ព័ត៌មានអន្ដរជាតិ
ក្រុមហេសបូឡា បាញ់រ៉ុកកែតរាប់សិបគ្រាប់លើអ៊ីស្រាអែល សងសឹកឲ្យមេបញ្ជាការខ្លួន
ដើម្បីឆ្លើយតបនឹងការសម្លាប់មេបញ្ជាការម្នាក់របស់ខ្លួន ក្រុមហេសបូឡាបានចាប់ផ្ដើមបាញ់រ៉ុកកែតរាប់សិបគ្រាប់វាយប្រហារលើភាគខាងជើងប្រទេសអ៊ីស្រាអែលកាលពីថ្ងៃទី១ខែសីហាឆ្នាំ២០២៤។
ក្នុងសេចក្ដីថ្លែងការណ៍របស់ក្រុមសកម្មប្រយុទ្ធដែលមានការគាំទ្រដោយអ៊ីរ៉ង់ បានឲ្យដឹងថា៖ ខ្លួន«បានបាញ់រ៉ុកកែត Katyusha រាប់សិបគ្រាប់ជាការឆ្លើយតបទៅនឹងការវាយប្រហាររបស់សត្រូវអ៊ីស្រាអែលដែលបានវាយលើភូមិភាគខាងត្បូង Shama (ប្រទេសលីបង់) ដែលបានសម្លាប់ជនស៊ីវិលអស់មួយចំនួន»។ ក្រសួងសុខាភិបាលលីបង់ បានប្រកាសថា ការវាយប្រហាររបស់អ៊ីស្រាអែលកាលពីដើមសប្ដាហ៍ បានបណ្ដាលឲ្យជនស៊ីវិលជាជនជាតិលីបង់ស្លាប់ចំនួន៤នាក់ និងមានមនុស្ស៥នាក់ផ្សេងទៀតរងរបួស ខណៈតួលេខអ្នកស្លាប់អាចនឹងបន្តកើនឡើងបន្ថែមទៀត។
យ៉ាងណា ក្រុមយោធាអ៊ីស្រាអែល បាននិយាយថា កងកម្លាំងអាកាសខ្លួនបានវាយបកនិងកម្ទេចកន្លែងដែលផ្លោងគ្រាប់រ៉ុកកែតទាំងនោះរបស់ក្រុមហេសបូឡារួចហើយ។
ការវាយប្រហារលើកនេះរបស់ក្រុមហេសបូឡា គឺជាការសងសឹកលើកដំបូង បន្ទាប់ពីអ៊ីស្រាអែលបានបើកការវាយប្រហារតាមដែនអាកាស ហើយសម្លាប់មេបញ្ជាការកំពូលម្នាក់របស់ក្រុមហេសបូឡាឈ្មោះ Fuad Shukr កាលពីល្ងាចថ្ងៃទី៣០ខែកក្កដា។ លោក Sayyed Hassan Nasrallah មេដឹកនាំហេសបូឡា បានបញ្ជាក់ថា ការវាយប្រហារនឹងបន្តធ្វើឡើងនៅថ្ងៃទី២ខែសីហាថែមទៀតទៅលើប្រទេសអ៊ីស្រាអែល ដើម្បីជាការសងសឹកឲ្យលោក Shukr។
ក្រោយការសម្លាប់លោក Shukr ប៉ុន្មានម៉ោង អ៊ីស្រាអែលបានបន្តប្រតិបត្តិការរបស់ខ្លួនលើក្រុមហាម៉ាស ហើយបានប្រល័យជីវិតមេដឹកនាំកំពូលម្នាក់គឺលោក Ismail Haniyeh នៅក្នុងរដ្ឋធានីតេហេរ៉ង់ ប្រទេសអ៊ីរ៉ង់ ដែលបានធ្វើឲ្យមានការភ្ញាក់ផ្អើលយ៉ាងខ្លាំងនៅលើពិភពលោក។
ទាំងហេសបូឡា និងហាម៉ាស សុទ្ធតែជាក្រុមសកម្មប្រយុទ្ធដែលមានការគាំទ្រពីប្រទេសអ៊ីរ៉ង់ដូចគ្នា។ ក្រុមហេសបូឡា មានមូលដ្ឋាននៅក្នុងប្រទេសលីបង់ ខណៈដែលក្រុមហាម៉ាសកំពុងឈរជើងនៅក្នុងតំបន់ហ្គាហ្សាស្ទ្រីប។
យោងតាមការចុះផ្សាយរបស់ទីភ្នាក់ព័ត៌មាន AFP ជម្លោះរវាងហេសបូឡានិងអ៊ីស្រាអែលដែលចាប់ផ្ដើមកាលពីខែតុលាឆ្នាំមុន បានសម្លាប់មនុស្សចំនួន៥៤២នាក់នៅក្នុងប្រទេសលីបង់ ក្នុងនោះភាគច្រើនជាជនសកម្មប្រយុទ្ធហេសបូឡា និងមានជនស៊ីវិលចំនួន ១១៤នាក់។ ចំណែកភាគីអ៊ីស្រាអែលវិញ មានទាហានស្លាប់យ៉ាងហោចណាស់ ២២នាក់ និងជនស៊ីវិល ២៥នាក់៕
ដោយ៖ ឈាង
កម្ពុជា បន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ពី១៥ ទៅ២៥% ដល់ថ្ងៃទី២៦មេសា
ផ្ទុះប្រតិកម្មវែកញែក ក្រោយលេចឮដំណឹងនៃការផលិតរឿង “ភ្លើងឆេះក្លឹបក្រោមដី” វគ្គថ្មី មិនមែន LD
សម្តេចតេជោ ហ៊ុន សែន រកឃើញកុមារីលក់ផ្កា គ្រោងនឹងជួបឪពុកម្តាយរបស់កុមារីនៅថ្ងៃទី២៧ ខែមេសា
ពលរដ្ឋរងគ្រោះដោយខ្យល់កន្ត្រាក់១០គ្រួសារ ទទួលអំណោយពីកាកបាទក្រហមកម្ពុជាខេត្តបន្ទាយមានជ័យ
លោក សួស យ៉ារ៉ា ៖ ការទូតសន្តិភាពសភាកម្ពុជាមានបទពិសោធន៍កសាងសន្តិភាពជាក់ស្តែង និងផ្អែកលើគោលការណ៍ទាំង៥
សម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
លើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
លួងលោមចូលផ្ទះសំណាក់មិនបាន ដឹកចូលព្រៃស្ងាត់ចាប់រំលោភបានសម្រេច រួចវាយប្លន់យកទ្រព្យសម្បត្តិអស់
ត្រាំ បន្ទន់ជំហរដាក់ចិនដោយប្រកាសពីការទម្លាក់ពន្ធ ក្រោយចិនសម្ដែងភាពមិនរុញរា
សម្តេចតេជោ ហ៊ុន សែន រកឃើញកុមារីលក់ផ្កា គ្រោងនឹងជួបឪពុកម្តាយរបស់កុមារីនៅថ្ងៃទី២៧ ខែមេសា
-
ចរាចរណ៍២ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
សន្តិសុខសង្គម១ សប្តាហ៍ agoមនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
ព័ត៌មានអន្ដរជាតិ៧ ថ្ងៃ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានជាតិ១៥ ម៉ោង agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ៧ ថ្ងៃ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សុខភាព៣ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ១៨ ម៉ោង agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
ព័ត៌មានអន្ដរជាតិ៧ ថ្ងៃ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា