សុខភាព
មានបញ្ហាស្រៀវធ្មេញ គួរដោះស្រាយបែបណា?
អាការស្រៀវធ្មេញអាចកើតមានលើទាំងវ័យក្មេង និងចាស់ ឲ្យតែមានបញ្ហា ធ្មេញស្រាំប្រេះ ធ្មេញបែក ធ្មេញពុក ធ្មេញសឹករេចរឹលស្រទាប់ខាងក្រៅ ឬមានជំងឺអញ្ចាញធ្មេញនឹងជួបប្រទះបញ្ហាស្រាវធ្មេញនេះហើយ។ ពិសេសរាល់ពេលដែលញ៉ាំអាហាររឹង អាហារត្រជាក់ ឬកក អាហារក្ដៅ និងពពួកអាហារមានជាតិកាត់ខ្លាំងក៏អាចធ្វើឲ្យស្រាវធ្មេញដែរ។
ធ្មេញបែងចែកជាបីស្រទាប់សំខាន់ៗ គឺស្រទាប់ក្រៅ(កាចា) ស្រទាប់កណ្ដាល(ស្រទាប់ភ្លុក) និង ស្រទាប់ក្នុង(បណ្ដូលធ្មេញ)។ នៅពេលស្រទាប់ខាងក្រៅ រងផលប៉ះពាល់ដោយប្រការណាមួយ ដូចជា សឹក ឬ បែកជាដើម នោះធ្មេញនឹងមិនរឹងមាំទៀតនោះទេ។ ដូចនេះនៅពេលយើងញ៉ាំរបស់រឹង របស់ត្រជាក់ ឬក្ដៅ ក៏នាំឲ្យយើងមានអាការៈស្រៀវធ្មេញ។
វិធីព្យាបាលធ្មេញស្រៀវ
ការព្យាបាលធ្មេញស្រៀវ គឺអាស្រ័យលើកម្រិតនៃការស្រៀវ និង ការខូចខាតធ្មេញរបស់អ្នកជំងឺម្នាក់ៗ។ ករណីធ្ងន់ គឺត្រូវទៅជួបជាមួយទន្ដពេទ្យ ដើម្បីត្រួតពិនិត្យ និង ព្យាបាល។ ក្នុងករណីស្រាលអាចសាកល្បងអនុវត្ដវិធីដូចខាងក្រោមនេះបាន។
ប្រើប្រាស់ថ្នាំដុសធ្មេញ៖ ការប្រើប្រាស់ថ្នាំដុសធ្មេញ ក៏អាចជួយព្យាបាលធ្មេញស្រៀវបានផងដែរ ពិសេសពពួកថ្នាំដុសធ្មេញដែលផ្ទុកសារធាតុ ភ្លុយអ័រ។ យើងអាចប្រើប្រាស់ថ្នាំដុសធ្មេញ លាបនៅកន្លែងដែលមានអាការៈស្រៀវ ឬកន្លែងដែលមានស្មាមពុក ស្មាមប្រេះ នឹងអាចជួយកាត់បន្ថយអាការៈស្រៀវបាន។
ផ្លាស់ប្ដូរទម្លាប់ដុសធ្មេញ៖ ដើម្បីដុសធ្មេញបានស្អាតល្អ គឺអាស្រ័យទៅលើតិចនិក បូកផ្សំជាមួយសរសៃច្រាសស្ដើងទន់ ទើបអាចជ្រៀតចូលតាមចន្លោះធ្មេញ សម្អាតកម្ទេចកំទីចំណីអាហារបានស្អាត និងមានប្រសិទ្ធភាពការពារធ្មេញ។ ម្យ៉ាងវិញទៀត គួរទម្លាប់ ដុសធ្មេញក្រោយការញ៉ាំអាហារយ៉ាងតិច កន្លះទៅមួយម៉ោង ព្រោះដោយសារតែចំណីអាហារ និងភេសជ្ជៈខ្លះ អាចធ្វើឲ្យកាចាធ្មេញលែងរឹងមាំ ធ្វើឲ្យការដុសសម្អាតធ្មេញភ្លាមៗក្រោយអាហារ កាន់តែឆាប់សឹកកាចាធ្មេញបាន។
ផ្ដាស់ប្ដូររបបអាហារ៖ អាហារមួយចំនួនគួរតែកាត់បន្ថយដូចជាពពួក ភេសជ្ជៈមានជាតិអាស៊ីដ ទឹកក្រូចឆ្មារ ទឹកខ្មេះ ឬទឹកប៉េងប៉ោះ ដែលសុទ្ធតែអាចធ្វើឲ្យកាចាធ្មេញសឹករេចរឹល។ ក្នុងនោះក៏រាប់បញ្ចូលប្រភេទអាហារ រឹងផងដែរ។
សុំការណែនាំបន្ថែមពីពេទ្យ៖ ដោយសារតែបញ្ហាធ្មេញស្រៀវទាំងអស់ មិនមែនសុទ្ធតែដូចគ្នា ហេតុនេះគួរជួបពិនិត្យជាមួយគ្រូពេទ្យធ្មេញជាមុនសិន ប្រសើរជាងរកវិធីព្យាបាលខ្លួនឯងនៅផ្ទះ។
ចុចអាន៖យុវវ័យចូលចិត្តដាក់ធ្មេញដែក ត្រូវដឹងពីផលប៉ះពាល់ដល់សុខភាព
ចុចអាន៖កុំប្រហែស! ក្លិនមាត់អាចបញ្ជាក់ពីជំងឺផ្សេងៗទាំងនេះ ក្រៅពីបញ្ហាក្នុងប្រអប់មាត់
-
សន្តិសុខសង្គម១៩ ម៉ោង ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ព័ត៌មានជាតិ២៤ ម៉ោង ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
ជីវិតកម្សាន្ដ៤ ថ្ងៃ ago
កូនស្រីពៅតារាហុងកុង Michael បង្ហោះរូបអាក្រាតកាយសារជាថ្មី
-
ជីវិតកម្សាន្ដ១ សប្តាហ៍ ago
កូនស្រីបង្កើត Brad Pitt បង្ហាញចេតនាប្រឆាំងកូនចិញ្ចឹម Pax Thien ចង់ឲ្យគ្រួសារជុំគ្នាវិញ
-
ព័ត៌មានអន្ដរជាតិ៤ ថ្ងៃ ago
ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
-
ព័ត៌មានជាតិ៣ ថ្ងៃ ago
ស្អែក ថ្ងៃទី១០ ខែមេសា រូបសំណាកសេះសមុទ្ទ នឹងសម្ពោធជាផ្លូវការ
-
ព័ត៌មានជាតិ៥ ថ្ងៃ ago
អាកាសយានដ្ឋានចំនួន ០៨ ចុះបញ្ជីនៅកម្ពុជា មាន ៣ កំពុងដាក់ឲ្យដំណើការ
-
ជីវិតកម្សាន្ដ៤ ថ្ងៃ ago
ករុណា ពេជ្រ ហួសចិត្តអ្នក Troll សើចចំអក សេះសមុទ្រ បាញ់ទឹក នៅខេត្តកំពត