ព័ត៌មានអន្ដរជាតិ

កុំបារម្ភ! អ្នកចាក់វ៉ាក់សាំងកូវីដ រួច ហើយមានសុខភាពល្អ នៅតែអាចបរិច្ចាគឈាមជួយសង្គ្រោះ ជីវិតបុគ្គលដទៃបានដដែល

បានផុស

៥ years មុន

នៅ

ថ្ងៃចន្ទ ១៩ មេសា ២០២១

ដោយ

កាកបាទក្រហមអាមេរិកបាននិយាយថា អ្នកដែលបានទទួលវ៉ាក់សាំង AstraZeneca , Novavax , Pfizer និង Moderna អាចបរិច្ចាគឈាមរបស់ពួកគេបាន បន្ទាប់ពីចាក់វ៉ាក់សាំងរួច ដោយមិនគិតពីរយៈពេលរង់ចាំណាមួយឡើយ។ ដរាបណាពួកគេទាំងនោះមិនបង្ហាញរោគសញ្ញាកូវីដ១៩ និងមានអារម្មណ៍ល្អបូករួមទាំងសុខភាពផងដែរ។

ដោយឡែក Oneblood ដែលជាសេវាកម្មបរិច្ចាគនៅឆកសមុទ្រ Tampa Bay ភាគខាងត្បូងអាគ្នេយ៍ នៃរដ្ឋផ្លរីដាបាននិយាយថា មនុស្សពេញវ័យដែលត្រូវបានចាក់វ៉ាក់សាំង Johnson & Johnson អាចរង់ចាំពីរសប្ដាហ៍សិនមុនពេលបរិច្ចាគឈាម ។

កាកបាទក្រហមបាននិយាយកាលពីខែកុម្ភៈថា ” ដំណឹងដ៏អស្ចារ្យ ប្រសិនបើអ្នកចាក់វ៉ាក់សាំងរួច ហើយមានសុខភាពល្អជាធម្មតា អ្នកនៅតែអាចបរិច្ចាគបាន។ ការបរិច្ចាគឈាមគឺចាំបាច់ដើម្បីជួយសង្គ្រោះអាយុជីវិតនិងគាំទ្រដល់កិច្ចខិតខំប្រឹងប្រែងរបស់អ្នកដែលឈរជើងជួរមុខនៃជំងឺរាតត្បាត ” ។

រដ្ឋបាលចំណីអាហារនិងឱសថកត់សម្គាល់ថា ចំពោះអ្នកជំងឺកូវីដ ១៩ មិនត្រូវបានគេដឹងថាឆ្លងតាមរយៈការបញ្ចូលឈាមនោះទេ ហើយអ្នកដែលឆ្លងគួរតែជៀសវាងពីការបរិច្ចាគឈាម យ៉ាងហោចណាស់ ១៤ ថ្ងៃរហូតដល់អ្នកលែងមានរោគសញ្ញា ។

កាកបាទក្រហមក៏បានបញ្ជាក់បន្ថែមដែរថា ទោះបីជាវីរុសកូរ៉ូណាមិនមែនឆ្លងតាមរយៈការបញ្ចូលឈាមក្ដី ប៉ុន្តែមនុស្សដែលចាក់វ៉ាក់សាំងមិនត្រូវបានអនុញ្ញាតឲ្យបរិច្ចាគឈាមនោះទេ ជាពិសេសឈាមអ្នកដែលជាសះស្បើយពីជំងឺកូវីដ ១៩ លើកលែងតែអ្នកចាក់វ៉ាក់សាំងរួចមិនបានឆ្លងជំងឺរាតត្បាតមួួយនេះ ៕

ប្រែសម្រួល៖ សាង ស្រីល័ក្ខ

ប្រភព៖redcrossblood N miamiherald

ចុចអាន៖គ្រូពេទ្យជំនាញព្រមានថា ហាមចាក់វ៉ាក់សាំងពីរនេះក្នុងពេលតែមួយ

ចុចអាន៖អ្នកចាក់វ៉ាក់សាំងគ្រប់ ២ ដូសរួច មកដឹងអត្ថប្រយោជន៍ល្អៗទាំងនេះ