ព័ត៌មានអន្ដរជាតិ

ក្រុមបះបោរមូស្លីមក្នុងខេត្ត Yala ភាគខាងត្បូងថៃ វាយប្រហារជាថ្មី២លើកផ្សេងគ្នានៅយប់ថ្ងៃចន្ទ

បានផុស

១ year មុន

នៅ

ថ្ងៃអង្គារ ២៩ មេសា ២០២៥

ដោយ

មនុស្សបីនាក់បានស្លាប់ និងម្នាក់រងរបួសនៅក្នុងការវាយប្រហារពីរផ្សេងគ្នាក្នុងខេត្តYala បើទោះបីជាមានការខិតខំប្រឹងប្រែងស្ដារសន្តិភាពរបស់រដ្ឋាភិបាលថៃ និងការរឹតបន្តឹងវិធានការសន្តិសុខក៏ដោយ។ នេះបើយោងតាមការចេញផ្សាយរបស់សារព័ត៌មាន The Nation នៅថ្ងៃទី២៩ខែមេសានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិសបានរាយការណ៍ថា ប៉ូលិសពីរនាក់និងប្រជាការពារភូមិម្នាក់ត្រូវបានសម្លាប់ក្នុងការវាយប្រហារពីរដាច់ដោយឡែកពីគ្នាដោយក្រុមបះបោរមូស្លីម ក្នុងខេត្ត Yala នៅពាក់កណ្តាលអធ្រាត្រនិងព្រឹកថ្ងៃចន្ទ។

ការវាយប្រហារលើកទីមួយបានកើតឡើងនៅក្បែរហាងលក់គ្រឿងទេសមួយកន្លែងនៅផ្លូវ Yala-Bannang Sata ក្នុងស្រុក Bannang Sata បណ្ដាលឲ្យប្រជាការពារភូមិឈ្មោះ Thirawut Puttharat អាយុ ៣៤ ឆ្នាំ ស្លាប់នៅចម្ងាយ ៣០០ ម៉ែត្រពីមូលដ្ឋានរបស់គាត់។

ប្រជាការពារភូមិនេះ បានចាកចេញពីមូលដ្ឋានដើម្បីទិញរបស់របរនៅហាងក្បែរនោះ។ លុះមកដល់ចំណុចកើតហេតុ ស្រាប់តែមានជនមិនស្គាល់មុខមួយក្រុម ដែលលាក់ខ្លួនក្នុងគុម្ភស្មៅខ្ពស់ក្បែរផ្លូវ បើកការបាញ់ប្រហារមកលើរថយន្តរបស់គាត់ បណ្តាលឲ្យស្លាប់នៅនឹងកន្លែងកើតហេតុ។ បន្ទាប់មកជនបង្កបានដុតរថយន្តចោលមុនពេល រត់គេចពីកន្លែងកើតហេតុ ។

ចំណែកការវាយប្រហារលើកទី២ ទៅលើប៉ូលិស៣នាក់ដោយការបំផ្ទុះគ្រាប់បែកកែច្នៃកប់នៅតាមផ្លូវក្នុង ស្រុក Than To នៅវេលាម៉ោង៩និង៣០នាទីព្រឹកបណ្ដាលឲ្យរថយន្តក្រឡាប់ផ្ងារជើង។ ឧត្តមសេនីយទោ Issaret Intharapet និង ជំនួយការបានស្លាប់ភ្លាមៗនៅកន្លែងកើតហេតុ។ ចំណែក ជំនួយការម្នាក់ទៀតបានរងរបួសធ្ងន់ធ្ងរ។

គួរបញ្ជាក់ថាអំពើហិង្សានៅតែបន្តកើតមាននៅភាគខាងត្បូងប្រទេសថៃ បើទោះជាមានការប្រឹងប្រែងចរចាសន្តិភាពក៏ដោយ។ ការវាយប្រហារដោយហិង្សានេះទាំងនេះបន្តកើតឡើង បើទោះបីជាឧបនាយករដ្ឋមន្រ្តី និងជារដ្ឋមន្ត្រីក្រសួងការពារជាតិលោក Phumtham Wechayachai ចេញបញ្ជាឱ្យរឹតបន្តឹងវិធានការសន្តិសុខ និងបានរំលឹកឡើងវិញនូវការប្តេជ្ញាចិត្តរបស់រដ្ឋាភិបាលថៃក្នុងការបន្តការសន្ទនាសន្តិភាពជាមួយក្រុមបះបោរ ប៉ុន្តែអំពើហិង្សានៅតែបន្តកើតមានដដែល៕