ព័ត៌មានអន្ដរជាតិ

នាយករដ្ឋមន្រ្តីថៃបញ្ជាឲ្យពង្រាយកងកម្លាំងបន្ថែមនៅភាគខាងត្បូង ក្រោយផ្ទុះអំពើហិង្សាខ្លាំង

បានផុស

១ year មុន

នៅ

ថ្ងៃពុធ ៧ ឧសភា ២០២៥

ដោយ

នាយករដ្ឋមន្ត្រីថៃ អ្នកស្រី ផែថងថាន ស៊ីណាវ៉ាត្រ (Paetongtarn Shinawatra) កាលពីថ្ងៃអង្គារបានបញ្ជាឲ្យពង្រាយកងកម្លាំងបន្ថែមទៀតទៅកាន់ខេត្តជាប់ព្រំដែនភាគខាងត្បូង ដើម្បីរក្សាសន្តិសុខ និងតាមដានជនដៃដល់ពាក់ព័ន្ធនឹងការវាយប្រហារដោយហិង្សានាពេលថ្មីៗនេះ។ នេះបើយោងតាមការចេញផ្សាយរបស់សារព័ត៌មាន The Nation នៅថ្ងៃទី០៧ខែឧសភានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងបន្ទាប់ពីកិច្ចប្រជុំគណៈរដ្ឋមន្ត្រីប្រចាំសប្តាហ៍ អ្នកស្រី ផែថងថាន បានបញ្ជាក់ពីការដាក់ពង្រាយកងកម្លាំងបន្ថែម ដើម្បីបង្កើតប៉ុស្តិ៍ត្រួតពិនិត្យតាមផ្លូវ និងការពារជនស៊ីវិល បន្ទាប់ពីមានការផ្ទុះឡើងនៃការវាយប្រហារនាពេលថ្មីៗនេះ ដែលគេជឿថា ធ្វើឡើងដោយពួកបះបោរម៉ាឡេម៉ូស្លីម។

បើតាមរដ្ឋមន្ត្រីក្រសួងយុត្តិធម៌ នៅចន្លោះខែមករា ដល់ដើមខែឧសភា មានអំពើហិង្សាចំនួន៣៨ ដែលស្ទើរតែស្មើនឹងឧប្បត្តិហេតុចំនួន ៣៩ ដែលបានកត់ត្រាទុកក្នុងឆ្នាំមុនទាំងមូល។

ការវាយប្រហារកាលពីសប្តាហ៍មុន បានបណ្តាលឲ្យជនស៊ីវិលកាន់សាសនាព្រះពុទ្ធជាច្រើននាក់រងរបួស។ ទោះជាយ៉ាងណាក៏ដោយ ក្រុមរណសិរ្សបដិវត្តន៍ជាតិ Barisan Revolusi Nasional (BRN) បានចេញសេចក្តីថ្លែងការណ៍បដិសេធថា ខ្លួនមិនបានវាយលុកលើគោលដៅជនស៊ីវិលនោះទេ។

ការដាក់ពង្រាយកងទ័ពនេះ នាយករដ្ឋមន្ត្រី ផែថងថាន បានបញ្ជាឱ្យកងទ័ពនិងប៉ូលិសថៃ សម្របសម្រួលជាមួយឧបនាយករដ្ឋមន្ត្រី និងរដ្ឋមន្ត្រីការពារជាតិ លោក Phumtham Wechayachai ដើម្បីរឹតបន្តឹងសន្តិសុខនៅក្នុងតំបន់ តែមិនបានបង្ហាញពីតួលេខជាក់លាក់នោះទេ។ អ្នកស្រីក៏បានអំពាវនាវដល់ប្រព័ន្ធផ្សព្វផ្សាយឱ្យមានការប្រុងប្រយ័ត្ននៅពេលរាយការណ៍អំពីតំបន់ភាគខាងត្បូង ដោយជំរុញឱ្យពួកគេកុំធ្វើឱ្យមានភាពតានតឹងខាងសាសនា ឬជាតិសាសន៍។

លើសពីនេះអ្នកស្រីបានសង្កត់ធ្ងន់ថា ប្រជាជនទាំងអស់នៃខេត្ត Yala, Pattani, Narathiwat និងស្រុកទាំងបួននៃខេត្ត Songkhla ជាពលរដ្ឋថៃនិងត្រូវមិនប្រកាន់ពូជសាសន៍ ឬជំនឿអ្វីឡើយ។

គួរបញ្ជាក់ថាBarisan Revolusi Nasional (BRN )សំដៅទៅតំបន់ជម្លោះដែលរួមមានខេត្តភាគខាងត្បូងចំនួនបី និងស្រុកចំនួនបួនក្នុងខេត្ត Songkhla មានដែលជាមូស្លីមថា Patani Darussalam ជារដ្ឋមូស្លីមម៉ាឡេបុរាណដែលបានបញ្ចូលដោយប្រទេសថៃ។ BRN និងក្រុមបះបោរផ្សេងទៀតបន្តទាមទារឯករាជ្យពីប្រទេសថៃ។

គួររម្លឹកថាកន្លងមកឪពុករបស់លោកស្រីថងថាន លោកថាក់ស៊ីន ស៊ីណាវ៉ាត្រ បានព្យាយាមជួយដោះស្រាយជម្លោះ ខណៈលោកមានទំនាក់ទំនងជិតស្និទ្ធជាមួយនាយករដ្ឋមន្ត្រីម៉ាឡេស៊ីលោក អាន់វ៉ា អ៊ីប្រាហ៊ីម និងបានស្នើឱ្យជួយសម្រួលដល់ការចរចាសន្តិភាព។ ទោះយ៉ាងណា អ្នកស្រីថងថានទទួលស្គាល់ថាការចរចារនៅមានកម្រិតនៅឡើយ៕

អត្ថបទ៖ ប៊ុន សុភាព

Related Topics:ប្រទេសថៃ ការវាយប្រហារ

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា