ព័ត៌មានអន្ដរជាតិ
អ៊ីរ៉ង់ផ្ញើសំបុត្រឲ្យ ពូទីន មុនកិច្ចប្រជុំនុយក្លេអ៊ែរលើកទីពីរជាមួយអាមេរិក
កាលពីថ្ងៃទី១៧ខែមេសាឆ្នាំ២០២៥ រដ្ឋមន្ត្រីការបរទេសអ៊ីរ៉ង់ លោក Abbas Araqchi បានផ្ញើលិខិតមួយច្បាប់របស់មេដឹកនាំកំពូលអ៊ីរ៉ង់ លោក Ayatollah Ali Khamenei ទៅកាន់ប្រធានាធិបតីរុស្ស៊ី លោក វ៉្លាឌីមៀរ ពូទីន ក្នុងអំឡុងដំណើរទស្សនកិច្ចទៅកាន់ទីក្រុងមូស្គូ។
ការផ្ញើលិខិតនេះ ធ្វើឡើងមុនពេលដែលអ៊ីរ៉ង់រៀបចំសម្រាប់ការចរចានុយក្លេអ៊ែរជុំទីពីរជាមួយសហរដ្ឋអាមេរិក ដែលគ្រោងនឹងប្រព្រឹត្តទៅនៅទីក្រុងរ៉ូមបន្ទាប់ពីការពិភាក្សាដំបូងនៅប្រទេសអូម៉ង់កាលពីសប្ដាហ៍មុន។
លោក Araqchi បានប្រាប់ទូរទស្សន៍រដ្ឋអ៊ីរ៉ង់ថា៖ «ទាក់ទងនឹងបញ្ហានុយក្លេអ៊ែរ យើងតែងតែមានការពិគ្រោះយោបល់យ៉ាងជិតស្និទ្ធជាមួយមិត្តចិន និងរុស្ស៊ី។ ឥឡូវនេះ វាជាឱកាសល្អក្នុងការធ្វើដូច្នេះជាមួយមន្ត្រីរុស្ស៊ី»។
លិខិតនេះគូសបញ្ជាក់អំពីចេតនារបស់អ៊ីរ៉ង់ ក្នុងការពង្រឹងទំនាក់ទំនងយុទ្ធសាស្ត្រជាមួយរុស្ស៊ី ចំពេលមានភាពតានតឹងកាន់តែខ្លាំងឡើងជាមួយអាមេរិក។ អ៊ីរ៉ង់បានបញ្ជាក់យ៉ាងម៉ឺងម៉ាត់ថា សិទ្ធិរបស់ខ្លួនក្នុងការបន្សុទ្ធសារធាតុអ៊ុយរ៉ាញ៉ូមគឺមិនអាចចរចារបានឡើយ ទោះបីជាមានការបារម្ភពីលោកខាងលិចអំពីកម្មវិធីនុយក្លេអ៊ែររបស់ទីក្រុងតេហេរ៉ង់ថាជិតដល់កម្រិតសម្រេចបាននូវការផលិតអាវុធនុយក្លេអ៊ែរក៏ដោយ។
រុស្ស៊ី ដែលជាសម្ព័ន្ធមិត្តដ៏យូរលង់របស់ក្រុងតេហេរ៉ង់ បានដើរតួនាទីក្នុងការចរចានុយក្លេអ៊ែររបស់អ៊ីរ៉ង់ជាមួយលោកខាងលិច ក្នុងនាមជាសមាជិកក្រុមប្រឹក្សាសន្តិសុខអង្គការសហប្រជាជាតិដែលសិទ្ធិវេតូសេចក្ដីសម្រេច និងជាហត្ថលេខីនៃកិច្ចព្រមព្រៀងនុយក្លេអ៊ែរឆ្នាំ២០១៥ ដែលប្រធានាធិបតីអាមេរិក លោក ដូណាល់ ត្រាំ បានបោះបង់ចោលក្នុងអំឡុងពេលអាណត្តិដំបូងរបស់គាត់ក្នុងឆ្នាំ២០១៨។
នៅក្នុងអាណត្តិទីពីររបស់ខ្លួន លោក ត្រាំ បានគំរាមអ៊ីរ៉ង់ម្តងហើយម្តងទៀត ជាមួយនឹងការទម្លាក់គ្រាប់បែក និងបន្តការដំឡើងពន្ធដល់ប្រទេសណា ដែលហ៊ានទិញប្រេងពីអ៊ីរ៉ង់ បើទីក្រុងតេហេរ៉ង់ មិនឈានដល់កិច្ចព្រមព្រៀងជាមួយទីក្រុងវ៉ាស៊ីនតោន ជុំវិញកម្មវិធីអាវុធនុយក្លេអ៊ែរ។ បន្ថែមពីនេះ កាលពីពេលថ្មីៗ អាមេរិកបានដាក់ពង្រាយយន្តហោះចម្បាំងបន្ថែមទៀតចូលទៅក្នុងតំបន់ ដោយក្នុងនោះមានយន្តហោះទម្លាក់គ្រាប់បែកចំនួន ៦គ្រឿងទៅកាន់កោះ Diego Garcia ដែលជាមូលដ្ឋានយោធាយុទ្ធសាស្ត្រអាមេរិក-អង់គ្លេសនៅមហាសមុទ្រឥណ្ឌា។ ចំណាត់ការនេះ ត្រូវគេមើលថាជាសារព្រមានមួយរបស់អាមេរិកចំពោះអ៊ីរ៉ង់ ចំពេលមានភាពតានតឹងកាន់តែខ្លាំងឡើង៕
ដោយ៖ ឈាង
ចុចអាន៖ UN៖ អ៊ីរ៉ង់ជិតសម្រេចការផលិតគ្រាប់បែកនុយក្លេអ៊ែរ
មេដឹកនាំកំពូលអ៊ីរ៉ង់ ជំទាស់ដាច់អហង្ការចំពោះសំណើរបស់អាមេរិក ប្ដេជ្ញាបន្តចម្រាញ់អ៊ុយរ៉ាញ៉ូម
ក្រុមហ៊ុនចំនីអាហារនិងភេសជ្ជៈអន្តរជាតិចំនួន ៣ សម្លឹងឃើញសក្តានុពលទីផ្សារកម្ពុជាមានកំណើនខ្លាំងក្លា
ចាប់ខ្លួនជនដៃដល់ជាកូនបង្កើតក្រោយកាប់សម្លាប់ឪពុកខ្លួនឯងដោយសារខឹងមិនឲ្យប្រើគោយន្ដ
ភរិយាសេដ្ឋីកាស៊ីណូម៉ាកាវ ងាកទៅបំពេញធម៌ ក្រោយស្វាមីជាប់ឃុំ ពីបទបើកល្បែងខុសច្បាប់ និងលាងលុយកខ្វក់
វិទ្យាស្ថានប៉ាស្ទ័រប៉ារីស គាំទ្រគំនិតផ្តួចផ្តើមផ្នែកសុខាភិបាលនៅកម្ពុជា និងបន្តធ្វើការជាមួយវិទ្យាស្ថានប៉ាស្ទ័រកម្ពុជា
ការឆ្លើយតបរបស់កម្ពុជាចំពោះឧប្បត្តិហេតុព្រំដែនថៃ៖ យុគសម័យថ្មីនៃភាពជាអ្នកដឹកនាំរបស់កម្ពុជា
ទាហានអ៊ីស្រាអែលជាង ១ម៉ឺននាក់ ស្លាប់និងរបួសនៅក្នុងតំបន់ហ្គាហ្សា
អ៊ុយក្រែន ទទួលស្គាល់ថា ខ្លួនជាអ្នកបំផ្ទុះស្ពាន គ្រីមៀ
កូរ៉េខាងជើង លែងយកតង់បាំងនាវាចម្បាំងដែលលិច ក្រោយស្រង់ចេញពីទឹកបានពាក់កណ្ដាលមកវិញ
រុស្ស៊ី វាយប្រហាររោងចក្រផលិតដ្រូននិងឃ្លាំងគ្រាប់អ៊ុយក្រែន ជាការសងសឹក
-
ព័ត៌មានជាតិ៦ ថ្ងៃ agoកម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ៤ ថ្ងៃ agoនាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ៤ ថ្ងៃ agoព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ៦ ថ្ងៃ agoអាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ៧ ថ្ងៃ agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម១ សប្តាហ៍ agoមន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី
-
សេចក្ដីជូនដំណឹង៤ ថ្ងៃ agoការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
-
សន្តិសុខសង្គម៦ ថ្ងៃ agoសមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់