ព័ត៌មានអន្ដរជាតិ

លោក ត្រាំ អាចនឹងប្រើអំណាចពិសេស ដើម្បីជួយអ៊ុយក្រែន

បានផុស

១១ ខែ មុន

នៅ

ថ្ងៃសុក្រ ១១ កក្កដា ២០២៥

ដោយ

Chheang

ប្រភពរបស់ទីភ្នាក់ងារព័ត៌មាន Reuters បានឲ្យដឹងនៅថ្ងៃទី១១ខែកក្កដានេះថា ប្រធានាធិបតីអាមេរិក ដូណាល់ ត្រាំ អាចនឹងអនុម័តកញ្ចប់ជំនួយយោធាចំនួន ៣០០លានដុល្លារសម្រាប់អ៊ុយក្រែន ក្រោមសិទ្ធិអំណាចពិសេសសម្រាប់ប្រធានាធិបតី ដែលគេហៅថា ច្បាប់ PDA។

ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី និងប្រធានាធិបតីអាមេរិក លោក ដូណាល់ ត្រាំ (រូបថត៖ Reuters)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើនោះជាការពិត វានឹងក្លាយជាលើកដំបូងហើយដែលប្រមុខសេតវិមានរូបនេះប្រើអំណាចពិសេស ចាប់តាំងពីចូលកាន់តំណែងក្នុងខែមករាឆ្នាំ២០២៥មក។

PDA គឺជាច្បាប់ដែលអនុញ្ញាតឲ្យប្រធានាធិបតីអាមេរិកដកអាវុធដោយផ្ទាល់ពីឃ្លាំងរបស់ខ្លួន ហើយផ្ទេរវាទៅដៃគូក្នុងគ្រាអាសន្នដោយមិនចាំបាច់សុំការអនុម័តពីសភា។ រដ្ឋបាលរបស់អតីតប្រធានាធិបតី ចូ បៃដិន ធ្លាប់បានប្រើប្រាស់ច្បាប់ PDA ជាញឹកញយដើម្បីគាំទ្រអ៊ុយក្រែន។ បច្ចុប្បន្នសហរដ្ឋអាមេរិកមានមូលនិធិ PDA ចំនួន ៣,៨៦ពាន់លានដុល្លារ។

ប្រភពរបស់ Reuters បានឲ្យដឹងទៀតថា កញ្ចប់ជំនួយអាចមានមីស៊ីលការពារដែនអាកាស Patriot និងអាវុធវាយប្រហាររយៈចម្ងាយមធ្យម ប៉ុន្តែបញ្ជីពេញលេញមិនទាន់ត្រូវបានបញ្ចប់នៅឡើយទេ។ អាទិភាពចម្បងរបស់អ៊ុយក្រែនឥឡូវនេះគឺមីស៊ីល Patriot និងគ្រាប់រ៉ុកកែត GMLRS សម្រាប់ប្រើជាមួយប្រព័ន្ធកាំភ្លើងធំ HIMARS និង M270។

ប្រសិនបើកញ្ចប់ជំនួយត្រូវបានអនុម័តដោយលោក ត្រាំ អាវុធរបស់អាមេរិកអាចនឹងត្រូវបញ្ជូនទៅកាន់ប្រទេសអ៊ុយក្រែនក្នុងរយៈពេលតែប៉ុន្មានថ្ងៃប៉ុណ្ណោះ ដោយសារតែឃ្លាំងស្តុកទុកមាននៅអឺរ៉ុបរួចស្រាប់ហើយ។

សេតវិមាន និងមន្ទីរបញ្ចកោណ មិនបានធ្វើអត្ថាធិប្បាយលើរបាយការណ៍របស់ Reuters នេះទេ។

គិតត្រឹមខែមីនាឆ្នាំ២០២៥ សហរដ្ឋអាមេរិកបានផ្តល់ជំនួយយោធាសរុបចំនួន ៦៦,៩ពាន់លានដុល្លារដល់អ៊ុយក្រែន ចាប់តាំងពីជម្លោះរវាងទីក្រុងកៀវ និងទីក្រុងមូស្គូបានផ្ទុះឡើងនៅដើមឆ្នាំ២០២២។ កញ្ចប់ជំនួយដ៏សំខាន់ចុងក្រោយ ត្រូវបានប្រកាសដោយរដ្ឋបាលលោក បៃដិន នៅថ្ងៃទី៣០ខែធ្នូឆ្នាំ២០២៤ ហើយមានតម្លៃ ១,២២ពាន់លានដុល្លារ ក្នុងនោះមានដូចជា គ្រាប់រំសេវសម្រាប់ប្រព័ន្ធការពារដែនអាកាស និងមីស៊ីល Stinger ជាដើម។

រដ្ឋបាលលោក ត្រាំ បានបន្តបញ្ជូនការដឹកជញ្ជូនអាវុធដែលបានអនុម័តពីមុនទៅអ៊ុយក្រែន ប៉ុន្តែដំណើរការនេះត្រូវបានរំខានជាច្រើនដង។ បន្ទាប់ពីសម្តែងការមិនសប្បាយចិត្តក្រោយជំនួបតាមទូរសព្ទជាមួយសមភាគីរុស្ស៊ីលោក វ្ល៉ាឌីមៀរ ពូទីន លោក ត្រាំ បានប្រកាសកាលពីថ្ងៃទី៨ខែកក្កដាថា សហរដ្ឋអាមេរិកនឹងបញ្ជូនអាវុធបន្ថែមទៀតទៅកាន់អ៊ុយក្រែន ដើម្បីជួយការពារប្រឆាំងនឹងការវាយប្រហារដ៏ខ្លាំងក្លាពីរុស្ស៊ី៕

ដោយ៖ ឈាង

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា