ឃើញហើយរំភើបណាស់! វ៉ាក់សាំងទាំងឡានៗត្រូវបានដឹកចេញពីរោងចក្រយកទៅកម្ចាត់ជំងឺកូវីដ១៩

រថយន្ដធុនធំផ្ទុកវ៉ាក់សាំងប្រឆាំងជំងឺកូវីដ១៩បានចាកចេញរោងចក្រ Pfizer ហើយនៅថ្ងៃនេះបន្ទាប់ពីខ្លួនទទួលបានភ្លើងខៀវសម្រាប់ការប្រើប្រាស់។

ការចាក់ថ្នាំបង្ការចំពោះជនងាយរងគ្រោះនឹងចាប់ផ្តើមនៅសប្តាហ៍ក្រោយស្របពេលចក្រភពអង់គ្លេសបានក្លាយជាប្រទេសដំបូងបង្អស់ដែលបានអនុម័តការចាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រថយន្តទាំងនេះបានចាកចេញពីប្រទេសប៊ែលហ្សិកជាមួយវ៉ាក់សាំងចំនួន៨០០,០០០ដូសខណៈលោក Boris Johnson បានសាទរចំពោះសកម្មភាពដ៏រំភើបនេះ។

ប្រទេសមួយដែលត្រូវបំផ្លាញដោយជំងឺកូវីដ១៩បានចាប់ផ្តើមមានក្តីសង្ឃឹមថានឹងវិលត្រឡប់មករកភាពប្រក្រតីវិញនៅពេលបុគ្គលិក NHS ត្រៀមខ្លួនចាក់វ៉ាក់សាំងដោយចាប់ផ្តើមពីសប្តាហ៍ក្រោយទៅ។

បន្ទាប់ពីនិយ័តករបានផ្តល់ភ្លើងខៀវដល់វ៉ាក់សាំងរបស់ក្រុមហ៊ុន Pfizer/BioNTech, រថយន្តក្លាស្សេ HGV ដឹកវ៉ាក់សាំងចំនួន៨០០,០០០ដូសត្រូវបានគេមើលឃើញថាកំពុងធ្វើដំណើរឆ្ពោះទៅកាន់ប្រទេសអង់គ្លេស។

ហើយមន្ទីរពេទ្យទីក្រុងឡុងដ៍ដ៏ធំមួយត្រូវបានគេរំពឹងថានឹងផ្តល់វ៉ាក់សាំងលើកដំបូងនៅព្រឹកម៉ោង៧ថ្ងៃចន្ទសប្តាហ៍ក្រោយ។

វ៉ាក់សាំងនឹងត្រូវចាក់ឲ្យបុគ្គលិកថែទាំនិងមនុស្សដែលមានអាយុលើស៨០ឆ្នាំជាមួយនឹងការណាត់ជួបដែលរៀបចំរួចទៅហើយ។

លោកវេជ្ជបណ្ឌិត Chaand Nagpaul ប្រធានក្រុមប្រឹក្សាសមាគមវេជ្ជសាស្រ្តអង់គ្លេសបានសាទរចំពោះការទម្លាយភាពទាល់ច្រកនេះដែលជាសមិទ្ធិផលមិនគួរឲ្យជឿនៃវិទ្យាសាស្ត្រទំនើប។

ទីតាំងចាក់ថ្នាំបង្ការត្រូវបានបង្កើតឡើងនៅមន្ទីរពេទ្យចំនួន៥០។ វ៉ាក់សាំងចាំបាច់ត្រូវរក្សាទុកនៅសីតុណ្ហភាពដក៧០អង្សាសេហើយអាចយកចេញបានតែ៥ថ្ងៃប៉ុណ្ណោះ៕

ប្រែសម្រួលដោយ៖ Vann Vann

ប្រភព៖​ Mirror

ចុចអាន៖ ទើបតែអនុម័តឲ្យប្រើប្រាស់មិនទាន់បានប៉ុន្មានផង EU និងអង់គ្លេសឈ្លោះគ្នារឿងវ៉ាក់សាំងនេះបាត់ទៅហើយ

ចុចអាន៖ ក្រុមហ៊ុន Moderna ដាក់ពាក្យសុំអនុញ្ញាតឲ្យប្រើប្រាស់វ៉ាក់សាំងរបស់ខ្លួនជាបន្ទាន់ក្រោយការធ្វើតេស្តបង្ហាញប្រសិទ្ធភាពលើស៩៤ភាគរយ