ព័ត៌មានអន្ដរជាតិ
[វិភាគអន្តរជាតិ] ក្រោយសង្គ្រាម ប្រជាជនហ្គាហ្សាទំនងធ្វើចំណាកស្រុកច្រើន ដោយសារភាពខ្ទេចខ្ទាំខ្លាំងពេក
ក្នុងរយៈពេលជាងមួយឆ្នាំនៃសង្គ្រាមនៅតំបន់ហ្គាហ្សា ប្រជាជនប៉ាឡេស្ទីនរស់នៅតំបន់ដ៏តូចនេះជាង២លាននាក់ បានរងការឈឺចាប់រាប់មិនអស់ក្នុងសង្គ្រាមរវាងក្រុមសកម្មប្រយុទ្ធហាម៉ាសនិងអ៊ីស្រាអែល ដែលគ្រប់គ្រងតំបន់ហ្គាហ្សាស្ទើរទាំងស្រុងមកដល់ពេលនេះ។
ប្រជាជនប៉ាឡេស្ទីននៅតំបន់ហ្គាហ្សានឹងក្លាយជាជនចំណាកស្រុកច្រើនបំផុតនៅពេលណាមួយដែលសង្គ្រាមចប់ ឬក៏តំបន់នោះត្រូវបើកឡើងវិញ ដោយសារតែការបំផ្លិចបំផ្លាញខ្លាំងពេកលើហេដ្ឋារចនាសម្ព័ន្ធពីការវាយប្រហាររបស់អ៊ីស្រាអែលជាង១ឆ្នាំមកនេះ និងគ្រោះមហន្តរាយរាប់មិនអស់។
ការបាក់បែងអគារ ខូចខាតហេដ្ឋារចនាសម្ព័ន្ធ ការកាត់ផ្តាច់ប្រព័ន្ធសង្គមដូចជាសេវាសុខាភិបាល ផលិតកម្មកសិកម្ម និងការខ្វះខាតចំណីអាហារ ទឹក អគ្គិសនី ការអប់រំ និងកត្តារួមផ្សំជាច្រើនទៀត នឹងជំរុញឲ្យប្រជាជនប៉ាឡេស្ទីនច្រើនបោះបង់ចោលនូវដែនដីហ្គាហ្សាដ៏ក្រីក្របំផុតមួយនេះ។
គ្រាន់តែសង្គ្រាមផ្ទុះឡើងនៅថ្ងៃទី៧ខែតុលាឆ្នាំ២០២៣ តំបន់ហ្គាហ្សាទាំងមូលត្រូវបិទខ្ទប់ដោយភាគីអ៊ីស្រាអែល ហើយប្រជាជនក្នុងតំបន់នោះជាង២,២លាននាក់ ត្រូវបម្លាស់ទីចុះឡើងៗ តាមតែការបញ្ជារបស់យោធាអ៊ីស្រាអែល។
យោងតាមទីភ្នាក់ងារជនភៀសខ្លួនប៉ាឡេស្ទីន នៃអង្គការសហប្រជាជាតិ (UNRWA) ប្រជាជនតំបន់ហ្គាហ្សាប្រមាណ៩០ភាគរយនៃប្រជាជននៅតំបន់ហ្គាហ្សាបានបាត់បង់ទីជម្រកក្នុងរយៈពេលសង្គ្រាមត្រឹមតែមួយឆ្នាំ។
របាយការណ៍នោះ បានបង្ហាញលម្អិតនៃការបាត់បង់ទីជម្រក ដោយត្រឹមតែ១ថ្ងៃនៃសង្គ្រាមបានផ្ទុះឡើង នៅថ្ងៃទី៨ខែតុលាឆ្នាំ២០២៣ ប្រជាជនប៉ាឡេស្ទីន ១២៣ ៥៣៨ នៅតំបន់ហ្គាហ្សា បានបាត់បង់ផ្ទះសម្បែង។ ៥ថ្ងៃក្រោយមក គឺគិតត្រឹមថ្ងៃទី១២ខែតុលាឆ្នាំ២០២៣ ប្រជាជនប៉ាឡេស្ទីន ៤២៣ ៣៧៨ នាក់បានបាត់ផ្ទះសម្បែង។
ដល់ថ្ងៃទី១៦ខែតុលា២០២៣ ប្រជាជនប៉ាឡេស្ទីន១លាននាក់ ត្រូវអ៊ីស្រាអែលបញ្ជាឲ្យជម្លៀសចេញពីតំបន់ភាគខាងជើងតំបន់ហ្គាហ្សា។ គិតត្រឹមថ្ងៃទី៣០ខែកញ្ញា ប្រជាជននៅតំបន់ហ្គាហ្សា១ ៩០០ ០០០ បានត្រូវបានជម្លៀសចេញ។
វិបត្តិស្បៀងអាហារ
ប្រជាជន៥០ម៉ឺនកំពុងត្រដររស់ជាមួយការអត់ឃ្លានយ៉ាងខ្លាំង និង ប្រឈមហានិភ័យខ្ពស់នៃគ្រោះទុរ្ភិក្សទូទាំងតំបន់ហ្គាហ្សាទំាងមូល។ នេះបើយោងតាមចំណាត់ថ្នាក់ដំណាក់កាលសន្តិសុខស្បៀងរួម (IPC) ដែលជាស្ថាប័នសាកលដែលទទួលខុសត្រូវក្នុងការប្រកាសទុរ្ភិក្ស។
តាមការចុះផ្សាយរបស់សារព័ត៌មាន BBC នៅមុនសង្គ្រាមកើតឡើង មានរថយន្តដឹកទំនិញ៥០០គ្រឿងក្នុងមួយថ្ងៃ បានដឹកទំនិញចូលតំបន់ហ្គាហ្សា ប៉ុន្តែចំនួនរថយន្តដឹកទំនិញបានថយមកនៅត្រឹម៩រថយន្តប៉ុណ្ណោះក្នុងខែដំបូងនៃសង្គ្រាម។
រថយន្តដឹកទំនិញដែលភាគច្រើនជាម្ហូបអាហារក៏ធ្លាប់បានផ្អាកទាំងស្រុងរយៈពេល១០ថ្ងៃ នៅពេលដែលអេហ្ស៊ីប និងអ៊ីស្រាអែលបិទព្រំដែនរបស់ប្រទេសគេរៀងៗខ្លួនក្នុងពេលសង្គ្រាមទើបចាប់ផ្តើមក្នុងដំណាក់កាលដំបូង។ ចំនួនរថយន្តដឹកទំនិញចូលតំបន់ហ្គាហ្សាតែមានចំនួនតិចតួចនៅឡើយ គឺមានត្រឹមតែ៥៣គ្រឿងប៉ុណ្ណោះក្នុង១ថ្ងៃនៅក្នុងខែកញ្ញា២០២៤។
វិបត្តិហេដ្ឋារចនាសម្ព័ន្ធ
អគារជាច្រើននៅតំបន់ហ្គាហ្សាត្រូវយោធាអ៊ីស្រាអែលបំផ្លាញស្ទើរគ្មានសល់ និងប្រើប្រាស់លែងកើត ដោយសារការបាញ់ប្រហារទាំងផ្លូវអាកាស មីស៊ីលផ្លោង។ បច្ចុប្បន្ននេះ ប្រជាជនប៉ាឡេស្ទីនភាគច្រើនរស់នៅតាមជំរុំចល័តរៀបចំឡើងដោយអង្គការសហប្រជាជាតិ។
គិតត្រឹមខែមីនា២០២៤ អគារ៣៥ភាគរយនៅតំបន់ហ្គាហ្សារងផលប៉ះពាល់។ មជ្ឈមណ្ឌលរណបនៃអង្គការសហប្រជាជាតិ (UNOSAT) បានចេញរបាយការណ៍វាយតម្លៃមួយអំពីផលប៉ះពាល់់នៃអគារនៅតំបន់ហ្គាហ្សា។
៣៥ភាគរយនៃអគារដែលបានខូចខាត គឺមាន៨៨ ៨៦៨ អគារ ដោយក្នុងនោះ ៣១ ១៩៨ អគារ ត្រូវបានបញ្ជាក់ថាបំផ្លាញទាំងស្រុង អគារចំនួន ១៦ ៩០៨ ខូចខាងធ្ងន់ធ្ងរ និង ៤០ ៧៦២ អគារខូចខាតមធ្យម។
គ្រួសារប្រជាជនប៉ាឡេស្ទីន ត្រូវបានជម្លៀសចេញជាញឹកញាប់និងច្រើនលើកច្រើនសារ នៅពេលដែលអ៊ីស្រាអែលផ្លាស់ប្តូរការផ្តោតនៃប្រតិបត្តិការរបស់ខ្លួន។ កាលពីដំបូងឡើយ អ៊ីស្រាអែលបានប្រាប់ប្រជាជននៅភាគខាងជើងឲ្យផ្តាស់ប្តូរទៅភាគខាងត្បូងនៃទន្លេ Wadi Gaza ដែលខ័ណ្ឌចែកតំបន់ហ្គាហ្សាស្ត្រីបជាពីរ។ នៅពេលក្រោយមកទៀត បានប្រកាសឲ្យមានការជម្លៀសជាបន្តបន្ទាប់ទៅតាមតំបន់ដែលពួកគេកំណត់នៅភាគខាងត្បូង៕
ដោយ រ៉ាន់ រើយ
លោក ស៊ាន បូរ៉ាត និងលោក ស ថាវី ត្រូវបានតុលាការកោះហៅចូលបំភ្លឺលើសំណុំរឿងក្រុមហ៊ុនអតីតឧកញ៉ា ឡេង ចាន់ណា
ក្រុមជនសង្ស័យធើ្វសកម្មភាពលួច និងឆក់យ៉ាងសកម្មចំនួន១១នាក់ ត្រូវបានឃាត់ខ្លួន
សហជីព និងពលរដ្ឋឈប់ជឿ អ៊ុំ សំអាន ព្រោះជាមនុស្សធ្លាប់ជាប់គុកដោយសារនិយាយកុហករឿងព្រំដែន
លោក ត្រាំ ព្រមានក្រុមប្រទេស BRICS ជុំវិញរឿងប្រឆាំងនឹងការប្រើប្រាស់លុយដុល្លារអាមេរិក
សម្ដេច ប៊ុន រ៉ានី អំពាវនាវឱ្យគ្រប់ភាគីរួមគ្នាជាមួយរដ្ឋាភិបាលដើម្បីលុបបំបាត់ជំងឺអេដស៍
ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
អ៊ុយក្រែន ថា សង្គ្រាមបានបំផ្លាញអាកាសយានដ្ឋានស៊ីវិលរបស់ខ្លួនស្ទើរតែអស់
ថ្ងៃ២ធ្នូ រណសិរ្សសាមគ្គីអភិវឌ្ឍន៍មាតុភូមិកម្ពុជា នឹងរៀបចំមិទ្ទីងអបអរខួប៤៦ឆ្នាំរបស់ខ្លួន
អ្នកតាមដាននយោបាយ ជឿថា រាជរដ្ឋាភិបាលកម្ពុជា នឹងមិនយកអធិបតេយ្យភាពទៅដោះដូរនឹងប្រព័ន្ធEBAរបស់អឺរ៉ុបឡើយ
កងទ័ពជើងទឹកមីយ៉ាន់ម៉ា បាញ់ទូកនេសាទថៃ បណ្ដាលឲ្យស្លាប់ម្នាក់ និងចាប់ឃាត់ខ្លួន៣១នាក់
-
សន្តិសុខសង្គម៣ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ១ ថ្ងៃ agoស្ពានដីឥដ្ឋ-ថ្មគរ ឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ១ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ៦ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៥ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៤ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ១ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»
-
សេដ្ឋកិច្ច៦ ថ្ងៃ agoតម្លៃពោតក្រហម និងដំឡូងមីធ្លាក់ចុះ នៅចំពេលរដូវប្រមូលផល