សុខភាព
ការពារជីវិត! ទោះបីនៅក្មេងមានសុខភាពរឹងមាំ ក៏គ្រប់គ្នាត្រូវទៅចាក់វ៉ាក់សាំងកូវីដ-១៩
ការចាក់វ៉ាក់សាំងសមានសារៈសំខាន់សម្រាប់គ្រប់គ្នា។ ដោយសារការផ្គត់ផ្គង់វ៉ាក់សាំងនៅមានកម្រិត ការចាក់វ៉ាក់សាំងនឹងធ្វើឡើងជាដំណាក់កាលៗ ដែលចាប់ផ្ដើមជាមួយនឹងក្រុមអាទិភាពដូចជា បុគ្គលិកសុខាភិបាល មន្ត្រីរដ្ឋាភិបាល ក៏ដូចជាភ្នាក់ងារជួរមុខជាដើម។
ប្រសិនបើអ្នកមិនមែនជាផ្នែកមួយនៃក្រុមអាទិភាពនោះទេ អ្នកអាចរង់ចាំវេនចាក់វ៉ាក់សាំង។ ក្រសួងសុខាភិបាលនឹងប្រាប់អ្នកពេលដែលគួរទៅទទួលវ៉ាក់សាំង។
វ៉ាក់សាំងត្រូវបានគេរកឃើញថា មានប្រសិទ្ធភាព និងអាចជួយសង្គ្រោះអាយុជីវិតបាន។ តាមរយៈការចាក់វ៉ាក់សាំងឱ្យក្រុមអាទិភាពទាំងនេះនៅដំណាក់កាលដំបូង យើងនឹងការពារប្រព័ន្ធសុខាភិបាល ក៏ដូចជាកាត់បន្ថយករណីជំងឺធ្ងន់ និងការរំខាននៅក្នុងសង្គម។ យុទ្ធសាស្ត្រជាតិស្ដីពីការចាក់វ៉ាក់សាំងកូវីដ-១៩ របស់រដ្ឋាភិបាល (NDVP) បានដាក់ចេញនូវផែនការសម្រាប់ផ្ដល់វ៉ាក់សាំងដល់ក្រុមដែលងាយរងគ្រោះដទៃទៀតដូចជា មនុស្សចាស់ និងអ្នកដែលមានជំងឺប្រចាំកាយ ដែលធ្វើឱ្យពួកគេងាយនឹងធ្លាក់ខ្លួនឈឺដោយសារតែជំងឺកូវីដ-១៩ ឱ្យបានត្រឹមចុងឆ្នាំ ២០២១។
វ៉ាក់សាំងមិនត្រឹមតែជួយសង្គ្រោះជីវិត និងរក្សាលំនឹងប្រព័ន្ធសុខាភិបាលប៉ុណ្ណោះទេ វាក៏អាចជួយពន្លឿនការស្ដារសេដ្ឋកិច្ចឡើងវិញផងដែរ។ តាមរយៈការស្ដារសង្គមកម្ពុជាឡើងវិញ ដែលអាចធ្វើឱ្យសាលារៀន និងអាជីវកម្មនានាមានឱកាសបើកទ្វារក្នុងពេលឆាប់ៗ។ ដើម្បីឱ្យមនុស្សអាចធ្វើដំណើរបាន និងនៅជាមួយគ្រួសាររបស់ពួកគេ និងដើម្បីឱ្យកម្មករ និយោជិតដែលទទួលបានប្រាក់ឈ្នួលទាបនៅតែអាចបន្តបំពេញការងាររបស់ពួកគេ និងផ្ដល់នូវអត្ថប្រយោជន៍ជាច្រើនផ្សេងទៀត។
ពុំមានប្រទេសណាមួយ រួមទាំងប្រទេសកម្ពុជាផងដែរ អាចមានសុវត្ថិភាពពីការរាតត្បាតជាសកលនោះឡើយ រហូតដល់ប្រទេសទាំងអស់មានសុវត្ថិភាព។ ការយកឈ្នះជំងឺកូវីដ-១៩ មិនធ្វើឡើងម្ដងមួយប្រទេសៗនោះឡើយ។ ហានិភ័យនៅតែបន្តមាន ដរាបណាចំនួនករណីជំងឺកូវីដ-១៩ នៅតែបន្តកើនឡើងនៅទូទាំងសកលលោក ជាពិសេសនៅតាមប្រទេសជិតខាង។ វ៉ាក់សាំងគឺជាឧបករណ៍ដ៏មានសារៈសំខាន់ គួបផ្សំនឹងការអនុវត្តវិធានការដទៃទៀត ដើម្បីការពារជំងឺកូវីដ-១៩ និងជួយសង្គ្រោះអាយុជីវិត៕
អត្ថបទ៖ សន្យា
ប្រភព៖ UNICEF
ចុចអាន៖ អ្នកចាក់វ៉ាក់សាំងគ្រប់ ២ ដូសរួច មកដឹងអត្ថប្រយោជន៍ល្អៗទាំងនេះ
-
ព័ត៌មានជាតិ៤ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៤ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានជាតិ៤ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ១ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៥ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សេដ្ឋកិច្ច១ សប្តាហ៍ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម៣ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៦ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស