ទម្លាប់ងាយៗ ៨ យ៉ាង កាត់បន្ថយហើមពោះ ជួយប្រព័ន្ធរំលាយអាហារឲ្យល្អ

ការហើមពោះ និងប្រព័ន្ធរំលាយអាហារមិនល្អតែងតែបង្កការលំបាកជាច្រើនក្នុងជីវិតប្រចាំថ្ងៃ ដូច្នោះយើងក៏មានវិធីសាស្រ្តនិងទម្លាប់ខ្លះៗដើម្បីជួយសម្រួលកាត់បន្ថយដល់ការហើមពោះក្នុងការរំលាយអាហារដែលអ្នកជួបប្រទះ ។

ខាងក្រោមនេះទម្លាប់ងាយៗ ៨ យ៉ាងជួយកាត់បន្ថយការហើមពោះ ការរំលាយអាហារ៖

១. ការលំហាត់ប្រាណគឺល្អសម្រាប់ការរំលាយអាហារ

លំហាត់ប្រាណទៀងទាត់អាចជួយសម្រួលចលនាពោះវៀន ជួយបញ្ចេញឧស្ម័ន ការពារការទល់លាមក និងកាត់បន្ថយការហើមពោះ។ សូម្បីតែការដើររយៈពេលខ្លីក៏មានប្រយោជន៍ សម្រាប់ប្រព័ន្ធរំលាយអាហារ និងកាត់បន្ថយការឈឺពោះផងដែរ។

២. ម៉ាស្សាក្បាលពោះដោយខ្លួនឯង

ការម៉ាស្សាពោះដោយខ្លួនឯងត្រឹមត្រូវអាចកាត់បន្ថយការហើមពោះ ដើម្បីធ្វើចលនានេះអ្នកត្រូវ ដាក់ដៃរបស់អ្នកពីលើឆ្អឹងត្រគាកខាងស្តាំ ហើយរំកិលវាថ្នមៗពីលើឆ្អឹងជំនីតាមទិសទ្រនិចនាឡិកា។ អនុវត្តទាំងពោះខាងលើ និងខាងក្រោមក្នុងពេលដំណាលគ្នារយៈពេលពីរបីនាទី ប្រសិនបើអ្នកមាន អារម្មណ៍ឈឺចាប់ ឬមិនស្រួលនៅពេលម៉ាស្សា សូមបញ្ឈប់ជាបន្ទាន់ ។

៣. កំណត់ជាតិអាល់កុលស្ករ

ជាតិអាល់កុលដែលមានជាតិស្ករដូចជា xylitol, erythritol, maltitol និង sorbitol ត្រូវបានគេប្រើជាទូទៅជាសារធាតុផ្អែមនៅក្នុងផលិតផលដែលគ្មានជាតិស្ករដូចជា ស្ករកៅស៊ូ ការ៉េមមួយចំនួន។ ខណៈពេលដែលពួកវាអាចប្រើជំនួសស្ករបាន ការទទួលទានជាតិផ្អែមទាំងនេះក្នុងបរិមាណច្រើនអាចនាំ ឱ្យមានបញ្ហារំលាយអាហារដូចជាហើមពោះជាដើម ។

៤. ប្រយ័ត្នចំពោះអាឡ័កស៊ីអាហារ

ប្រសិនបើអ្នកមានអារម្មណ៍ថាអាហារ ឬគ្រឿងផ្សំមួយចំនួនទំនងជាបណ្តាលឱ្យហើមពោះ អ្នកគួរតែទៅជួបគ្រូពេទ្យជំនាញដើម្បីកំណត់ថាតើមានអាឡ័កស៊ី ឬបញ្ហារំលាយអាហារដែរឬទេ។ អាហារមួយចំនួន និងគ្រឿងផ្សំទូទៅដូចជា lactose, gluten, ស្រូវសាលី និង fructose អាចបណ្តាលឱ្យមាន អាឡ័កស៊ីនៅក្នុងរាងកាយសម្រាប់មនុស្សមួយចំនួន ។

៥. ឈប់ទទួលទានភេសជ្ជៈដែលមានជាតិកាបូនឫសារធាតុហ្គាសច្រើន

ការឈប់ទទួលទានភេសជ្ជៈដែលមានជាតិកាបូនឫសារធាតុហ្គាសច្រើន ហើយជំនួសវាដោយភេសជ្ជៈដែលមានសុខភាពល្អដូចជា ទឹកក្រូចឆ្មា ទឹកត្រសក់ តែគ្មានជាតិដែក ដើម្បីជួយបំបាត់ការស្រេកទឹក ប៉ុន្តែថែមទាំងកាត់បន្ថយការហើមពោះ និងជួយដល់ការរំលាយអាហារផងដែរ ។

៦. ការបញ្ចូល probiotics ទៅក្នុងរបបអាហាររបស់អ្នក

ការបន្ថែមជាមួយនឹងអាហារ probiotic ដូចជាទឹកដោះគោជូរជួយធ្វើឱ្យមានតុល្យភាពនៃពោះវៀន ធ្វើអោយប្រសើរឡើងនូវមុខងាររំលាយអាហារ និងកាត់បន្ថយការហើមពោះ។ ទោះជាយ៉ាងណាក៏ដោយ មុនពេលប្រើវាអ្នកគួរតែទៅគ្លីនីកដើម្បីកំណត់ស្ថានភាពពោះវៀនរបស់អ្នក និងថ្នាំ probiotics មួយចំនួនដែលអ្នកអាចប្រើបាន ។

៧. ជៀសវាងអាហារដែលទំនងជាធ្វើឲ្យដើរខ្យល់

អាហារមួយចំនួនដូចជា សណ្តែក បន្លែ cruciferous lentils ខ្ទឹមបារាំង និងផ្លែប៉ោមអាចបណ្តាលឱ្យហើមពោះ ការកំណត់ហេតុអាហារគឺជាវិធីសស្រ្តាដ៏មានប្រយោជន៍មួយដើម្បីតាមដានការឆ្លើយតបរបស់រាងកាយអ្នកចំពោះអាហារផ្សេងៗគ្នា និងបង្កឱ្យមានការហើមពោះនិងមិនស្រួលក្នុងការរំលាយអាហារ ។

៨. កាត់បន្ថយការទទួលទានអំបិល

ការទទួលទានអំបិលច្រើនពេកនឹងធ្វើឱ្យរាងកាយរក្សាជាតិទឹក ដែលបណ្តាលឱ្យមានអារម្មណ៍ហើមពោះ។ ជាពិសេសអាហារកែច្នៃ ព្រោះវាច្រើនតែផ្ទុកអំបិលច្រើន ហើយការកំណត់ការទទួលទានអំបិលក៏ជួយលើកកម្ពស់សុខភាពទូទៅផងដែរ។ អ្នកជំនាញណែនាំមិនឱ្យទទួលទានអំបិលលើសពី ៥០០mg នៃជាតិសូដ្យូម ដើម្បីកាត់បន្ថយហានិភ័យនៃការហើមពោះ និងបញ្ហាសុខភាពផ្សេងៗ ទៀត ៕

ប្រែសម្រួល៖នាងតូច

ចុចអាន៖គេងយូរពេកប្រយ័ត្នមានបញ្ហាសុខភាព ៦ ប្រភេទ