ស្របពេលអង់គ្លេសអនុម័តលើវ៉ាក់សាំងកូវីដ១៩ដំបូងគេ ស្ត្រីមានផ្ទៃពោះមិនអនុញ្ញាតឲ្យប្រើថ្នាំនេះឡើយ

ចក្រភពអង់គ្លេសបានក្លាយជាប្រទេសដំបូងគេនៅលើពិភពលោកដែលអនុម័តលើវ៉ាក់សាំងការពារមេរោគកូវីដ១៩ ​ប៉ុន្តែអ្នកជំនាញបានណែនាំថា ស្ត្រីមានផ្ទៃពោះមិនត្រូវអនុញ្ញាតឲ្យទទួលវ៉ាក់សាំងនេះឡើយ។

ការណែនាំចុងក្រោយគេ បានឱ្យដឹងថា ស្ត្រីមានផ្ទៃពោះនឹងមិនត្រូវបានចាក់វ៉ាក់សាំងការពារវីរុសកូវីដ១៩ទេ លុះត្រាតែពួកនាងបានសម្រាលកូនរួចជាមុនសិន។

ដំណឹងនេះប្រកាសឡើង ក្រោយពេលចក្រភពអង់គ្លេសបានក្លាយជាប្រទេសដំបូងបំផុតនៅលើពិភពលោកដែលអនុម័តវ៉ាក់សាំងសម្រាប់ប្រើប្រាស់លើអ្នកជំងឺនៅថ្ងៃនេះ។

ប៉ុន្តែដំណឹងល្អនោះមិនត្រូវបានអនុវត្តចំពោះម្តាយកំពុងពរពោះឬទើបសម្រាលថ្មីៗទេ ខណៈដែលអ្នកជំនាញបាននិយាយថា ហានិភ័យដែលអាចកើតមានលើស្ត្រីមានគភ៌គឺមិនទាន់ដឹងនៅឡើយ។

ទោះជាយ៉ាងណា គណៈកម្មាធិការចម្រុះស្តីពីការចាក់ថ្នាំបង្ការ (JCVI) បានឲ្យដំបូន្មានបន្ថែមថា វ៉ាក់សាំងដែលចក្រភពអង់គ្លេសអនុម័ត អាចប្រើបានចំពោះស្ត្រីដែលមានគម្រោងយកបុត្រនៅមុន ៣ ខែនៃការពរពោះ៕

ប្រែសម្រួល៖ សន្យា

ប្រភព៖ dailystar

ចុចអាន៖ លោក Putin បញ្ជាឲ្យចាប់ផ្តើមយុទ្ធនាការចាក់វ៉ាក់សាំងកូវីដ ១៩ ទ្រង់ទ្រាយធំដល់ពលរដ្ឋ

ចុចអាន៖​ ទើបតែអនុម័តឲ្យប្រើប្រាស់មិនទាន់បានប៉ុន្មានផង EU និងអង់គ្លេសឈ្លោះគ្នារឿងវ៉ាក់សាំងនេះបាត់ទៅហើយ