ព័ត៌មានអន្ដរជាតិ
គីម ជុងអ៊ុន ថា កូរ៉េខាងជើង ត្រូវការចាំបាច់ទាំងកិច្ចសន្ទនា និងការប្រឈមមុខដាក់គ្នាជាមួយ អាមេរិក
ប្រព័ន្ធផ្សព្វផ្សាយរដ្ឋ KCNA បានរាយការណ៍នៅថ្ងៃសុក្រនេះថា មេដឹកនាំកូរ៉េខាងជើងលោក គីម ជុងអ៊ុន បាននិយាយថា ប្រទេសរបស់លោកចាំបាច់ត្រូវត្រៀម “ទាំងកិច្ចពិភាក្សា និងការប្រឈមមុខដាក់គ្នា” ជាមួយសហរដ្ឋអាមេរិក ក្រោមការដឹកនាំរបស់លោកប្រធានាធិបតី ចូ បៃដិន ។
KCNA បាននិយាយថា នៅក្នុងកិច្ចប្រជុំពេញអង្គនៃគណៈកម្មាធិការកណ្តាល របស់គណបក្សពលករកូរ៉េដែលកំពុងកាន់អំណាចកាលពីថ្ងៃព្រហស្បតិ៍ លោក គីម បានគូសបញ្ជាក់ពីយុទ្ធសាស្ត្ររបស់លោក សម្រាប់ទំនាក់ទំនងជាមួយទីក្រុងវ៉ាស៊ីនតោន និងនិន្នាការនយោបាយនៃរដ្ឋបាលដែលទើបនឹងលេចចេញថ្មី របស់សហរដ្ឋអាមេរិក ។
សេចក្តីថ្លែងការណ៍នោះបាននិយាយថា លោកបានសង្កត់ធ្ងន់លើភាពចាំបាច់ ដើម្បីត្រៀមសម្រាប់ទាំងការសន្ទនាគ្នា និងការប្រឈមមុខដាក់គ្នា ជាពិសេសដើម្បីត្រៀមលក្ខណៈពេញលេញសម្រាប់ការប្រឈមមុខ ដើម្បីការពារសេចក្តីថ្លៃថ្នូររបស់រដ្ឋរបស់យើង ។
ទីភ្នាក់ងារនោះបាននិយាយថា លោក គីម ក៏បានអំពាវនាវឲ្យមានប្រតិកម្មយ៉ាងឆាប់រហ័ស និងបន្ទាន់ចំពោះការផ្លាស់ប្តូរស្ថានភាពណាមួយ និងផ្តោតការខិតខំប្រឹងប្រែងដើម្បីគ្រប់គ្រងស្ថេរភាព នៃស្ថានភាពនៅឧបទ្វីបកូរ៉េ ។
រដ្ឋបាល បៃដិន ថ្មីៗនេះបានបញ្ចប់ការពិនិត្យឡើងវិញ នូវគោលនយោបាយស្តីពីកូរ៉េខាងជើង ហើយបាននិយាយថា ខ្លួននឹងបន្តវិធីសាស្រ្តដែលបានក្រិតតាមខ្នាត និងជាក់ស្តែង ឆ្ពោះទៅរកគោលដៅនៃការរំសាយអាវុធនុយក្លេអ៊ែរទាំងស្រុង នៃឧបទ្វីបនេះ ។
ទន្ទឹមនោះ ក្នុងដំណើរទស្សនកិច្ចនៅទីក្រុងវ៉ាស៊ីនតោនកាលពីខែមុន ដោយប្រធានាធិបតីកូរ៉េខាងត្បូង Moon Jae-in លោក បៃដិន បាននិយាយថា លោកនឹងមិនជួបលោក គីម នោះទេ លុះត្រាតែមានផែនការច្បាស់លាស់សម្រាប់ការចរចា ស្តីពីឃ្លាំងអាវុធនុយក្លេអ៊ែររបស់ក្រុងព្យុងយ៉ាង ៕
ប្រែសម្រួលដោយ ៖ ជីវ័ន្ត
ប្រភព ៖ CGTN
ចុចអាន ៖ មិនធ្លាប់មានតាំងពីឆ្នាំ២០០៥! កូរ៉េខាងជើង ផ្តល់ជំនួយហិរញ្ញវត្ថុ ៣០ម៉ឺនដុល្លារដល់ មីយ៉ាន់ម៉ា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង