ព័ត៌មានជាតិ

កីឡាករជើងចាស់ រិទ្ធ អារុណ ពង្រឹងចំណុចធំៗត្រៀមវាយជាគូឯកសប្ដាហ៍នេះ

បានផុស

១ year មុន

នៅ

ថ្ងៃសុក្រ ៤ មេសា ២០២៥

ដោយ

កីឡាករជើងចាស់ រិទ្ធ អារុណ កំពុងសម្រុកហ្វឹកហាត់ខ្លាំងដើម្បីត្រៀមប្រកួតគូឯកនៅសប្ដាហ៍នេះលើសង្វៀន PNN ដោយផ្ដោតលើចំណុចធំៗគឺកម្លាំងស៊ុហ្វ ខណៈលើកនេះវាយរហូត៥ទឹកទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ រិទ្ធ អារុណ

អ្នកលេងគុនខ្មែរទើបវិលមកពីជប៉ុន រិទ្ធ អារុណ បានឲ្យដឹងថា នេះជាប្រកួតទី៣ របស់លោកហើយបន្ទាប់ពីមករស់នៅកម្ពុជា។ សប្ដាហ៍នេះលោកនឹងត្រូវវាយក្នុងតំណែងគូឯកប្រចាំសប្ដាហ៍លើសង្វៀន PNN។

កីឡាករ រិទ្ធ អារុណ

កីឡាករចាស់វស្សារូបនេះបន្ថែមទៀតថា ចំណុចសំខាន់ក្នុងការពង្រឹងសមត្ថភាពត្រៀមការប្រកួតនេះគឺកម្លាំងស៊ុហ្វតែម្ដង ដោយសារតែវ័យជ្រេបន្តិចហើយកម្លាំងមិនដូចក្មេងៗឡើយ។ ប្រសិនបើមិនផ្ដោតខ្លាំងលើកម្លាំងទេអាចនឹងពិបាក ព្រោះវ័យជ្រេកម្លាំងមិនដូចក្មេងៗដែលឲ្យទឹកឡើងៗនោះទេ។ ចំពោះក្បាច់ស្នៀតក៏ហាត់ត្រៀមផងដែរ ព្រោះពីមួយប្រកួតទៅមួយប្រកួតកីឡាករផ្សេងៗគ្នា ទម្រង់វាយ និងបច្ចេកទេសផ្លាស់ប្ដូរតាមហ្នឹង។

រិទ្ធ អារុណ ពេលនៅជប៉ុន

បញ្ជាក់ដែរថា រិទ្ធ អារុណ ជាកីឡាករចាស់វស្សាមួយរូប និងជាគ្រូបង្ហាត់គុនខ្មែរនៅឯប្រទេសជប៉ុនទើបតែវិលត្រលប់មករួមរស់នៅកម្ពុជាវិញ។ រូបគេជាប្រកួតឡើងវិញបាន២ប្រកួតនៅតាមបណ្ដាសង្វៀនផ្សេងៗនៅកម្ពុជា។ ២ប្រកួតកន្លងទៅនោះឈ្នះ១ ស្មើ១។ សប្ដាហ៍នេះរូបគេនឹងប្រកួតជាមួយកីឡាករថៃ សេកសាន់ សុីតប៊ុនមី ក្នុងតំណែងគូឯកនៅសង្វៀន PNN ថ្ងៃទី៦ ខែមេសា ឆ្នាំ២០២៥ ចាប់ពីម៉ោង១ ថ្ងៃត្រង់តទៅ៕

អត្ថបទដោយ៖ នួន ស៊ីណា

Related Topics:កីឡាប្រដាល់គុនខ្មែរ