ជីវិតកម្សាន្ដ

រហស្សនាមស្រីស្អាតនៅចិន Jingyi តែងតួព្រះនាងឆាងអឺ ក្នុងថ្ងៃសែនព្រះខែ

បានផុស

២ years មុន

នៅ

ថ្ងៃអង្គារ ១៧ កញ្ញា ២០២៤

ដោយ

តារាចម្រៀងនិងជាតារាសម្ដែងចិន Ju Jingyi ដែលត្រូវបានប្រព័ន្ធផ្សព្វផ្សាយសរសើរថាជា តារាស្រីដ៏ស្រស់ស្អាតបំផុតក្នុងរយៈពេល ៤ សហស្សវត្សរ៍ នាពេលថ្មីៗនេះនាងបានតុបតែងខ្លួនជាព្រះនាងឆាងអឺ ដែលជាទេពធីតារស់នៅក្នុងព្រះច័ន្ទក្នុងវប្បធម៌ចិន ដើម្បីអបអរពិធីបុណ្យពាក់កណ្ដាលសរទរដូវឬសែនព្រះខែ។

រូបថតជាច្រើនសន្លឹករបស់តារាស្រីវ័យ៣០ឆ្នាំរូបនេះ បានបង្ហាញពីឈុតព្រះនាងឆាងអឺដើម្បីត្រៀមសម្តែងនៅក្នុងពិធីបុណ្យពាក់កណ្តាលរដូវស្លឹកឈើជ្រុះឆ្នាំ ២០២៤ របស់កម្មវិធី Bilibili ដែលបានចាក់ផ្សាយកាលពីថ្ងៃចន្ទ ហើយត្រូវបានចែករំលែកដោយក្រុមហ៊ុនគ្រប់គ្រងរបស់នាងផ្ទាល់តែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាក៏ដោយ ពាក្យគន្លឹះ Ju Jingyi ពាក់សក់ផ្កា បានក្លាយជាប្រធានបទដ៏ពេញនិយមបំផុតនៅលើវេទិកាប្រព័ន្ធផ្សព្វផ្សាយសង្គម Weibo ។ ជាមួយគ្នានេះដែរ ទស្សនិកជនជាច្រើនបានសរសើររូបរាងរបស់តារាស្រីនិយមដើរតួរឿងភាគបុរាណចិនថា នាងពិតជាអស្ចារ្យ និងរ៉ូមែនទិក ដោយសារតែការតុបតែងមុខពណ៌ផ្លែ peach និង eyeshadow ភ្លឺចាំងរបស់នាង។

តាមអ្នករៀបចំកម្មវិធីនេះ ក៏បានបញ្ចាក់ដែរថា មិនត្រឹមតែការតុបតែងខ្លួនរបស់ Ju Jingyi មួយមុខនោះទេ ព្រមជាមួយគ្នានោះដែរ ក៏មានការសម្ដែងរបាំ និងច្រៀងដែលបង្កប់នូវស្មារតីនៃការជួបជុំគ្នាម្ដងទៀត។

បន្ថែមពីនេះទៀត សម្រាប់ព្រឹត្តិការណ៍ក្នុងពិធីបុណ្យសែនព្រះខែដែលដែលគេប្រារព្ធឡើងជាប្រពៃណីនៅថ្ងៃ ១៥ កើត ខែប្រាំបី ត្រូវនឹងថ្ងៃទី ១៧ ខែកញ្ញា ឆ្នាំនេះនាងក៏បានស្លៀកឈុតសំយេះស្មាដ៏តូចស្ដើងគួរឲ្យគយគន់ ខណៈដែលមហាជនបានទស្សនានូវរូបភាពរបស់នាងជាច្រើនហើយលួចសរសើរសម្រស់តារាចិនថា នាងពិតជាសក្តិសមនឹងរហស្សនាមស្រីស្អាតពិតមែន៕