Connect with us

ព័ត៌មានអន្ដរជាតិ

ប្រជាជន ឥណ្ឌា ផ្ដុំគ្នាប្រារព្ធពិធីបុណ្យសាសនាហិណ្ឌូ បន់ស្រន់ព្រះក្បាលដំរីកម្ចាត់កូវីដឲ្យរលាយសាបសូន្យ

បានផុស

នៅ

ប្រជាជននៅក្នុងប្រទេសឥណ្ឌាបានប្រារព្ធពិធីបុណ្យសាសនាហិណ្ឌូប្រចាំឆ្នាំ ដើម្បីគោរពដល់ព្រះ Ganesha ដែលមានក្បាលដំរី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពលរដ្ឋមួយក្រុមនៅក្នុងរដ្ឋធានីញូវដេលីប្រទេសឥណ្ឌាបានរៀបចំពិធីបុណ្យ Ganesha នៅឆ្នាំនេះក្នុងទំហំតូចជាងធម្មតា ។

ព្រឹត្តិការណ៍នេះជាធម្មតាមានអ្នកចូលរួមប្រហែល ១ ម៉ឺននាក់ ប៉ុន្តែតួលេខនេះត្រូវបានកំណត់ចុះមកត្រឹម ៥០ នាក់ប៉ុណ្ណោះ ខណៈពិធីបុណ្យនេះក៏ត្រូវបានកាត់បន្ថយពីការប្រារព្ធជាធម្មតា ១១ ថ្ងៃមកត្រឹម ៤ ថ្ងៃផងដែរ ។

ទន្ទឹមនោះ អ្នកចូលរួមបានបួងសួងនៅមុខរូបដិមា Ganesha កម្ពស់ ៣ ម៉ែត្រ រាំតាមភ្លេង ហើយបន្ទាប់មកបានពន្លិចរូបបដិមានោះទៅក្នុងអាងទឹក ជំនួសឲ្យទឹកទន្លេ ។

ចំណែកអ្នកចូលរួមជាស្ត្រីម្នាក់បាននិយាយថា នាងសប្បាយចិត្តខ្លាំងណាស់ដែលនាងអាចចូលរួមក្នុងពិធិបុណ្យសាសនានេះ ហើយនាងបានបន់ស្រន់សុំឲ្យរោគរាតត្បាតកូវីដ ១៩ រលាយសាបសូន្យ ។

គួររំឭកថា ប្រទេសឥណ្ឌាកន្លងមកមានករណីឆ្លងជំងឺកូវីដ ១៩ ថ្មីជាង ៤០ ម៉ឺនករណីក្នុងមួយថ្ងៃ ប៉ុន្តែក្រោយមកចំនួនឆ្លងសរុបប្រចាំថ្ងៃបានធ្លាក់ចុះតិចជាង ៣ ម៉ឺនករណីនៅថ្ងៃខ្លះ ។ ហាងជាច្រើនបានបើកដំណើរការឡើងវិញ ហើយជីវភាពរស់នៅប្រចាំកំពុងវិលមករកប្រក្រតីភាពវិញបន្តិចម្តងៗ ។

ទន្ទឹមនោះ មានតែប្រជាជនឥណ្ឌាប្រហែល ១៣ ភាគរយប៉ុណ្ណោះដែលបានការចាក់វ៉ាក់សាំងការពារជំងឺកូវីដ ១៩ ពេញ ២ ដូស ខណៈក្រុមអ្នកជំនាញកំពុងព្រមានអំពីការកើនឡើងនៃការឆ្លងថ្មីមួយទៀត ដែលអាចកើតមានឡើង នៅពេលមនុស្សកាន់តែច្រើនប្រមូលផ្តុំគ្នានៅក្នុងរដូវបុណ្យសាសនាផ្សេងៗនាពេលខាងមុខនេះ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ WHO ថា វីរុស Nipah ដែលផ្ទុះឡើងវិញនៅ ឥណ្ឌា គឺគ្រោះថ្នាក់ គ្មានវ៉ាក់សាំងការពារ និងមានអត្រាឆ្លងខ្លាំង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម