សុខភាព

អង្ករសម្រូប សម្បូរសារធាតុចិញ្ចឹម ល្អចំពោះការលូតលាស់កូនតូចៗ

បានផុស

៣ years មុន

នៅ

ថ្ងៃសៅរ៍ ១៧ កក្កដា ២០២១

ដោយ

អង្ករសម្រូប ត្រូវបានចាត់ទុកជាអាហារសម្បូរសារធាតុចិញ្ចឹម និងល្អសម្រាប់សុខភាពយើងច្រើន បើញ៉ាំវាជាប្រចាំជំនួសបាយអង្ករធម្មតា។ ស្របគ្នានេះ អង្ករសម្រូបក៏ស័ក្ដិសមជាអាហារូបត្ថម្ភសម្រាប់ទារក និងកូនក្មេងតូចៗដែរ។

Brown Rice: Health Benefits & Nutrition Facts | Live Science

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការឲ្យដឹងពីលោកស្រីវេជ្ជបណ្ឌិត កុសល កណិការ ឯកទេសជំងឺកុមារ សញ្ញាប័ត្រពីប្រទេសបារាំងថា អង្ករសម្រូប ឬ Brown rice ជាអង្ករដែលសម្បូរសារធាតុចិញ្ចឹមច្រើនជាងអង្ករធម្មតា ព្រោះវាឆ្លងកាត់ការកិនតិចតួចជាងអង្ករធម្មតា។ អង្ករសម្រូបសម្បូរទៅដោយពពួកវីតាមីន B (សំខាន់សម្រាប់ប្រព័ន្ធប្រសាទ) កាបូអ៊ីដ្រាត ជាតិកាកសរសៃ ជាតិខ្លាញ់ ប្រូតេអ៊ីន សូដ្យូម ប៉ូតាស្យូម។ល។

អត្ថប្រយោជន៍អង្ករសម្រូបចំពោះក្មេង

How to Cook Perfect Brown Rice - Cookie and Kate

វេជ្ជបណ្ឌិតសញ្ញាប័ត្រពីប្រទេសបារាំង បានឲ្យដឹងថា ចំពោះផលប្រយោជន៍នៃអង្ករសម្រូបលើកុមារតូចៗ ដូចនឹងមនុស្សធំដែរដូចជា៖

– ជួយសម្រួលដល់ការបន្ទោរបង់
– ជួយដល់ការលូតលាស់រាងកាយ
– ជួយដល់ការឡើងទម្ងន់ល្អ។

ម៉ាក់ប៉ាអាចឲ្យអាអូនញ៉ាំអង្ករសម្រូបបាន ចាប់ពីអាយុ៦ខែឡើងទៅ ពោលគឺយើងអាចផ្ដល់បាយសម្រូប ឬបបរសម្រូបឲ្យអាអូនញ៉ាំបាន ពេលកូនចាប់ផ្ដើមញ៉ាំអាហាររឹងបន្ថែមពីលើការបៅដោះម្ដាយ ឬបៅទឹកដោះគោ។

197 Asian Kid Eating Yoghurt Stock Photos, Pictures & Royalty-Free Images - iStock

លោកស្រីវេជ្ជបណ្ឌិត បានឲ្យដឹងថា សម្រាប់អង្ករនេះ ត្រូវបានអ្នកជំនាញចាត់ទុកជាអាហារដែលមានជាតិស្ករល្អ។ពេលយើងញ៉ាំអង្ករសម្រូបចូលទៅក្នុងខ្លួន ធ្វើឲ្យលំពែងយើងបញ្ចេញអ័រម៉ូនអ៊ាំងស៊ុយលីនយឺត ជាងញ៉ាំអង្ករធម្មតា។ នេះមានន័យថា អង្ករសម្រូបអាចជួយយើងរក្សាជាតិស្ករក្នុងខ្លួនមិនឲ្យឡើងលឿនខ្លាំង។ ហេតុនេះហើយ អង្ករសម្រូបមិនមែនផ្ដល់ប្រយោជន៍តែដល់ក្មេងៗទេ មនុស្សចាស់ធម្មតា ក៏ទទួលបានអត្ថប្រយោជន៍ពីការញ៉ាំវាដូចគ្នា៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ តើត្រូវធ្វើដូចម្តេច ដើម្បីកុំឲ្យទារកឈ្លក់ទឹកដោះ?

ចុចអាន៖ មូលហេតុអ្វី បានជាស្ដ្រីបែកទឹកភ្លោះមុនពេលសម្រាលកូន?

Related Topics:សុខភាពកុមារ