សុខភាព
តើអ្វីជាជំងឺ “ ម៉េឡូអ៉ីតដូស” ? តើជំងឺនេះអាចបណ្ដាលឲ្យស្លាប់បានដែរឬទេ?
ជំងឺម៉េឡូអ៉ីតដូស គឺជាជំងឺឆ្លងដែលបណ្តាលមកពីបាក់តេរីម្យ៉ាងដែលរស់នៅក្នុងដី និងទឹកឈ្មោះ បើកខូលដេរ្យ៉ា ផ្សឺដូម៉ាឡី។ ការចំលងរោគកើតឡើងតាមរយៈ ការជ្រៀតចូលនៃមេរោគនៅតាមកន្លែងដែលស្បែកមានការដាច់រលាត់ តាមរយៈផ្លូវដង្ហើម ឬតាមរយៈផ្លូវអាហារ។
ប្រទេសក្នុងតំបន់អាស៊ី ផ្នែកភាគខាងត្បូងនៃប្រទេសអូស្ត្រាលី ជាតំបន់ដែលមានការប៉ះពាល់ រីឯការយល់ដឹងទាក់ទងនិងជំងឺនេះហាក់នៅមានកម្រិតនៅឡើយ។
ក) កត្តាប្រឈម៖
កត្តាប្រឈមមានដូចជាកត្តាវេជ្ជសាស្ត្រ កត្តាមុខរបរ និង របៀបរបបរស់នៅ។
– កត្តាវេជ្ជសាស្ត្រមានដូចជា ជំងឺទឹកនោមផ្អែម ជំងឺតម្រង់នោម ជំងឺសួត និង ជំងឺថ្លើមរ៉ាំរ៉ៃ ការពិសាស្រាច្រើនដល់កម្រិតស្រវឹង ការព្យាបាលដោយថ្នាំផ្សេងៗធ្វើឲ្យប្រព័ន្ធការពាររាងកាយចុះខ្សោយ ជំងឺមហារីក។
– កតា្តមុខរបរ និង របៀបរបបរស់នៅដូចជាការរស់នៅប៉ះពាល់ដី និងទឹក(កសិករ អ្នកធ្វើចម្ការ អ្នកនេសាទ អ្នកធ្វើការងារសំណង់) អ្នកលេងកីឡាបាល់ទាត់ អ្នកបរិភោគទឹកមិនស្អាត។
ខ) រោគសញ្ញា៖
– ទម្រង់សំងំ: មេរោគអាចនៅសំងំក្នុងខ្លួនយើងរយៈពេលយូរដោយមិនមានរោគសញ្ញា
– ទម្រង់ស្រួចស្រាវ (រយៈពេលតិចជាងពីរខែ): រលាកសួតស្រួចស្រាវ បូសសរីរាង្គ( អណ្ដាត ថ្លើម តម្រងនោម ប្រូស្តាត បូសក្បាលឬក ដំបៅរលួយនៅលើស្បែក រលាកសន្លាក់ និងឆ្អឹង។
– ទម្រង់រ៉ាំរ៉ៃ(រយៈពេលលើសពីរខែ): រោគសញ្ញាស្រដៀងនឹងជំងឺរបេង មានដូចជាហើមកូនកណ្តុរនៅក ដំបៅរលួយ បូសនៅសរីរាង្គរ៉ាំរ៉ៃ។
គ) ការធ្វើរោគវិនិច្ឆ័យ៖
រោគវិនិច្ឆ័យត្រូវបានបញ្ជាក់ដោយការបណ្តុះមេរោគ ដែលមាននៅក្នុងឈាម ខ្ទុះ ទឹកនោម និងសំណាកផ្សេងៗ។
ឃ)ការព្យាបាល៖
ជំងឺនេះអាចព្យាបាលអោយជាដាច់បាន ដោយ ចែកជាពីរដំណាក់កាល
– ដំណាក់កាលសម្រុក(រយៈពេលយ៉ាងហោចណាស់១៤ថ្ងៃ) និង
– ដំណាក់កាលព្យាបាលបន្តអោយជាដាច់(យ៉ាងហោចណាស់ ៣ខែ)។
អត្រាស្លាប់នៅមានកម្រិតខ្ពស់នៅឡើយ (ប្រហែលជា៤០% នៅប្រទេសថៃ)។ ជំងឺនេះទាមទារឲ្យមានការព្យាបាលនិងយកចិត្តទុកដាក់ខ្ពស់ដើម្បីកាត់បន្ថយអត្រាស្លាប់។ សូមមកទទួលការព្យាបាលនៅតាមមន្ទីរពេទ្យជាមួយក្រុមគ្រួពេទ្យដែលមានជំនាញច្បាស់លាស់។
ង) វិធីបង្ការ៖
កាត់ផ្តាច់កត្តាចំលង និងកត្តាប្រឈមផ្សេងៗដូចជា
– កត្តាវេជ្ជសាស្ត្រ ធ្វើយ៉ាងណាឲ្យកម្រិតស្ករនៅទាប កាត់បន្ថយការប្រើប្រាស់ថ្នាំដែលធ្វើឲ្យប្រព័ន្ធភាពសាំចុះខ្សោយ។
– កត្តាមុខរបរ និង របៀបរបបរស់នៅ គួរពាក់ស្បែកជើងកវែង បើសិនជាអ្នកជាកសិករ គួរពាក់ម៉ាសពេលធ្វើដំណើរកាត់ខ្យល់ខ្លាំង សូមពិសាទឹកឆ្អិន។
រាល់ចម្ងល់ដែលពាក់ព័ន្ធ ឬចង់ស្វែងយល់ពិមានបន្ថែម សូមទំនាក់ទំនងមកកាន់ក្រុមការងារនៃមន្ទីរពេទ្យកាល់ម៉ែត៕
អត្ថបទ៖ រស្មី
សូមចុចអាន៖ ត្រូវប្រុងប្រយ័ត្នចំពោះ ទារកកើតពីម្តាយដែលមានជំងឺទឹកនោមផ្អែម!
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត