ព័ត៌មានអន្ដរជាតិ
EU ផ្តល់ឋានៈ បេក្ខជនសហភាពអឺរ៉ុប ដល់អ៊ុយក្រែន ជាផ្លូវការ (មានវីដេអូ)
កាលពីថ្ងៃព្រហស្បតិ៍ទី២៣ខែមិថុនា សភាអ៊ឺរ៉ុបបានបោះឆ្នោត ផ្តល់ឋានៈជាបេក្ខជនសហភាពអឺរ៉ុប ដល់អ៊ុយក្រែន ខណៈការប្រយុទ្ធ ក្នុងប្រទេសដែលហែកហួរដោយសង្រ្គាមួយនេះនៅតែបន្ត, បួនខែបន្ទាប់ពីការលុកលុយរបស់រុស្ស៊ី។
ក្នុងចំណោមសំឡេងឆ្នោត៥៨៨, មាន៥២៩សំឡេង បានគាំទ្រសេចក្តីសម្រេច ខណៈមានតែ ៤៥សំឡេងប៉ុណ្ណោះដែលប្រឆាំង។ ទន្ទឹមនោះ អ្នកនយោបាយក៏បានអនុម័តបេក្ខភាព EU សម្រាប់ប្រទេសហ្សកហ្ស៊ី និងម៉ុលដូវ៉ាផងដែរ។
យោងតាមសេចក្តីប្រកាសព័ត៌មានមួយ សភាបានអំពាវនាវឲ្យ “ប្រមុខរដ្ឋ ឬរដ្ឋាភិបាលទាំងអស់ ផ្តល់ឋានៈជាបេក្ខជន EU ដល់អ៊ុយក្រែន និងសាធារណរដ្ឋម៉ុលដាវី ដោយកុំបង្អង់យូរ។
ប្រធានសភាអ៊ុយក្រែន បានថ្លែងអំណរគុណចំពោះសមាជិកសភាអឺរ៉ុប សម្រាប់ការបោះឆ្នោតរបស់ពួកគេ និងសម្រាប់ការអនុម័តសេចក្តីសម្រេចនេះ។
លោក Ruslan Stefanchuk បានសរសេរនៅលើ Facebook ថា “ជាថ្មីម្តងទៀត សភាអឺរ៉ុបបានបង្ហាញពីការគាំទ្រឥតងាករេរបស់ខ្លួន ចំពោះសេចក្តីប្រាថ្នា EU របស់អ៊ុយក្រែន”។
គួរបញ្ជាក់ថា ឋានៈបេក្ខជន គឺជាជំហានផ្លូវការដំបូង ឆ្ពោះទៅរកសមាជិកភាព EU។ ប៉ុន្តែវាអាចចំណាយពេលច្រើនឆ្នាំដើម្បីចូលរួម ហើយមិនមានការធានានៃភាពជោគជ័យនោះទេ។
ដើម្បីឲ្យប្រទេសនានាចូលរួមក្នុងប្លុកនេះបាន ពួកគេនឹងតម្រូវឲ្យអនុវត្តកំណែទម្រង់នយោបាយ និងសេដ្ឋកិច្ចជាបន្តបន្ទាប់។
យោងតាមប្រធានគណៈកម្មការអឺរ៉ុបលោកស្រី Ursula von der Leyen, ប្រទេសអ៊ុយក្រែន បានអនុវត្តប្រហែល៧០%រួចទៅហើយនូវច្បាប់ បទដ្ឋាន និងស្តង់ដាររបស់ EU។
ទោះបីជាយ៉ាងនេះក្តី លោកស្រីបន្ថែមថា មានរឿងជាច្រើនចាំបាច់ត្រូវធ្វើនៅក្នុងផ្នែកនៃនីតិរដ្ឋ អំណាចនីតិបុគ្គល ការប្រឆាំងអំពើពុករលួយ និងសិទ្ធិជាមូលដ្ឋាន។
ក្រុមប្រឹក្សាអឺរ៉ុប នឹងមានការបោះឆ្នោតចុងក្រោយជាបន្តទៀត។ ប្រសិនបើសមាជិកមួយ ឬច្រើនមិនគាំទ្រការសម្រេចចិត្តនោះ សេចក្តីសម្រេចមិនដំណើរការទេ ដោយសារក្រុមប្រឹក្សាដំណើរការលើលទ្ធផលជាឯកច្ឆន្ទ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Yahoo
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល