ជនជាតិថៃមួយក្រុម ជក់គ្រឿងញៀននិងធ្វើសកម្មភាពផ្លូវភេទយ៉ាងអនាធិបតេយ្យ នៅ បាងកក

ជនជាតិថៃមួយក្រុមមានគ្នាដល់ទៅ២៨នាក់និងហ្វីលីពីនម្នាក់ផងដែរ បាននាំគ្នាជក់គ្រឿងញៀននិងធ្វើសកម្មភាពផ្លូវភេទយ៉ាងអនាធិបតេយ្យក្នុងសណ្ឋាគារមួយ នៅទីក្រុងបាងកក ប៉ុន្តែត្រូវប៉ូលិសចុះបង្ក្រាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយរបស់ Bangkok Post, ការបង្ក្រាបនេះកើតឡើងនៅម៉ោង១២:៣០នាទីរំលងអធ្រាត្រថ្ងៃអាទិត្យឈានចូលថ្ងៃចន្ទទី៣ខែវិច្ឆិកាឆ្នាំ២០២៥ ក្នុងខ័ណ្ឌ Watthana ដោយប៉ូលិសមកពីអង្គភាពប្រឆាំងគ្រឿងញៀន។

ក្នុងប្រតិបត្តិការវាយឆ្មក់នោះ ប៉ូលិសបានរឹបអូសនូវគ្រឿងញៀនមួយចំនួន សឺរាំងចាក់ សម្ភារៈសម្រាប់ជក់គ្រឿងញៀន ស្រោមអនាម័យ និងប្រេងរំអិល។

ទន្ទឹមនោះ មនុស្សចំនួន៣នាក់ ត្រូវបានចោទប្រកាន់ពីបទកាន់កាប់គ្រឿងញៀន ខណៈការធ្វើតេស្តទឹកនោមបានបញ្ជាក់ពីការប្រើប្រាស់គ្រឿងញៀនលើមនុស្សបួននាក់។ ការស៊ើបអង្កេតកំពុងបន្ត ហើយអ្នកផ្សេងទៀតត្រូវបានសាកសួរសម្រាប់ការស៊ើបបន្ថែម។

សកម្មភាពទាំងនេះបង្ហាញពីភាពសណ្តាប់ធ្នាប់និងអនាធិបតេយ្យក្នុងទីក្រុងបាងកក បូករួមទាំងការប្រើប្រាស់គ្រឿងញៀន ដោយបើកចំហផងដែរ។

ក្រៅពីនេះ បាងកក ក៏ឈរនៅលំដាប់លេខ១លើពិភពលោកផងដែរ ជាទីក្រុងកើតមានករណីលូកហោប៉ៅញឹកញាប់និងពោរពេញដោយការឆបោកតាមអនឡាញ ​(Scam) ក្នុងរបាយការណ៍របស់គេហទំព័រដ៏ល្បីរបស់អង់គ្លេស Compare the Market។

ក្នុងការឲ្យពិន្ទុ ទេសចរជាង ១ ០០០នាក់បានបញ្ជាក់ច្បាស់ថា រាជវាំងថៃ ជាកន្លែងកើតមានឧក្រិដ្ឋកម្មទេសចរណ៍ខ្លាំងបំផុតលើពិភពលោក ខណៈ២ទីតាំងទៀត ដែលកើតមានករណី Scam និងលូកហោប៉ៅគួរឲ្យខ្លាចគឺវត្តភូ និងផ្សារចតុចក្រ៕

អត្ថបទ៖ សុខ សុវណ្ណ

ចុចអាន៖ បាងកក ជាប់លេខ១លើលោក ជាទីក្រុងពោរពេញដោយ Scam និងកើតមានការលូកហោប៉ៅញឹកញាប់បំផុត