សុខភាព
បកស្រាយ! តើអ្នកជាសះស្បើយពីកូវីដ-១៩ អាចលាប់ឡើងវិញដែរទេ?
រហូតមកទល់ពេលនេះ នៅមិនទាន់មានអ្នកជំនាញណាអាចបញ្ជាក់ច្បាស់ថា អ្នកជាសះស្បើយពីវីរុសកូវីដ-១៩ អាចជាដាច់ជារៀងរហូត ឬលាប់ឡើងវិញឬយ៉ាងណាឡើយ។

ភាពស្រពិចស្រពិលនេះ បានលេចឡើងក្រោយអ្នកជំងឺកូវីដ-១៩មួយចំនួនដែលអនុញ្ញាតឱ្យចេញពីមន្ទីរពេទ្យ ត្រូវបានតេស្តវិជ្ជមានវីរុសម្ដងទៀត។ តែទោះយ៉ាងណា ករណីតេស្តវិជ្ជមានសារជាថ្មី ស្ថិតក្នុងកម្រិតតិចតួចប៉ុណ្ណោះ គ្រាន់តែអ្នកជំនាញនៅមិនទាន់អាចអះអាងបានថា តើវាជាការលាប់កូវីដ ឬជាអ្វី។
ទន្ទឹមដឹងភាពមិនច្បាស់លាស់ អ្នកធ្លាប់មានកូវីដ១៩ អាចមានអង់ទីគ័រការពារខ្លួនបានប៉ុន្មានខែឱ្យប្រាកដ គេសង្កេតឃើញអ្នកជំងឺកូវីដមួយចំនួន ដែលភាគច្រើនជាស្ត្រីអាយុខ្ទង់៤០ទៅ៥០ឆ្នាំ ហាក់ដូចជាមានអាការរោគនៅតែបន្ត បើទោះបីតេស្តអវិជ្ជមានទៅហើយក្ដី។

ទាក់ទិនករណីនេះ វិទ្យាស្ថានជាតិស្រាវជ្រាវសុខភាព (NIHR) អង់គ្លេសបានចេញផ្សាយរបាយការណ៍មួយថា អ្នកជំងឺកូវីដម្នាក់ក្នុងចំណោម ១០ នាក់ នឹងនៅតែមានអាការឈឺចាប់រាប់ខែ ក្រោយចេញពីមន្ទីរពេទ្យ។ ក្នុងនោះបញ្ហាទូទៅរបស់អ្នកជំងឺរួមមាន អស់កម្លាំង ពិបាកដកដង្ហើម និងអារម្មណ៍មិនមូល ហើយប្រសិនបើរោគសញ្ញាធ្ងន់ធ្ងរអ្នកជំងឺអាចប៉ះពាល់ខូចសរីរាង្គមួយចំនួន មានការថប់បារម្ភ និងរងជំងឺធ្លាក់ទឹកចិត្ត។ ទោះជាបែបនេះក្ដី តួលេខនៃអ្នកជំងឺដែលអាចបន្តរោគសញ្ញា ក្រោយសម្រាកព្យាបាល ស្ថិតក្នុងចំនួនតិចប៉ុណ្ណោះ។
ចំណែកភ័ស្តុតាងថ្មីដែលសិក្សាដោយអ្នកស្រាវជ្រាវអាមេរិកបានបង្ហាញថា អ្នកជំងឺសះស្បើយពីវីរុសកូវីដ-១៩ មានអង់ទីគ័រការពារការចម្លងមេរោគម្ដងទៀតយ៉ាងហោចពីរបីខែ ហើយក្នុងករណីខ្លះអាចបានយូរជាងនេះ៕
អត្ថបទ៖ សន្យា
ចុចអាន៖ អ្នកជំងឺធ្លាប់តេស្តវិជ្ជមានកូវីដ-១៩ មានអង់ទីគ័រការពារការឆ្លងជាថ្មីបានជាង១០ដង
ចុចអាន៖ ការសិក្សាថ្មីបង្ហាញថា អ្នកជំងឺកូវីដបន្តរោគសញ្ញាយ៉ាងហោច៣ខែ ក្រោយចេញពីមន្ទីរពេទ្យ

-
ព័ត៌មានអន្ដរជាតិ១ ថ្ងៃ ago
ផែថងថាន លើកយកជម្លោះព្រំដែនកម្ពុជា-ថៃនិងឧក្រិដ្ឋកម្មអនឡាញ ពិភាក្សាជាមួយ ម៉ាក្រុង
-
ព័ត៌មានអន្ដរជាតិ៤ ថ្ងៃ ago
ពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
-
សន្តិសុខសង្គម២ ថ្ងៃ ago
អាជ្ញាធរខេត្តព្រះវិហារ ដុតកម្ទេចចោលដូងក្រអូប១៥០០គីឡូក្រាម ដែលលួចនាំចេញពីថៃ ឆ្លងកាត់ប្រទេសឡាវចូលមកកម្ពុជាដោយខុសច្បាប់
-
ព័ត៌មានអន្ដរជាតិ៦ ថ្ងៃ ago
រុស្ស៊ី អះអាងថា ប្រទេសមួយចំនួន ត្រៀមបញ្ជូនក្បាលគ្រាប់នុយក្លេអ៊ែរ ឲ្យអ៊ីរ៉ង់ ដោយផ្ទាល់
-
ព័ត៌មានជាតិ៦ ថ្ងៃ ago
កម្ពុជា ទទួលរងឥទ្ធិពលពីព្យុះមួយទៀត គឺព្យុះទី២ ឈ្មោះ សេពផេត
-
ព័ត៌មានជាតិ៦ ថ្ងៃ ago
ជប៉ុន ប្រកាសពង្រឹងទំនាក់ទំនងកងទ័ពជាមួយកម្ពុជាឱ្យកាន់តែរឹងមាំ
-
នយោបាយ៦ ថ្ងៃ ago
ក្រោយបិទនាំចូលឥន្ធនៈនាយករដ្ឋមន្ត្រីថានៅអាចឆ្លើយតបថែមទៀតបើថៃចង់លេង
-
ព័ត៌មានអន្ដរជាតិ៧ ថ្ងៃ ago
PTT៖ ការផ្អាកនាំចូលប្រេងថៃរបស់កម្ពុជា មិនប៉ះពាល់ធ្ងន់ធ្ងរដល់ចំណូលក្រុមហ៊ុនទេ