ព័ត៌មានអន្ដរជាតិ
អាមេរិក នឹងផ្ដល់ប្រាក់៣០លានដុល្លារលើកដំបូងសម្រាប់ជំនួយមនុស្សធម៌ GHF នៅតំបន់ហ្គាហ្សា
យោងតាមការចុះផ្សាយនាថ្ងៃទី២៥ខែមិថុនានេះរបស់ទីភ្នាក់ងារព័ត៌មាន Reuters សហរដ្ឋអាមេរិកបានអនុញ្ញាតឲ្យផ្តល់ប្រាក់ចំនួន៣០លានដុល្លារ ដល់មូលនិធិមនុស្សធម៌ហ្គាហ្សា (GHF) សម្រាប់ការចែកចាយជំនួយ ដែលនេះគឺជាការគាំទ្រផ្នែកហិរញ្ញវត្ថុដំបូងរបស់ក្រុងវ៉ាស៊ីនតោនចំពោះមូលនិធិមួយនេះ។
ការសម្រេចចិត្តនេះ ត្រូវបានធ្វើឡើងតាមការណែនាំរបស់សេតវិមាន និងបានអនុម័តតាមរយៈ USAID ដែលឥឡូវនេះកំពុងធ្វើការនៅក្រោមក្រសួងការបរទេស។ ទឹកប្រាក់៣០លានដុល្លារនេះ នឹងត្រូវបែងចែកដំបូងចំនួន៧លានដុល្លារសម្រាប់ជំនួយភ្លាមៗ ខណៈថវិកានៅសេសសល់នឹងត្រូវបែងចែកបន្តិចម្ដងៗជារៀងរាល់ខែ។
GHF បានចាប់ដៃគូជាមួយក្រុមហ៊ុនឯកជនយោធា និងភស្តុភារអាមេរិក ដើម្បីផ្តល់ជំនួយមនុស្សធម៌នៅតំបន់ហ្គាហ្សា ដែលកំពុងញាំញីដោយសង្គ្រាមរវាងក្រុមសកម្មប្រយុទ្ធហាម៉ាស និងប្រទេសអ៊ីស្រាអែល។
ចាប់តាំងពីអ៊ីស្រាអែលបានដកការបិទផ្លូវជំនួយរយៈពេល១១សប្តាហ៍លើតំបន់ហ្គាហ្សាកាលពីថ្ងៃទី១៩ខែឧសភា ដែលអនុញ្ញាតឲ្យមានការចែកចាយជំនួយមានកំណត់របស់អង្គការសហប្រជាជាតិឡើងវិញ ជនជាតិប៉ាឡេស្ទីនជាង៤០០នាក់ត្រូវបានសម្លាប់ខណៈកំពុងស្វែងរកជំនួយនៅជិតទីតាំងប្រតិបត្តិការរបស់ UN និង GHF។
មន្ត្រីជំនួយជាន់ខ្ពស់របស់អង្គការសហប្រជាជាតិម្នាក់ លោក Jonathan Whittall បាននិយាយថា «អ្នកស្លាប់និងរបួសភាគច្រើនត្រូវបានបាញ់ ឬត្រូវគ្រាប់ផ្លោង ខណៈព្យាយាមទៅដល់កន្លែងចែកចាយរបស់អាមេរិក-អ៊ីស្រាអែល ដោយចេតនានៅក្នុងតំបន់យោធា»។
លោកបន្ថែមថា «អ្នកផ្សេងទៀតត្រូវបានសម្លាប់នៅពេលដែលកងកម្លាំងអ៊ីស្រាអែលបានបាញ់ទៅលើក្រុមមនុស្សប៉ាឡេស្ទីន ដែលកំពុងរង់ចាំអាហារនៅតាមផ្លូវ។ មនុស្សមួយចំនួនក៏ត្រូវបានសម្លាប់ ឬរងរបួសដោយក្រុមប្រដាប់អាវុធផងដែរ»៕
ដោយ៖ ឈាង
-
ព័ត៌មានអន្ដរជាតិ១ សប្តាហ៍ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
កីឡា១ សប្តាហ៍ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
សេដ្ឋកិច្ច១ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៦ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានជាតិ៦ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ១ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi
-
ព័ត៌មានជាតិ១ សប្តាហ៍ agoចាប់ពីពេលនេះពលរដ្ឋដែលត្រូវធ្វើ ឬបន្តអត្តសញ្ញាណបណ្ណមិនចាំបាច់ត្រលប់ទីលំនៅឋានដើមឡើយ