ព័ត៌មានអន្ដរជាតិ

ប្រជាជនមីយ៉ាន់ម៉ាភៀសខ្លួនទៅថៃដោយសារការប្រយុទ្ធគ្នាខ្លាំងរបស់របបយោធានិងក្រុមតស៊ូ

បានផុស

១ year មុន

នៅ

ថ្ងៃសុក្រ ៩ ឧសភា ២០២៥

ដោយ

ប្រជាជនមីយ៉ាន់ម៉ាជាង ៣០០នាក់បានភៀសខ្លួនចូលទៅក្នុងប្រទេសថៃដើម្បីស្វែងរកការជ្រកកោនសុវត្ថិភាព បន្ទាប់ពីមានការប្រយុទ្ធគ្នាយ៉ាងខ្លាំងរវាងកងកម្លាំងរបស់របបយោធានិងក្រុមប្រដាប់អាវុធជនជាតិភាគតិចដែលតស៊ូប្រយុទ្ធប្រឆាំងមេដឹកនាំយោធាដែលផ្តួលរំលំរដ្ឋាភិបានកើតចេញពីការបោះឆ្នោត។ នេះបើយោងតាមលការចេញផ្សាយរបស់សារព័ត៌មាន CNA នៅថ្ងៃទី០៩ខែឧសភានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមយោធាថៃ ការវាយប្រហារកាលពីថ្ងៃពុធដោយកងទ័ពរំដោះជាតិ Karen (KNLA) និងអង្គការការពារជាតិ Karen ដែលជាសម្ព័ន្ធមិត្ត (KNDO) បានកំណត់គោលដៅលើមូលដ្ឋានយោធាក្នុងរដ្ឋ Kayin ចម្ងាយប្រហែល ២,៥ គីឡូម៉ែត្រពីព្រំដែនថៃ។

គិតត្រឹមថ្ងៃព្រហស្បតិ៍ ជនជាតិមីយ៉ាន់ម៉ាចំនួន ៣២៧ នាក់បានឆ្លងចូលទៅក្នុងប្រទេសថៃ ហើយកំពុងស្នាក់នៅក្នុងទីតាំងបណ្តោះអាសន្នចំនួនពីរ ដោយមានយោធា និងប៉ូលិសថៃផ្តល់សន្តិសុខ និងជំនួយមនុស្សធម៌។ កងកម្លាំងថៃក៏បានបង្កើនការល្បាតតាមបណ្តោយព្រំដែនក្នុងខេត្ត Tak ដើម្បីទប់ស្កាត់ការរំលោភអធិបតេយ្យភាពដោយកងកម្លាំងប្រដាប់អាវុធបរទេសដែលអាចកើតមាន។

គួរបញ្ជាក់ថាប្រទេសមីយ៉ាន់ម៉ាបានជាប់គាំងនៅក្នុងជម្លោះស៊ីវិលចាប់តាំងពីរដ្ឋប្រហារយោធាក្នុងឆ្នាំ ២០២១ ដោយរបបយោធាបានប្រយុទ្ធជាមួយនឹងក្រុមចម្រុះនៃអង្គការប្រដាប់អាវុធជនជាតិភាគតិច និងកងកម្លាំងតស៊ូគាំទ្រលទ្ធិប្រជាធិបតេយ្យជាច្រើន។

ទោះយ៉ាណារដ្ឋាភិបាលយោធារបស់មីយ៉ាន់ម៉ា និងក្រុមប្រដាប់អាវុធជាច្រើនបានប្រកាសបទឈប់បាញ់បន្ទាប់ពីការរញ្ជួយដីកាលពីថ្ងៃទី ២៨ ខែមីនា ដើម្បីជួយដល់កិច្ចខិតខំប្រឹងប្រែងសង្គ្រោះ និងការស្តារឡើងវិញ។ ប៉ុន្តែបទឈប់បាញ់ត្រូវបានបំបែកម្តងហើយម្តងទៀតដោយការវាយប្រហារតាមអាកាសដោយរបបយោធា និងការវាយប្រហារដោយក្រុមប្រដាប់អាវុធ៕