វប្បធម៌ ជំនឿ
គុណសម្បត្តិល្បែងប្រជាប្រិយខ្មែរ ដែលយើងមិនធ្លាប់ដឹង
ប្រជាជនកម្ពុជានិយមលេង ល្បែងប្រជាប្រិយខ្មែរ នៅពេលទំនេរ ពេលមានពិធីបុណ្យទានម្តងៗ ជាពិសេសនៅក្នុងពិធីបុណ្យចូលឆ្នាំខ្មែរ ដែលល្បែងប្រជាប្រិយទាំងនោះមានគុណសម្បត្តិជាច្រើន ទាំងការកម្សាន្តសប្បាយ ចម្រើនការលូតលាស់រាងកាយ សតិបញ្ញា សាមគ្គីភាព និងវប្បធម៌ជាតិ។
លោក ហ៊ួន សាវង ជាអនុប្រធាននាយកដ្ឋានអភិវឌ្ឍន៍វប្បធម៌ នៃក្រសួងវប្បធម៌ និងវិចិត្រសិល្បៈ មានប្រសាសន៍ប្រាប់ “កម្ពុជាថ្មី” ថា ល្បែងប្រជាប្រិយខ្មែរដ៏ច្រើនរាប់មិនអស់ ពិតជាមានគុណសម្បត្តិ។ ការលេងល្បែងនីមួយៗ យើងត្រូវការមានគ្នាច្រើន នោះហើយជាគុណសម្បត្តិទី១ ដែលនាំឱ្យយើងមានទំនាក់ទំនងល្អ មានមិត្តភាព មានអនុស្សាវរីយ៍។
លោក ហ៊ួន សាវង មានប្រសាសន៍បន្តថា៖ “ទី២ ល្បែងខ្លះនាំឱ្យយើងអ្នកលេងត្រូវឈ្លាសវៃ រហ័សរហួន ពូកែគិត ឧទាហរណ៍ ល្បែងចត្រង្គ ល្បែងគ្របមាន់ លាក់កន្សែង…។ ទី៣ ល្បែងខ្លះប្រៀបបាននឹងកីឡាប្រពៃណីដូចជា ទាត់សី វាយកូនគោល ចំបាប់…”។
លោក ហ៊ួន សាវង បានឱ្យដឹងបន្តពីគុណសម្បត្តិនៃល្បែងប្រជាប្រិយខ្មែរជាបន្តថា ចំណុចទី៤ ល្បែងខ្លះ នៅស្រុកមួយចំនួនលេងក្នុងកិច្ចពិធីជាទំនៀម ឧទាហរណ៍ ល្បែងទាញព្រ័ត្រ ដែលចុះក្នុងបញ្ជីអង្គការយូណេស្កូ។
អនុប្រធាននាយកដ្ឋានអភិវឌ្ឍន៍វប្បធម៌ នៃក្រសួងវប្បធម៌ និងវិចិត្រសិល្បៈ រូបនេះមានប្រសាសន៍បញ្ជាក់ថា៖ “ដូចអ្នកស្រុកនៅសៀមរាប និងនៅកំពង់កុង ស្រុកកោះធំ ខេត្តកណ្តាល ជាដើមហ្នឹង ពួកគាត់លេងមុខខ្ទមអ្នកតា ក្រោយចូលឆ្នាំ…”។
គួរបញ្ជាក់ថា ល្បែងប្រជាប្រិយ គឺជាសិល្បៈវប្បធម៌ អរិយធម៌ដ៏ចំណាស់របស់ខ្មែរនៅក្នុងតំបន់អាស៊ីអាគ្នេយ៍ ហើយបានរីកត្រចះត្រចង់ និងជាសក្ខីភាពដ៏អស្ចារ្យ ដើម្បីបង្ហាញពិភពលោកឱ្យដឹងឮ និងស្ញប់ស្ញែងពីអរិយធម៌ខ្មែរ។ ក្នុងឆ្នាំ១៩៦៤ ក្រុមជំនុំទំនៀមទម្លាប់ខ្មែរបានប្រមូលចងក្រងល្បែងដែលខ្មែរធ្លាប់លេងបានមួយចំនួនតូច មានដូចជា ស្តេចចង់ ចោលឈូង ចាប់កូនខ្លែង លោតអន្ទាក់ លាក់កន្សែង បោះអង្គញ់ គោះត្រឡោក ទាញព្រ័ត្រ ទាត់សី រាវបង្កង លាក់ធ្យូង បាយខុំ ចត្រង្គ (អុក) ឱបត្រឡាច គ្របមាន់ បិទពួន វាយកូនគោល។ល។
អត្ថបទ៖ ច័ន្ទ វីរៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង