ធ្មេញដែកជាឧបករណ៍ប្រើសម្រាប់ពុតធ្មេញ ដែលដាក់ដោយទន្តពេទ្យជំនាញ បច្ចុប្បន្នក្លាយជាគ្រឿងតុបតែងខ្លួនពេញនិយមសម្រាប់យុវវ័យទៅវិញ ព្រោះពួកគាត់គិតថាវាគួរឲ្យស្រលាញ់ និងទាន់សម័យ ។

ទន្ទឹមនេះធ្មេញដែកសិប្បនិម្មិតជាឧបករណ៍ធ្វើពីខ្សែមួយខ្សែរួមជាមួយនឹងដែកជាច្រើនដុំ ដើម្បីបិទភ្ជាប់ឲ្យជាប់ធ្មេញដូចពិតៗ ប៉ុន្តែវាផ្ដល់ផលប៉ះពាល់ជាច្រើន បើមិនមែនជាឧបករណ៍ដែលដាក់ដោយពេទ្យធ្មេញមានអាជ្ញាប័ណ្ណត្រឹមត្រូវទេនោះ ។

គុណវិបត្តិនៃធ្មេញដែកសិប្បនិម្មិតមានដូចជា ៖

_ ស្លាក់ដែក: ដោយសារពេលគេងឬញ៉ាំអាហារដែកដុំតូចៗអាចរបូតចូលទៅតាមបំពង់កបង្កជាគ្រោះថ្នាក់យ៉ាងធ្ងន់ធ្ងរ ។

_ ពុលឧបករណ៍: កៅស៊ូ និងវត្ថុផ្សេងៗដែលប្រើសម្រាប់ដាក់ធ្មេញធ្វើពីជ័រអន់ជាដើម ។

_ ឈឺមាត់: ជួនកាលមានឆ្លងមេរោគ ឬដំបៅមាត់អាចឈានដល់ការវះកាត់ទៀតផង ។

_ ធ្មេញរត់ខុសជួរ: ធ្មេញអាចនឹងជំពើសលើសដើមក្នុងករណីដាក់យូរពេក ។

_ ខូចធ្មេញ: ឥទ្ធិពលកាវបិទដែកសិប្បនិម្មិតអាចធ្វើឲ្យធ្មេញពុក ឬរលួយផងដែរ ។

_ ប្ដូរពណ៌ធ្មេញ: ធ្មេញអ្នកនឹងបន្សល់ទុកស្នាមដែកដូចដុះផ្សិត ឬសឹកពីដែកមិនល្អ ។

_ បាក់ធ្មេញ និងក្លិនមាត់មិនល្អ: បញ្ហារលាកអញ្ចាញជាមូលហេតុនាំឲ្យធ្មេញខូច និងបង្កក្លិនមាត់មិនល្អពិបាកទ្រាំតែម្ដង ។

សូមរំលឹកដែរថាសុខភាពជារឿងចម្បងបន្ទាប់ពីសម្រស់ ដូច្នេះរាល់ការតុបតែងខ្លួនឬកែប្រែខ្លួនត្រូវស្វែងយល់ពីសុខភាពជាមុនសិនទើបជាការល្អ ៕

ប្រែសម្រួល ៖ វារី

ចុចអាន ៖ វិធី ១០ យ៉ាងពីទន្តសាស្ត្រ ថែរក្សាខ្លួនក្រោយដកធ្មេញថ្គាមទាល់

ចុចអាន ៖ តិចនិកម៉ាក់ប៉ាគួរដឹង ជួយការពារកុំឲ្យកូនដុះធ្មេញច្រពើស