ព័ត៌មានអន្ដរជាតិ
លេចធ្លោយការបំពានជាសកលដោយមេរោគលួចទិន្នន័យតាម iPhones និង Android
យោងតាមការស៊ើបអង្កេយជុំវិញការលេចធ្លោយទិន្នន័យទ្រង់ទ្រាយធំមួយបង្ហាញថា សកម្មជនសិទ្ធិមនុស្ស អ្នកកាសែត និងមេធាវីទូទាំងពិភពលោកបានក្លាយជាគោលដៅរបស់រដ្ឋាភិបាលផ្តាច់ការតាមរយៈការប្រើប្រាស់បច្ចេកវិទ្យាទន់ដើម្បីលួចទិន្នន័យដែលបច្ចេកទេសនោះត្រូវបានលក់ដោយក្រុមហ៊ុនស៊ើបការណ៍អ៉ីស្រាអែល NSO Group។
ការស៊ើបអង្កេតដែលត្រូវបានធ្វើដោយស្ថាប័នប្រព័ន្ធផ្សព្វផ្សាយទូទាំងពិភពលោកចំនួន១៧បានលើកឡើងថា ការបំលោភបំពានបានរាលដាល និងកំពុងតែបន្តនៃមេរោគលួចហែកឈ្មោះ Pegasus របស់ NSO ដែលក្រុមហ៊ុនអះអាងថា ជាមេរោគបំរ៉ុងទុកសម្រាប់ប្រើប្រាស់ប្រឆាំងនឹងឧក្រិដ្ឋកម្ម និងភេរវកម្មប៉ុណ្ណោះ។
Pegasus ជាមេរោគមួយប្រភេទដែលឆ្លងចូលទូរសព្ទ iPhones និងឧបករណ៍ Android ដែលអាចផ្តល់ឲ្យប្រតិបត្តិករចូលទាញយកសារ រូបថត អ៉ីមែល សារសំឡេង និងមីក្រូហ្វូនដែលដំណើរការជាសម្ងាត់។
ការលេចធ្លោយនេះមានបញ្ជីលេខទូរសព្ទជាង៥ម៉ឺនដែលត្រូវបានគេជឿថា មនុស្សទាំងនោះជាអ្នកមានផលប្រយោជន៍ដល់អតិថិជនរបស់ក្រុមហ៊ុន NSO តាំងពីឆ្នាំ២០១៦។
យោងតាមរបាយការណ៍សមាគមនបង្ហាញថា សារព័ត៌មាន Forbidden Stories ដែលស្ថាប័នផ្សព្វផ្សាយមិនរកប្រាក់ចំណេញនៅទីក្រុងបារីស និងអង្គការលើកលែងទោសអន្តរជាតិជាបឋមអាចចូលមើលបញ្ជីលេចធ្លោយនោះ និងបានចែកចាយការចូលទៅដៃគូសារព័ត៌មានផ្សេងៗទៀតដែលជាផ្នែកនៃគម្រោងរបស់មេរោគ Pegasus។
លេខទូរសព្ទដែលមាននៅក្នុងបញ្ជីទិន្នន័យទាំងនោះមិនអាចបង្ហាញថាតើឧបករណ៍អាចឆ្លងមេរោគ Pegasus ឬជាគោលដៅនៃការវាយប្រហារនោះទេ។ ប៉ុន្តែ ក្រុមសមាគមជឿថា ទិន្នន័យបង្ហាញទាំងនោះជាគោលដៅដ៏មានសក្តានុពលរបស់រដ្ឋាភិបាលដែលជាអតិថិជនរបស់ NSO ដែលលាតត្រដាងពីការប៉ុនប៉ងស៊ើបការណ៍ជាមុនដែលអាចទៅរួច។
ការធ្វើកោសល្យវិច្ច័យលើលេខទូរសព្ទមួយចំនួនដែលមាននៅក្នុងបញ្ជីលេចធ្លាយនោះក៏បង្ហាញថា ជាងពាក់កណ្តាលមានដានមេរោគ Pegasus។
សារព័ត៌មាន The Guardian និងដៃគូប្រព័ន្ធផ្សព្វផ្សាយផ្សេងៗទៀតនឹងបង្ហាញអត្តសញ្ញាណនៃមនុស្សទាំងនោះដែលលេខទូរសព្ទរបស់ពួកគេមាននៅក្នុងបញ្ជីលេចធ្លាយនាពេលខាងមុខ។ មនុស្សទាំងនោះមានដូចជាអ្នកជំនួញ ឥស្សរជនសាសនា បុគ្គលនៅគ្រឹះស្ថានឧត្តមសិក្សា បុគ្គលិកក្រៅរដ្ឋាភិបាល មន្ត្រីសហជីព និងមន្ត្រីរដ្ឋាភិបាល រាប់ទាំងរដ្ឋមន្ត្រីនៃគណៈរដ្ឋមន្ត្រី ប្រធានាធិបតី និងនាយករដ្ឋមន្ត្រី៕
ប្រែសម្រួល៖ វីរបុត្រ
ប្រភព៖ The Guardian
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង