ព័ត៌មានអន្ដរជាតិ

អ៊ីស្រាអែលវាយប្រហារលើភាគខាងត្បូងលីប៉ង់ដ៏ខ្លាំងបំផុត ក្រោយបទឈប់បាញខែវិច្ឆិកា

បានផុស

១ year មុន

នៅ

ថ្ងៃសៅរ៍ ២៨ មិថុនា ២០២៥

ដោយ

ស្ត្រីម្នាក់បានស្លាប់ និង ១១នាក់ផ្សេងទៀតបានរងរបួសកាលពីថ្ងៃសុក្រ បន្ទាប់ពីការវាយប្រហារតាមអាកាសរបស់អ៊ីស្រាអែលលើភាគខាងត្បូងប្រទេសលីបង់ ដែលជាការកើនឡើងកដៅលាបំផុតមួយចាប់តាំងពីបទឈប់បាញ់កាលពីខែវិច្ឆិកា។ នេះបើយោងតាមការចេញផ្សាយរបស់ទីភ្នាក់ងារព័ត៌មានAP នៅថ្ងៃទី២៨ខែមិថុនានេះ។

គ្រឿងចក្រឈូសឆាយសម្អាតកម្ទេចកម្ទីនៅក្បែរអគារដែលត្រូវបានបំផ្លាញក្នុងការវាយប្រហារតាមអាកាសរបស់អ៊ីស្រាអែលក្នុងក្រុង Nabatieh ភាគខាងត្បូងប្រទេសលីបង់។(រូបភាព៖ AP)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការវាយប្រហារនេះបានកំណត់គោលដៅលើតំបន់ភ្នំក្នុងក្រុង Nabatieh ដែលត្រូវបានគេរាយការណ៍ថាជាហេដ្ឋារចនាសម្ព័ន្ធក្រោមដីរបស់ ក្រុមហេបូឡា។ មិនយូរប៉ុន្មាន ការវាយប្រហារដោយយន្តហោះគ្មានមនុស្សបើកបានវាយប្រហារអគារផ្ទះល្វែងមួយក្នុងទីក្រុង ដោយបានសម្លាប់ស្ត្រីម្នាក់ដែលទើបត្រឡប់មកពីប្រទេសអាល្លឺម៉ង់។

អ៊ីស្រាអែលបានបដិសេធការវាយប្រហារលើជនស៊ីវិល ដោយអះអាងថា គ្រាប់រ៉ុក្កែតហេសបូឡា ដែលទុកនៅក្បែរនោះបានផ្ទុះបន្ទាប់ពីការវាយប្រហារដំបូង។ រដ្ឋាភិបាលនៃប្រទេសលីបង់បានថ្កោលទោសការវាយប្រហារនេះថាជាការរំលោភលើកិច្ចព្រមព្រៀងឈប់បាញ់ដែលសម្របសម្រួលដោយសហរដ្ឋអាមេរិក។

មនុស្សម្នាប្រមូលផ្ដុំគ្នានៅក្បែររថយន្តដែលរងការខូចខាតក្នុងការវាយប្រហារតាមអាកាសរបស់អ៊ីស្រាអែល។ (រូបភាព៖ AP)

ទោះយ៉ាងយោធាអ៊ីស្រាអែលបាននិយាយថា ខ្លួនបានបំផ្លាញទ្រព្យសម្បត្តិក្រុមហេបូឡា សំខាន់ៗ រួមទាំងមជ្ឈមណ្ឌលបញ្ជាសម្រាប់ប្រតិបត្តិការបាញ់ និងការពាររបស់ខ្លួន ហើយបានចោទប្រកាន់ក្រុមនេះថាបានព្យាយាមកសាងបណ្តាញរបស់ខ្លួនឡើងវិញនៅភាគខាងត្បូងប្រទេសលីបង់ ខណៈក្រុមហេសបូឡាមិនបានចេញការឆ្លើយតបទេ។

ភាពតានតឹងនៅតែមានកម្រិតខ្ពស់ ខណៈដែលភាគីទាំងពីរបន្តបាញ់តបតគ្នា បើទោះជាជម្លោះរយៈពេល ១៤ ខែបានបញ្ចប់ជាផ្លូវការកាលពីឆ្នាំមុនក៏ដោយ។ គួរបញ្ជាក់ថាសង្រ្គាមពីមុនបានឆក់យកជីវិតមនុស្សជាង ៤,០០០នាក់នៅក្នុងប្រទេសលីបង់ និងបណ្តាលឱ្យខូចខាតប្រាក់១១ ពាន់លានដុល្លារ។ យ៉ាងណាជាមួយនឹងការវាយប្រហារតាមផ្លូវអាកាសកាលពីថ្ងៃសុក្របទឈប់បាញ់ដ៏ផុយស្រួយឥឡូវនេះហាក់ដូចជាមានហានិភ័យកាន់តែខ្លាំងឡើង។