សុខភាព

លែងបារម្ភ! មិនមែនជាក្រុមងាយរងគ្រោះ ក៏មានសិទ្ធចាក់វ៉ាក់សាំងកូវីដបាន

បានផុស

៤ សប្តាហ៍ មុន

នៅ

ថ្ងៃចន្ទ ១៩ មេសា ២០២១

ដោយ

ក្រោយយុទ្ធនាការចាក់វ៉ាក់សាំងបានចាប់ផ្ដើុមនៅក្នុងប្រទេសកម្ពុជា បុគ្គលមួយចំនួនមិនទាន់អស់ចម្ងល់ពាក់ព័ន្ធនឹងការទទួលវ៉ាក់សាំងរបស់ខ្លួនឡើយ។ អ្នកខ្លះថា ខ្លួននៅក្មេង មានសុខភាពល្អ ពុំចាំបាច់ចាក់វ៉ាក់សាំងឡើយ។ ឯខ្លះមិនមែនជាអ្នកធ្វើដំណើរ ឬមិនប្រឈមនឹងហានិភ័យ ដូច្នេះ តើគួរទៅចាក់វ៉ាក់សាំងដែរទេ ឬមានសិទ្ធចាក់វ៉ាក់សាំងឬអត់?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាជាចម្លើយ!

គ្រប់គ្នាត្រូវបានលើកទឹកចិត្តឱ្យទៅចាក់វ៉ាក់សាំង ប្រសិនបើស្ថិតនៅក្នុងក្រុមអាទិភាព ឬក្រុមងាយរងគ្រោះណាមួយ ដែលត្រូវបានកំណត់។ ប្រសិនបើមិនស្ថិតនៅក្នុងចំណោមក្រុមទាំងនេះនោះទេ អ្នកគួរមានការអត់ធ្មត់ និងរង់ចាំវេនអ្នក ដើម្បីចាក់វ៉ាក់សាំង ព្រោះថាការផ្គត់ផ្គង់វ៉ាក់សាំងនៅមានកម្រិត និងមានការផ្ដល់អាទិភាពតែដល់ក្រុមដែលត្រូវការការចាក់វ៉ាក់សាំងជាងគេតែប៉ុណ្ណោះ។

ប្រសិនបើអ្នកមិនច្បាស់ថាតើអ្នកស្ថិតនៅក្នុងក្រុមអាទិភាពឬអត់នោះ សូមពិគ្រោះយោបល់ជាមួយនឹងអ្នកផ្ដល់សេវាថែទាំសុខភាព។

ចុះចំណែកមនុស្សចាស់ ហើយមិនសូវជួបមនុស្សច្រើននាក់ តើគួរចាក់វ៉ាក់សាំងដែរឬទេ?

មនុស្សចាស់ក៏ត្រូវបានលើកទឹកចិត្តឱ្យទៅចាក់វ៉ាក់សាំង ប្រសិនបើស្ថិតនៅក្នុងក្រុមអាទិភាព ឬក្រុមងាយរងគ្រោះដែលត្រូវបានកំណត់ សូម្បីតែអ្នកមិនជួបជាមួយនឹងមនុស្សច្រើននាក់ក៏ដោយ។

ប្រសិនបើអ្នកមិនស្ថិតនៅក្នុងក្រុមទាំងនេះទេ អ្នកក៏មានសិទ្ធទទួលបានវ៉ាក់សាំងបានដូចគ្នា គ្រាន់តែត្រូវរង់ចាំវេន ព្រោះថាការផ្គត់ផ្គង់វ៉ាក់សាំងនៅមានកម្រិត។

អ៊ីចឹង! នរណាជាក្រុមមនុស្សអាទិភាព?

បុគ្គលអាទិភាពដែលអាចទទួលបានវ៉ាក់សាំងមុនគេមានដូចជា បុគ្គលិកសុខាភិបាល មន្ត្រីរដ្ឋាភិបាល ភ្នាក់ងារជួរមុខ និងក្រុមដទៃមួយចំនួនទៀតរួមមាន បុគ្គលិកអប់រំ កម្មករ-កម្មការិនីរោងចក្រ បុគ្គលិកក្រុមហ៊ុនឯកជនផ្នែកសេវាកម្ម កម្មករប្រមូលសំរាម អ្នករត់តាក់ស៊ីឬតុកតុក និងអាជីវករនៅតាមបណ្ដាផ្សារជាដើម៕

អត្ថបទ៖ សន្យា

ប្រភព៖ UNICEF

ចុចអាន៖ ការពារជីវិត! ទោះបីនៅក្មេងមានសុខភាពរឹងមាំ ក៏គ្រប់គ្នាត្រូវទៅចាក់វ៉ាក់សាំងកូវីដ-១៩

ចុចអាន៖ កុំបារម្ភ! អ្នកចាក់វ៉ាក់សាំងកូវីដ រួច ហើយមានសុខភាពល្អ នៅតែអាចបរិច្ចាគឈាមជួយសង្គ្រោះ ជីវិតបុគ្គលដទៃបានដដែល