឿថា ស្រាក្រឡុកមិនធ្វើឲ្យប៉ះពាល់ដល់សុខភាពនោះទេ ប៉ុន្តែអ្នកជំនាញសុខាភិបាល បានច្រានចោលគំនិតនេះ។ អ្នកជំនាញមកពីវិទ្យាស្ថានផ្នែកជំងឺកុមារ ក៏ដូចជាសមាគមគ្រូពេទ្យសម្ភព និងរោគស្ត្រី នៅអាមេរិក លើកឡើងថា អំឡុងពេលពពោះ ត្រឹមកម្រិតជាតិអាល់កុលតែបន្តិច ក៏រាប់ថាមិនមានសុវត្ថិភាពដែរ។ ជំនួសឲ្យស្រាក្រឡុក ស្រីៗគ្នាយើង គួរផឹកទឹកផ្លែឈើ លាយជាមួយទឹកសូដា (Sparkling Water) អាចបន្ថែមជាមួយជីអង្កាម និងដាក់ក្នុងកែវរបស់ស្រាក្រឡុកវិញ។ ទាំងនេះ គឺគ្រប់គ្រាន់សម្រាប់សុខភាព ពិសេសបង្កើតបរិយាកាសរីករាយនៅថ្ងៃឈប់សម្រាកបាន។

២- ភេសជ្ជៈ Eggnog

Eggnog ជាភេសជ្ជៈមួយប្រភេទ ក្រឡុកលាយជាមួយ ស៊ុត ស្ករ និងស្រា ហើយទោះបីលាយជាមួយស្រា ឬមិនលាយក៏ដោយ ក៏មិនល្អសម្រាប់គ្នាយើងកំពុងពពោះដែរ។ មូលហេតុ គឺថា ភេសជ្ជៈប្រភេទនេះ ត្រូវលាយជាមួយស៊ុតឆៅ ឬមិនបានចម្អិនឆ្អិនល្អ អាចមានបាក់តេរី សាម៉ុនណែឡា (Salmonella bacter) ដែលជាបាក់តេរីបង្កជំងឺគ្រុនពោះវៀន ផ្ទុកនៅក្នុងនោះ។ បើគ្នាយើងចូលចិត្តភេសជ្ជៈនេះខ្លាំង គួរតែទិញភេសជ្ជៈនេះ ដែលផលិតចេញពីរោងចក្រ ព្រោះវាផលិតឡើងដោយបានសម្លាប់មេរោគលើស៊ុត ដូចនេះហើយ អាចមានសុវត្ថិភាព។ នេះបើយោងតាមមជ្ឈមណ្ឌលការពារ និងគ្រប់គ្រងជំងឺ នៅអាមេរិក។

៣- ទឹកប៉ោម

ទឹកប៉ោមស្រស់ ក៏ជាភេសជ្ជៈគួរចៀសវាងដូចគ្នា ព្រោះទឹកប៉ោមធ្វើខ្លួនឯង មិនបានសម្លាប់មេរោគ អាចមានបាក់តេរី ដូចជា E.Coli និង Salmonella នៅក្នុងនោះបាន។ គួរចៀសវាងភេសជ្ជៈនេះ ឬអាចរកទិញទឹកប៉ោម ផលិត និងសម្លាប់មេរោគបានតាមទីផ្សារបាន។ ផ្ទុយទៅវិញ យើងអាចញ៉ាំផ្លែប៉មស្រស់ ព្រោះជួយសុខភាពពេលពពោះ កាន់តែល្អ។

៤- សាច់មាន់ Turkey

មិនមែនមានន័យថា ស្រីៗពពោះ មិនអាចញ៉ាំសាច់សត្វមាន់នេះបានទេ ប៉ុន្តែក៏មិនត្រូវញ៉ាំសាច់មាន់ទួរគី ចម្អិនមិនឆ្អិនល្អដែរ។ អាចញ៉ាំ បានបើសាច់ខាង បានចម្អិនក្នុងសីតុណ្ហភាព ៧៤ អង្សារសេ។ សាច់សត្វស្លាប ចម្អិនមិនល្អអាចមានបាក់តេរី និងប៉ារាស៊ីត ដូចជា E. Coli Trichinella និង Toxoplasma។

៥- សាច់ស្មា ឬសាច់ទ្រូង (Brisket)

ដូចទៅនឹងសាច់មាន់ទួរគី សាច់សត្វត្រង់ស្មា និងទ្រូង គឺមិនមានសុវត្ថិភាពគ្រប់គ្រាន់ទេ បើមិនបានចម្អិតឲ្យដល់សីតុណ្ហភាព ៧៤ អង្សារសេ ព្រោះបាក់តេរីនៅខាងក្នុង មិនបានសម្លាប់អស់នៅឡើយ។

៦- ឈីសទន់

ឈីសទន់ ជាទូទៅមានដាក់នៅតាមកន្លែងអាហារប៊ូហ្វេ។ ទោះយ៉ាងនេះក្ដី ស្រីៗមានផ្ទៃពោះ អាចរីករាយញ៉ាំវាបាន បើសិនឈីសទាំងនោះបានសម្លាប់មេរោគ។ ឈីស អាចផលិតឡើងដោយទឹកដោះគោស្រស់ និងអាចមានជំងឺបង្ករដោយបាក់តេរីក្នុងទឹកដោះ (Listeria) ហើយបើទោះជំងឺនេះ មិនងាយឆ្លងចំពោះមនុស្សទូទៅក៏ពិតមែន ប៉ុន្តែចំពោះស្រីពពោះ ងាយឆ្លងជំងឺដល់ទៅ ១៣ដង បើធៀបនឹងគ្នាយើងគ្មានផ្ទៃពោះ។ ផ្ទុយទៅវិញ ឈីសរឹង គឺមានសុវត្ថិភាពជាង ដូចនេះ គួរញ៉ាំឈីសរឹងវិញល្អជាង។

៧- អាហារសល់

យោងតាម នាយកដ្ឋានសុវត្ថិភាពចំណីអាហារ នៃក្រសួងកសិកម្មអាមេរិក គ្រប់អាហារដែលនៅក្នុងបន្ទប់មានសីតុណ្ហភាពធម្មតា ច្រើនជាង ២ម៉ោង គួរតែកុំញ៉ាំអី។ អាហារប៊ូហ្វេនៅតែភោជនីយដ្ឋាន ច្រើនតែទុកចោលនៅខាងក្រៅ ច្រើនម៉ោង ដោយមិនគិតពីគ្រោះថ្នាក់ ចំពោះគ្នាយើងដែលញ៉ាំនោះទេ។ ដូចនេះ អាហារនៅសល់ គួរតែទុកក្នុងទូទឹកកក ឲ្យលឿនតាមដែលអាចធ្វើបាន ដើម្បីប្រាកដថា គ្នាយើងកំពុងពពោះ មានបញ្ហាសុខភាពដោយសារតែអាហារទាំងនោះ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ផលប៉ះពាល់នៃដុំស្បូនដល់ស្ត្រីមានផ្ទៃពោះ និងគភ៌!

ចុចអាន៖ ញ៉ាំស៊ុបមាន់បំប៉នរាល់ថ្ងៃ ផ្តល់ប្រយោជន៍ច្រើន ពិសេសជួយឲ្យប្រព័ន្ធការពាររឹងមាំ

The post ពពោះ គួរចៀសវាងអាហារ ភេសជ្ជៈទាំងនេះ ព្រោះ… appeared first on Kampuchea Thmey Daily.

ម្ដាយឆ្លងកូវីដ-១៩ ពេលពពោះ កូនក្នុងផ្ទៃមានហានិភ័យអីខ្លះ?

Sonya — Fri, 09 Apr 2021 01:40:31 +0000

យើងសង្កេតឃើញថា ក្នុងចំណោមអ្នកឆ្លងវីរុសកូវីដ-១៩ នៅកម្ពុជា មានស្ត្រីពពោះមួយចំនួនដែរ។ ម៉ាក់ៗឆ្លងកូវីដ-១៩ ពេលពពោះ កូនក្នុងផ្ទៃមានហានីភ័យអីខ្លះ? អាចឆ្លងកូវីដ ១៩ ដែរទេ?

បកស្រាយបញ្ហាជុំវិញចម្ងល់នេះ អង្គការសុខភាពពិភពលោក (WHO) ឲ្យដឹងថា មិនទាន់មានភស្តុតាងច្បាស់លាស់មកបញ្ជាក់ថា ទារកក្នុងផ្ទៃអាចឆ្លងវីរុសកូវីដ-១៩ តាមម្ដាយអំឡុងពេលពពោះ ឬពេលសម្រាល ឬក៏អត់ទេ។ មកដល់ថ្ងៃនេះ វីរុសកូវីដ-១៩ មិនទាន់ត្រូវបានរកឃើញក្នុងទឹកភ្លោះ ឬក៏ទឹកដោះម្ដាយនៅឡើយ។

ដូចគ្នានេះដែរ មជ្ឈមណ្ឌលប្រយុទ្ធនឹងជំងឺឆ្លងអាមេរិក (CDC) ហានីភ័យទូទៅក្នុងការកើតជំងឺកូវីដ-១៩ លើស្ត្រីពពោះ មានភាគរយទាប ក៏ប៉ុន្តែការពពោះបង្កើនហានិភ័យខ្ពស់ក្នងការធ្លាក់ខ្លួនឈឺធ្ងន់ និងស្លាប់បើឆ្លងកូវីដ-១៩។ ស្ត្រីពពោះដែលឆ្លងវីរុសនេះច្រើនកើតបញ្ហាផ្លូវដង្ហើម ទាមទារការយកចិត្តទុកដាក់ខ្ពស់ជាងស្ត្រីមិនមានផ្ទៃពោះ។ អ្នកស្រាវជ្រាវក៏សង្កេតឃើញថា ក្រៅពីអាចកើតជំងឺផ្លូវដង្ហើម ស្រ្តីពពោះកើតកូវីដ-១៩ មិនមានចម្លង ឬបង្កបញ្ហាសុខភាពធ្ងន់ធ្ងរដល់ទារកទេ។

បន្ថែមពីលើនេះ ស្ត្រីពពោះដែលមានជំងឺប្រចាំកាយដូចជា ទឹកនោមផ្អែម កាន់តែប្រឈមខ្ពស់នឹងការធ្លាក់ខ្លួនឈឺធ្ងន់ បើឆ្លងជំងឺកូវីដ-១៩។ តាមការស្រាវជ្រាវមួយចំនួនអះអាងថា ស្ត្រីពពោះកើតកូវីដ-១៩ ប្រឈមនឹងការសម្រាលកូនមុនខែ និងសម្រាលដោយការវះកាត់ ហើយទារកត្រូវយកទៅពិនិត្យសុខភាព ស្វែងរកជំងឺផ្សេងៗ រូមទាំងកូវីដ-១៩ ដែរ។

យ៉ាងណាមិញ តាមការសិក្សាពីសាកលវិទ្យាល័យ California San Francisco បានរកឃើញថា ទារកភាគច្រើន ដែលមានម៉ាក់ៗកើតកូវីដ១៩ គឺមានសុខភាពល្អធម្មតា គិតត្រឹមពេលដែលអាអូនកើតបានចន្លោះអាយុ ៦ ទៅ៨សប្ដាហ៍។ ខណៈពេលដែលការស្រាវជ្រាវនេះកំពុងតែបន្ត ការរកឃើញនេះ ក៏អាចធ្វើឲ្យគ្រួសារដែលកើតកូវីដ១៩ មានក្តីសង្ឃឹមផងដែរ។

សម្រាប់ម៉ាក់ៗដែលកើតជំងឺកូវីដ-១៩ នៅតែអាចបំបៅដោះកូនធម្មតាបាន ដោយមានការប្រុងប្រយ័ត្នអនាម័យខ្ពស់ ដើម្បីធានាថា មិនចម្លងវីរុសទៅកូនជាមួយ៖

ពាក់ម៉ាសពេលបំបៅ
លាងសម្អាតដៃមុនកាន់កូន
ក្អក ឬកណ្ដាស់ត្រូវងាកមុខចេញ
ច្របាច់ទឹកដោះដាក់ដបឲ្យកូនបៅ (បើអាច)
ឬច្រមាច់ទឹកដោះដាក់ដប ទុកឲ្យអ្នកមានសុខភាពល្អបំបៅកូន (បើអាច)។ល។

ស្របគ្នានេះ លោកជំទាវ ឱ វណ្ណឌីន រដ្ឋលេខាធិការ និងអ្នកនាំពាក្យក្រសួងសុខាភិបាល បានឲ្យដឹងថា ក្រសួងនៅមិនទាន់ទទួលបានការណែនាំទាក់ទងនឹងការចាក់វ៉ាក់សាំងលើស្ត្រីមានផ្ទៃពោះពីអង្គការសុខភាពពិភពលោក(WHO) នៅឡើយទេ ដូចនេះស្ត្រីពពោះត្រូវមានការប្រុងប្រយ័ត្នជាបន្តទៀត។ តែបើស្ត្រីពពោះស្ថិតក្នុងហានិភ័យខ្ពស់ ដូចនេះគ្រូពេទ្យអាចសម្រេចចិត្តឲ្យស្ត្រីពពោះចាក់វ៉ាក់សាំងកូវីដ-១៩ ដើម្បីការពារសុខភាពដែរ ប៉ុន្តែត្រូវមានការតាមដានឲ្យបានច្បាស់លាស់។ ចំណែកការលើកឡើងថា ចាក់វ៉ាក់សាំងរួច អាចប៉ះពាល់ទៅដល់ទារកក្នុងផ្ទៃដែរ ឬអត់នោះ ទាមទារឲ្យមានការសិក្សាបន្ថែមទៀតពីអ្នកវិទ្យាសាស្ត្រ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ បកស្រាយ! តើអ្នកជាសះស្បើយពីកូវីដ-១៩ អាចលាប់ឡើងវិញដែរទេ?

ចុចអាន៖ ឪពុកម្តាយគួរប្រយ័ត្ន! កុមារ១ភាគ៣ មិនបង្ហាញរោគសញ្ញាទេពេលឆ្លងកូវីដ

The post ម្ដាយឆ្លងកូវីដ-១៩ ពេលពពោះ កូនក្នុងផ្ទៃមានហានិភ័យអីខ្លះ? appeared first on Kampuchea Thmey Daily.

ទោះផឹកកាហ្វេត្រឹមកន្លះពែងក្នុងមួយថ្ងៃ ក៏ស្ត្រីមានផ្ទៃពោះបង្កហានិភ័យខ្លាំងដល់ទារកដែរ

Sonya — Mon, 29 Mar 2021 07:52:07 +0000

លទ្ធផលពីអ្នកស្រាវជ្រាវអាមេរិកបង្ហាញថា ស្ត្រីមានផ្ទៃពោះដែលផឹកជាតិកាហ្វេអ៊ីនជាប្រចាំនឹងធ្វើឱ្យទារកកើតមកមិនពេញលក្ខណៈ ឬខ្វះទម្ងន់។

ពួកគេបានរកឃើញថា ស្ត្រីនិយមផឹកកាហ្វេដែលមានជាតិកាហ្វេអ៊ីនស្មើនឹងកន្លះកែវក្នុងមួយថ្ងៃនឹងធ្វើឱ្យទារកកើតមកតូចខុសប្រក្រតី បើប្រៀបធៀបនឹងស្ត្រីមានផ្ទៃពោះដែលមិនទទួលទានភេសជ្ជៈដែលមានជាតិកាហ្វេអ៊ីនសោះ។

ចំណែកទារកដែលកើតមកតូចអាចធ្វើឱ្យពួកគេមានហានិភ័យខ្ពស់នៃជំងឺធាត់ ជំងឺបេះដូង និងទឹកនោមផ្អែមនៅពេលក្រោយ។ ដោយសារបញ្ហានេះអ្នកជំនាញណែនាំឱ្យស្ត្រីមានផ្ទៃពោះបញ្ចៀសទាំងស្រុងពីភេសជ្ជៈដែលមានជាតិកាហ្វេអ៊ីនដូចជា កាហ្វេ តែ សូដា និងភេសជ្ជៈប៉ូវកម្លាំងផ្សេងទៀតជាដាច់ខាត។

NHS អាមេរិកនិយាយថា ស្ត្រីមានផ្ទៃពោះអាចផឹកជាតិកាហ្វេអ៊ីនបាន ប៉ុន្តែមិនលើសពី ២០០ មីលីក្រាមក្នុងមួយថ្ងៃឡើយ ហើយប្រសិនអ្នកម្ដាយចំណូលភេសជ្ជៈមានជាតិកាហ្វេអ៊ីន ត្រូវតែពិគ្រោះជាមួយគ្រូពេទ្យអំពីការទទួលទានជាតិកាហ្វេអ៊ីនអំឡុងពេលមានផ្ទៃពោះជាមុនសិន។

ការទទួលទានជាតិកាហ្វេអ៊ីនលើសកម្រិត ត្រូវបានអ្នកជំនាញជឿថា បណ្តាលឱ្យសរសៃឈាមនៅក្នុងស្បូននិងសុកមានភាពតឹង ដែលនាំឱ្យពិបាកដល់ការផ្គត់ផ្គង់ឈាមដល់ទារក និងរារាំងការលូតលាស់របស់ក្មេងក្នុងផ្ទៃ។

ដោយឡែកការសិក្សាថ្មីមួយទៀតបានបង្ហាញថា ការទទួលទានជាតិកាហ្វេអ៊ីនខ្ពស់ជាប្រចាំក៏មានហានិភ័យចំពោះការលូតលាស់នៅក្នុងផ្ទៃ កើតមកទម្ងន់ស្រាល ក៏ដូចជាប៉ះពាល់អវៈយវៈមួយចំនួនថែមទៀតផង។

បើប្រៀបធៀបស្ត្រីដែលមិនទទួលទានកាហ្វេអ៊ីននិងស្ត្រីដែលមានកម្រិតកាហ្វេអ៊ីនក្នុងឈាមខ្ពស់ ទារកកើតជាមួយម្ដាយផឹកកាហ្វេអ៊ីនមានទម្ងន់ស្រាលជាងទារកធម្មតា ៨៤ ក្រាម អវៈយវៈខ្លីជាង ០,៤៤ សង់ទីម៉ែត្រ ទំហំក្បាលតូចជាង ០,៣២ សង់ទីម៉ែត្រ។

តាមរយៈការសិក្សាខាងលើ អ្នកជំនាញបានទូន្មានស្ត្រីមានផ្ទៃពោះគ្រប់រូប គួរចៀសវាងជាតិកាហ្វេអ៊ីនដាច់ខាតដើម្បីជាប្រយោជន៍ដល់សុខភាពទារកនិងខ្លួនឯងផងដែរ៕

ប្រែសម្រួល៖ សន្យា

ប្រភព៖ Daily Mail

ចុចអាន៖ ស្រាយចម្ងល់! សំឡីអានាម័យអាចបណ្ដាលឲ្យកើតជំងឺមហារីក?

ចុចអាន៖ ក្មេងក្តៅខ្លួន ឬផ្តាសាយ ចំថ្ងៃត្រូវចាក់វ៉ាក់សាំង អាចចាក់បានអត់?

The post ទោះផឹកកាហ្វេត្រឹមកន្លះពែងក្នុងមួយថ្ងៃ ក៏ស្ត្រីមានផ្ទៃពោះបង្កហានិភ័យខ្លាំងដល់ទារកដែរ appeared first on Kampuchea Thmey Daily.

ប៉ុន្មានសំណួរអំពីកូវីដ-១៩ ស្ត្រីមានផ្ទៃពោះចង់ដឹងបំផុត

Sonya — Sun, 28 Mar 2021 00:15:00 +0000

វីរុស COVID-19 ឆ្លងរាលដាលយ៉ាងឆាប់រហ័ស តាមរយៈដំណក់ទឹកតូចៗដែលខ្ទាតចេញពីមាត់អ្នកជំងឺតាមរយៈការក្អក ឬកណ្តាស់។ ខណៈសុខភាពខ្លួនខ្សោយ ហើយថែមទាំងមានកូនក្នុងផ្ទៃពោះ ស្ត្រី ពពោះភាគច្រើនតែងបង្ហាញក្តីបារម្ភរបស់ខ្លួន និងមានការងឿងឆ្ងល់ច្រើនជុំវិញវីរុស COVID-19។

ដើម្បីជាចំណេះដឹងសម្រាប់ស្ត្រីមានផ្ទៃពោះ អង្គការសុខភាពពិភពលោក (WHO) បានចងក្រងនូវកម្រងសំណួរ-ចម្លើយ មួយចំនួន អំពីស្ត្រីមានផ្ទៃពោះ និងវីរុស COVID-19។

សំណួរ១. តើជាការពិតទេ ស្ត្រីពពោះជាក្រុមមនុស្សប្រឈមខ្លាំងនឹងការឆ្លង COVID-19?

ចម្លើយ៖ ការស្រាវស្រាវអំពីផលប៉ះពាល់របស់វីរុស COVID-19 លើស្ត្រីមានផ្ទៃពោះកំពុងដំណើរការនៅឡើយ។ ប៉ុន្តែបច្ចុប្បន្ននេះមិនទាន់មានភស្តុតាងណាបញ្ជាក់ថា ស្ត្រីមានផ្ទៃពោះប្រឈមខ្លាំងជាងមនុស្សធម្មតានោះ។ ទោះបីជាយ៉ាងណាក៏ដោយ ដោយសារតែការផ្លាស់ប្តូររាងកាយ អ័រម៉ូន និងប្រព័ន្ធភាពស៊ាំ ស្ត្រីមានផ្ទៃពោះអាចរងផលប៉ះពាល់ធ្ងន់ធ្ងរ ដោយការឆ្លងមេរោគផ្លូវដង្ហើមមួយចំនួន ពិសេសវីរុស COVID-19។

សំណួរ២. ខ្ញុំជាស្ត្រីមានផ្ទៃពោះ តើខ្ញុំត្រូវការពារខ្លួនពី COVID-19 យ៉ាងដូចម្តេច?

ចម្លើយ៖ មិនមានអ្វីប្លែកពីគេនោះទេ ស្ត្រីមានផ្ទៃពោះត្រូវអនុវត្តវិធានការពារខ្លួនពី COVID-19 ដូចមនុស្សធម្មតាដែរ។ ទី១ ត្រូវលាងសម្អាតដៃជាមួយសាប៊ូ និងទឹក ជេល ឬអាល់កុលឲ្យបានញឹកញាប់ ទី២ រក្សាចន្លោះរវាងយើង និងអ្នកដទៃ ហើយចៀសវាងទៅកន្លែងដែលមានមនុស្សច្រើន ទី៣ កុំយកដៃទៅប៉ះភ្នែក ច្រមុះ និងមាត់ ទី៤ អនុវត្តអនាម័យផ្លូវដង្ហើម ដោយយកក្រដាស ឬកែងដៃគ្របមាត់ ពេលក្អក ឬកណ្តាស់។ ក្នុងករណីមានអការៈក្តៅខ្លួន ក្អក ពិបាកដកដង្ហើម ត្រូវប្រញាប់ទៅជួបគ្រូពេទ្យ។

សំណួរ៣. តើវីរុស COVID-19 អាចឆ្លងពីម្តាយទៅកូនផ្ទៃ ឬកូនទើបកើតទេ?

ចម្លើយ៖ នៅមិនទាន់ដឹងថាតើស្ត្រីមានផ្ទៃពោះដែលមានវីរុស COVID-19 អាចចម្លងមេរោគទៅកូនក្នុងផ្ទៃ ឬពេល សម្រាលកូនឡើយ ហើយក៏មិនទាន់ដឹងថា វីរុស COVID-19 មាននៅក្នុងទឹកភ្លោះ ឬទឹកដោះម្តាយនោះដែរ។

សំណួរ៤.តើស្ត្រីដែលឆ្លង COVID-19 អាចបំបៅកូនដោយទឹកដោះបានទេ?

ចម្លើយ៖ ជាពិត ស្ត្រីដែលមានឆ្លងវីរុស COVID-19 អាចបំបៅកូនបាន ប្រសិនបើម៉ាក់ៗមានបំណងបំបៅកូនដោយទឹកដោះ ប៉ុន្តែម៉ាក់ៗត្រូវអនុវត្តក្បួនអនាម័យផ្លូវដង្ហើម ដោយពាក់ម៉ាស់ឲ្យបានត្រឹមត្រូវអំឡុងពេលបំបៅដោះកូន លាងសម្អាតដៃឲ្យស្អាត មុន និងក្រោយពេល បំបៅកូន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ៣ចំណុច ដែលស្រ្តីមានហានិភ័យស្លាប់ដោយសារជំងឺកូវីដ-១៩ទាបជាងបុរស

ចុចអាន៖ ម្ដាយបំបៅកូនដោយទឹកដោះក៏អាចចាក់វ៉ាក់សាំងកូវីដ ថែមទាំងផ្ដល់ការការពារដល់ទារកទៀត

The post ប៉ុន្មានសំណួរអំពីកូវីដ-១៩ ស្ត្រីមានផ្ទៃពោះចង់ដឹងបំផុត appeared first on Kampuchea Thmey Daily.

ស្ត្រីកំពុងពពោះ បើកើតកូវីដ១៩ អាចចម្លងទៅកូនដែរអត់?

Sonya — Tue, 23 Mar 2021 00:20:00 +0000

ម៉ាក់ៗច្បាស់ជាកំពុងតែបារម្ភខ្លាំងហើយ ដែលពពោះចំពេលកូវីដ១៩ បែបនេះ និងចង់ដឹងឲ្យច្បាស់ថា បើម៉ាក់ៗកើតកូវីដ អាចចម្លងទៅអាអូននៅក្នុងផ្ទៃដែរឬយ៉ាងណា?

យ៉ាងណាមិញ តាមការសិក្សាពីសាកលវិទ្យាល័យ California San Francisco បានរកឃើញថា ទារកភាគច្រើន ដែលមានម៉ាក់ៗកើតកូវីដ១៩ គឺមានសុខភាពល្អធម្មតា គិតត្រឹមពេលដែលអាអូនកើតបានចន្លោះអាយុ៦ ទៅ៨សប្ដាហ៍។ ខណៈពេលដែលការស្រាវជ្រាវនេះកំពុងតែបន្ត ការរកឃើញនេះ ក៏អាចធ្វើឲ្យគ្រួសារដែលកើតកូវីដ១៩ មានក្តីសង្ឃឹមផងដែរ។

១.សុខភាពអាអូនដែលម៉ាក់ៗកើតកូវីដ១៩

បើយោងតាមការសិក្សាលើទារកចំនួន២៦៣នាក់ ដែលមានម៉ាក់ៗចូលរួមនៅក្នុងការចុះឈ្មោះអំពីលទ្ធផលនៃមេរោគកូវីដលើស្ត្រីមានទម្ងន់ (PRIORITY) ដែលការសិក្សានេះ ផ្ដោតលើស្ត្រីដែលបានបញ្ជាក់ថាកើតជំងឺកូវីដ១៩ ឬកំពុងស្ថិតក្នុងការសង្ស័យ។

លទ្ធផលបានបង្ហាញថា អត្រាប្រេវ៉ាឡង់នៃបញ្ហាទារកកើតមិនគ្រប់ខែ និងជំងឺផ្លូវដង្ហើម គឺមិនមានភាពខុសគ្នារវាងទារកដែលកើតពីម៉ាក់ៗចំនួន១៧៩នាក់ ដែលវិជ្ជមានជំងឺកូវីដ១៩ អំឡុងពេលមានផ្ទៃពោះ និងម៉ាក់ៗចំនួន៨៤នាក់ផ្សេងទៀត ដែលអវិជ្ជមានជំងឺកូវីដឡើយ។

ជាមួយគ្នានេះដែរ មានទារកចំនួន២នាក់ (១,១%) ដែលមានម៉ាក់ៗ វិជ្ជមានកូវីដ១៩ ក៏កើតមានជំងឺកូវីដ១៩នេះដែរ។ ទារកម្នាក់ពុំមានបញ្ហាសុខភាពនោះទេ រីឯទារកម្នាក់ទៀតកើតមិនគ្រប់ខែ និងមានបញ្ហាសុខភាពធ្ងន់ធ្ងរ (ឧទាហរណ៍ ជំងឺខ្វះគ្រាប់ឈាមក្រហម)។ ប៉ុន្តែបញ្ហានេះ ត្រូវបានគេណែនាំថា គឺជារឿងធម្មតាសម្រាប់ទារកដែលកើតនៅអាយុ២៦សប្ដាហ៍ប៉ុណ្ណោះ ហើយទារកទាំង២នោះ ពុំត្រូវបានសម្រាកព្យាបាលសារជាថ្មីឡើយ នៅក្នុងអំឡុងពេលតាមដាននេះ។

