ក្រុមមនុស្ស ៥ ប្រភេទដែលមានអាទិភាពទទួលវ៉ាក់សាំងកូវីដ១៩មុនគេ

ស្របពេលវ៉ាក់សាំងកូវីដ១៩ កំពុងត្រូវបានផ្សព្វផ្សាយនូវភាពជោគជ័យ និងប្រកាសឲ្យប្រើប្រាស់ជាបណ្ដើរៗ មិនមែនមនុស្សទាំងអស់អាចទទួលចាក់ថ្នាំនេះទេ។ ក្រុមមនុស្សមួយចំនួនត្រូវបានទទួលអទិភាព ឯមួយចំនួនត្រូវពិចារណាចាក់វានៅពេលក្រោយ។

ក្រុមមនុស្សក្រោម ១៨ ឆ្នាំនឹងមិនត្រូវបានផ្តល់ជូនវ៉ាក់សាំងនេះឡើយ លើកលែងតែពួកគេជាបុគ្គលងាយរងគ្រោះ ឬជាអ្នកធ្វើការនៅគ្លីនិក។ល។

ទន្ទឹមនឹងនេះ ចក្រភពអង់គ្លេសដែលជាប្រទេសដំបូងគេនៅលើពិភពលោក ដែលអនុម័តការចាក់វ៉ាក់សាំងបានធ្វើបញ្ជីអាទិភាពនៃអ្នកដែលនឹងទទួលថ្នាំបង្ការជំងឺកូរ៉ូណា ៥ ប្រភេទរួមមាន៖

១- អ្នករស់នៅក្នុងមណ្ឌលថែទាំមនុស្សចាស់ និងបុគ្គលិកថែទាំ

២- បុគ្គលិកថែទាំសុខភាព និងគ្រូពេទ្យជួរមុខ

៣- មនុស្សដែលមានអាយុពី ៧៥ ឆ្នាំឡើងទៅ

៤- មនុស្សវ័យ ៥០-៧៥ ឆ្នាំឡើង ដែលជាបុគ្គលងាយរងគ្រោះបំផុត​

៥- មនុស្សស្ថិតក្នុងវ័យពី ១៦-៦៤ ឆ្នាំ ដែលមានសុខភាពងាយឆ្លងរោគ ឬសុខភាពទ្រុឌទ្រោម ឬប្រឈមនឹងហានិភ័យមរណភាពខ្ពស់៕

ប្រែសម្រួល៖ សន្យា

ប្រភព​៖ dailystar

ចុចអាន៖ ស្របពេលអង់គ្លេសអនុម័តលើវ៉ាក់សាំងកូវីដ១៩ដំបូងគេ ស្ត្រីមានផ្ទៃពោះមិនអនុញ្ញាតឲ្យប្រើថ្នាំនេះឡើយ

ចុចអាន៖ ឃើញហើយរំភើបណាស់! វ៉ាក់សាំងទាំងឡានៗត្រូវបានដឹកចេញពីរោងចក្រយកទៅកម្ចាត់ជំងឺកូវីដ១៩