ក្នុងចំណោមម៉ាក់ៗដែលវិជ្ជមានកូវីដ១៩ អ្នកដែលត្រូវបានធ្វើរោគវិនិច្ឆ័យឃើញនៅពីរសប្ដាហ៍ចុងក្រោយនៃការមានគភ៌ ទំនងជាកូនកើតមិនគ្រប់ខែ ហើយទារកក៏ត្រូវបញ្ជូនទៅផ្នែកថែទាំពិសេសផងដែរ។ ប៉ុន្តែទារកទាំងនោះមានសុខភាពល្អជាធម្មតា នៅពេលដែលពួកគេមានកើតបានអាយុ៦ ទៅ៨សប្តាហ៍។

២.ដែនកំណត់នៃការស្រាវជ្រាវ

ទោះបីជាការសិក្សានេះ ផ្ដល់ផលជាវិជ្ជមានសម្រាប់ទារក ក្នុងអំឡុងពេលជំងឺរាតត្បាតនេះយ៉ាងណាក្តី ប៉ុន្តែវាត្រូវការការស្រាវជ្រាវបន្ថែមទៀត ដោយសារតែទារកដែលធ្វើតេស្តរកកូវីដ១៩ មិនពេញលេញនៅពេលសិក្សា ដែលមានតែទិន្នន័យដែលអាចប្រើបានត្រឹមថ្ងៃទី២២ ខែមិថុនា ឆ្នាំ២០២០ប៉ុណ្ណោះ។

លោកវេជ្ជបណ្ឌិតBenaroch មានប្រសាសន៍ថា ភាគច្រើននៃការសម្រាលកូន ដែលយកមកវាយតម្លៃនៅក្នុងការសិក្សា គឺបានមកពីម៉ាក់ៗដែលឆ្លងកូវីដ១៩ នៅត្រីមាសទី៣ ដែលមានន័យថា យើងមិនអាចដឹងបានថា បើទារកកើតពីម៉ាក់ៗដែលឆ្លងកូវីដ១៩លឿនជាងនេះ មានសភាពយ៉ាងណានោះទេ។

ទោះជាយ៉ាងនេះក្តី ការស្រាវជ្រាវនេះ ក៏បានបង្ហាញពីតម្រុយបន្ថែមទៀត ដល់ក្រុមគ្រូពេទ្យ និងម៉ាក់ៗ ឲ្យជ្រួតជ្រាបពីជំងឺកូវីដ១៩កាន់តែច្បាស់ជាងមុន ពីផលប៉ះពាល់ទៅលើសុខភាពរបស់ទារកដែលទើបនឹងកើតផងដែរ។

៣.ថែរក្សាសុខភាពអំឡុងពេលជំងឺកូវីដ១៩

យោងតាមមជ្ឈមណ្ឌលគ្រប់គ្រងជំងឺ និងការការពារ (CDC) អាមេរិក ម៉ាក់ៗដែលកំពុងពពោះ មានហានិភ័យខ្ពស់ក្នុងការវិវត្តទៅរកសភាពធ្ងន់ធ្ងរ នៅពេលកើតមានជំងឺកូវីដ១៩ ជាងអ្នកដែលគ្មានទម្ងន់។ ដូចនេះ ក្រុមគ្រូពេទ្យទទូចឲ្យម៉ាក់ៗ ត្រូវប្រុងប្រយ័ត្នខ្ពស់ ដើម្បីចៀសវាងការឆ្លងជំងឺកូវីដ១៩នេះ។

ពិតណាស់ ការការពារប្រសើរជាងការព្យាបាល ហេតុនេះហើយ ម៉ាក់ៗត្រូវចាត់វិធានការឲ្យបានម៉ត់ចត់ ដើម្បីបញ្ចៀសនូវការឆ្លងជំងឺកូវីដ១៩ ដូចជារក្សាគម្លាត ពាក់ម៉ាស់ និងឧស្សាហ៍លាងសម្អាតដៃឲ្យបានញឹកញាប់ ដោយប្រើទឹកអាកុលលាងដៃ ដែលមានកម្រិតជាងអាកុលយ៉ាងតិច៦០% ឬលាងសម្អាតដៃដោយប្រើសាប៊ូឲ្យបាន២០វិនាទី។

ការថែរក្សាសុខភាពឲ្យបានល្អ នៅអំឡុងពេលពពោះ អាចជួយម៉ាក់ៗឲ្យមានអារម្មណ៍ស្រស់ស្រាយ និងចៀសឆ្ងាយពីជំងឺ។ លើសពីនេះ ចូរញ៉ាំវីតាមីននៅអំឡុងពេលមានគភ៌ សម្រាកឲ្យបានគ្រប់គ្រាន់ និងថែទាំរាងកាយឲ្យបានល្អ ជាពិសេស ត្រូវកាត់បន្ថយស្ត្រេសឲ្យនៅកម្រិតទាបតាមដែលអាចធ្វើបាន តាមរយៈការសមាធិ ឬស្អាប់ចម្រៀងជាដើម៕

អត្ថបទផ្ដល់សិទ្ធ៖ Hello គ្រូពេទ្យ

ចុចអាន៖ របៀបថែទាំអ្នកសង្ស័យមានផ្ទុកកូវីដ-១៩ ខណៈសម្រាកនៅផ្ទះ

ចុចអាន៖ តិចនិកខ្លះៗជួយដោះស្រាយបញ្ហាផ្លូវចិត្តអំឡុងពេលនៅតែផ្ទះក្នុងវិបត្តិកូវីដ

The post ស្ត្រីកំពុងពពោះ បើកើតកូវីដ១៩ អាចចម្លងទៅកូនដែរអត់? appeared first on Kampuchea Thmey Daily.

ស្ត្រីពរពោះ Archives - Kampuchea Thmey Daily

១. ​កាត់បន្ថយ​ការ​ក្រហាយ​ទ្រូង​ និង​ជាតិ​អាស៊ីដ​

២. ការពារ​ការ​ហើម

​

៣. ប្រឆាំង​នឹង​កង្វះ​ជាតិ​ទឹក​

៤. កាត់បន្ថយ​អាការៈ​ចាញ់​កូន​

៥. ជំរុញ​ប្រព័ន្ធ​ភាព​ស៊ាំ​​​​​

៦. កាត់បន្ថយ​អាការៈ​រមួល​សាច់​ដុំ​

ចង់បានកូនប្រុសស្រីដូចចិត្ត តាមក្បួនពេទ្យគេធ្វើម៉េចខ្លះ?

រវាង​បុរស និង​ស្ត្រី តើ​អ្នកណា​ជា​អ្នក​កំណត់​ភេទ​កូន?

ពេទ្យតែងហាមម្ដាយពពោះមិនឲ្យគិតច្រើន ព្រោះខ្លាចជួបបញ្ហាទាំងនេះ

ពពោះ គួរចៀសវាងអាហារ ភេសជ្ជៈទាំងនេះ ព្រោះ…

ម្ដាយឆ្លងកូវីដ-១៩ ពេលពពោះ កូនក្នុងផ្ទៃមានហានិភ័យអីខ្លះ?​

ទោះផឹកកាហ្វេត្រឹមកន្លះពែងក្នុងមួយថ្ងៃ ក៏ស្ត្រីមានផ្ទៃពោះបង្កហានិភ័យខ្លាំងដល់ទារកដែរ

ប៉ុន្មានសំណួរអំពីកូវីដ-១៩ ស្ត្រីមានផ្ទៃពោះចង់ដឹងបំផុត

សំណួរ១. តើជាការពិតទេ ស្ត្រីពពោះជាក្រុមមនុស្សប្រឈមខ្លាំងនឹងការឆ្លង COVID-19?

សំណួរ២. ខ្ញុំជាស្ត្រីមានផ្ទៃពោះ តើខ្ញុំត្រូវការពារខ្លួនពី COVID-19 យ៉ាងដូចម្តេច?

សំណួរ៣. តើវីរុស COVID-19 អាចឆ្លងពីម្តាយទៅកូនផ្ទៃ ឬកូនទើបកើតទេ?

សំណួរ៤.តើស្ត្រីដែលឆ្លង COVID-19 អាចបំបៅកូនដោយទឹកដោះបានទេ?

ស្ត្រីកំពុង​ពពោះ​ បើ​កើត​កូវីដ១៩​ អាច​ចម្លង​ទៅ​កូន​​ដែរ​អត់​?​

១.សុខភាព​អា​អូន​ដែល​​ម៉ាក់​ៗ​កើត​កូវីដ​១៩

២.ដែន​កំណត់​នៃ​ការ​ស្រាវជ្រាវ

៣.ថែរក្សាសុខភាព​​អំឡុង​ពេល​ជំងឺ​​កូវីដ​១៩

១. កាត់បន្ថយការក្រហាយទ្រូង និងជាតិអាស៊ីដ

២. ការពារការហើម

៣. ប្រឆាំងនឹងកង្វះជាតិទឹក

៤. កាត់បន្ថយអាការៈចាញ់កូន

៥. ជំរុញប្រព័ន្ធភាពស៊ាំ

៦. កាត់បន្ថយអាការៈរមួលសាច់ដុំ

រវាងបុរស និងស្ត្រី តើអ្នកណាជាអ្នកកំណត់ភេទកូន?

ម្ដាយឆ្លងកូវីដ-១៩ ពេលពពោះ កូនក្នុងផ្ទៃមានហានិភ័យអីខ្លះ?

ស្ត្រីកំពុងពពោះ បើកើតកូវីដ១៩ អាចចម្លងទៅកូនដែរអត់?

១.សុខភាពអាអូនដែលម៉ាក់ៗកើតកូវីដ១៩

២.ដែនកំណត់នៃការស្រាវជ្រាវ

៣.ថែរក្សាសុខភាពអំឡុងពេលជំងឺកូវីដ១៩