កុំចេះតែវាយ ស្រែកដាក់​កូន ប្រយ័ត្នស្ដាយក្រោយ ព្រោះហេតុ​ផល​នេះ
Connect with us
Helistar Cambodia - Helicopter Charter Services

KPT+

កុំចេះតែវាយ ស្រែកដាក់​កូន ប្រយ័ត្នស្ដាយក្រោយ ព្រោះហេតុ​ផល​នេះ

បានផុស

នៅ

ការសិក្សា​រក​ឃើញ​ថា​ការ​អប់រំ​កូន​បាន​​ល្អ ជួយ​ឲ្យ​កូន​មាន​សុខភាព​ល្អ។ ការណ៍​នេះ​សម្ដៅ​សុខ​ភាព​ល្អ​ទាំង​ផ្លូវ​កាយ និង​ផ្លូវ​ចិត្ត​។ ដឹង​ថា​ម៉ាក់​ប៉ា​មួយ​ចំនួន ទំនងជា​ចៀស​មិន​ផុត​ពី​វាយ​កូន ឬ​ស្រែក​ដាក់​កូន​នោះ​ទេ ពេល​កូន​ធ្វើ​ខុស​ ឬ​មិន​ស្កាប់​បង្គាប់​ណាមួយ​នោះ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាង​ណា តាម​ការសិក្សា​ស្រាវ​ជ្រាវ​​បាន​រក​ឃើញ​ថា​ការ​វាយ​កូន ឬ​ស្រែក​ដាក់​កូន​មិន​មែន​ជា​ជម្រើស​ល្អ​ក្នុង​ការ​អប់​រំណែនាំ​កូន​នោះ​ទេ​ អាចធ្វើ​ឲ្យ​កូន​មាន​របួស ឬ​ជួប​បញ្ហា​សតិ​អារម្មណ៍​ក្នុង​រយៈពេល​វែង​ទៀត​ផង​។ ហេតុអ្វី? ខាង​ក្រោម​នេះ​នឹង​ពន្យល់​គ្នា​យើង​ឲ្យ​បាន​ដឹង​ពី​ហេតុ​ផល​មួយ​ចំនួន​។​​​

​១. ដូច​បង្រៀន​កូន​ឲ្យ​ចេះ​ប្រើ​ហិង្សា

បើ​​ប៉ា​ម៉ាក់​វាយ​កូន ឬ​ស្រែក​គំហក​ដាក់​កូន នោះ​ដូច​ជា​បង្រៀន​កូន​ឲ្យ​​ចេះ​ប្រើ​អំពើ​ហិង្សា ឬ​មាន​ចរិត​ឆេវឆាវ​អ៊ីចឹង​ដែរ​។ ជា​ការ​ណែនាំ​ ប៉ា​ម៉ាក់​មិន​​គួរ​ប្រើ​ទណ្ឌ​កម្ម​ដោយ​ការ​​វាយ​កូន ឬ​ស្រែក​ដាក់​កូន ពេល​កូន​ធ្វើ​ខុស ឬមាន​អាកប្បកិរិយា​មិន​ល្អ​ណាមួយ​នោះ​ទេ​ ធ្វើ​ដូច​នេះ​អាច​នឹង​​ធ្វើ​ឲ្យ​កូន​កាន់តែ​ឆេវឆាវ ឬ​មាន​កំហឹង​ទៅ​វិញ​​។ ជំនួស​មក​វិញ ប៉ា​ម៉ាក់​គួរ​បង្រៀន​កូន​ឲ្យ​ចេះ​គ្រប់​គ្រង​អារម្មណ៍ និង​មាន​ការ​ទទួល​ខុស​ត្រូវ ទៅ​តាម​អាយុ​របស់​កូន​។

ការ​សិក្សា​រក​ឃើញ​ទៀត​ថា​កូនៗ​ដែល​ទទួល​អំពើ​ហិង្សា​​ពី​ឪ​ពុក​ម្ដាយ​កាន់​តែច្រើន កូនៗ​ទាំង​នោះ​មាន​អាកប្បកិរិយា​មិន​ល្អ​កាន់​តែ​ខ្ពស់​ដែរ​។ ក្រៅពី​នេះ ក៏​អាច​ធ្វើ​ឲ្យ​ទំនាក់​ទំនង​រវាង​ប៉ា​ម៉ាក់​នឹង​កូន​មាន​បញ្ហា​ទៅ​វិញ​។ ដូច​គ្នា​ដែរ ពេល​យើង​វាយ​ ឬស្រែក​ដាក់​កូននៅ​ពេល​យើង​ខឹង​កូន​ធ្វើ​ខុស​អ្វី​មួយ នោះ​កូន​អាច​គិត​ថា​ខ្លួន​គេ​ក៏​អាច​វាយ ឬ​ស្រែក​ដាក់​អ្នក​ផ្សេង​បាន​ដែរ ពេល​គេ​មាន​អារម្មណ៍​ខឹង​ក្រោធ ឬ​មិន​បាន​របស់​អ្វី​ដែល​ចង់​បាន​។

២. ស្នាម​របួស​ផ្លូវ​កាយ និង​បញ្ញា​ស្មារតី​

ការ​ដាក់​ទណ្ឌ​កូន​ដោយ​ការ​វាយ​ដំ អាច​ធ្វើ​ឲ្យ​កូន​មាន​របួស​បាន ពិសេស​អូនៗ​មាន​អាយុ​ក្រោម​១៨​ខែ ហើយ​ស្នាម​របួស​ខ្លះ​អាច​នៅ​ដិតដាមជាប់​រហូត​ក៏​មាន​ និង​អាច​ប៉ះពាល់​ដល់​ការ​លូត​លាស់​ផ្នែក​បញ្ញា​ស្មារតី​ផង​ដែរ។ ការ​សិក្សា​បញ្ជាក់​ថា​ ក្មេង​ៗ​ដែល​ឧស្សាហ៍​ត្រូវ​ប៉ា​ម៉ាក់​វាយ មាន​ផ្នែក​ពណ៌​ប្រផេះ​ក្នុង​ខួរ​ក្បាល​តិច ដែល​ផ្នែក​នេះ​មាន​នាទី​ជួយ​ដល់​​ការ​គ្រប់​គ្រង​ខ្លួន​ឯង​ និង​មាន​កម្រិត​IQ​ទាប​ជាង​ក្មេង​ធម្មតា​។​

ក្រៅពី​របួស​ផ្លូវ​កាយ ក្មេង​ទទួល​អំពើ​ហិង្សា​ពី​ប៉ាម៉ាក់​នៅ​អាច​មាន​របួស​ផ្លូវចិត្ត​ផង​ដែរ។ តាម​ការ​សិក្សា​ក្មេងៗ​ដែល​ត្រូវ​ប៉ា​ម៉ាក់​វាយ ឬ​ស្រែក​គំហក​ដាក់​ មាន​លេច​ចេញ​រោគ​សញ្ញា​កើន​ឡើង​កម្រិត​អ័រម៉ូន​toxic stress ​ខ្ពស់។

So Why Isn't Child Abuse Ever Really Discussed? | by Rachel Presser | Medium

៣. សុខភាព​ផ្លូវ​ចិត្ត​

ពាក្យ​សម្ដី ក៏​អាច​ធ្វើ​​​មនុស្ស​យើង​ឈឺចាប់​ដែរ​កុំ​ថា​ឡើង​មនុស្ស​ចាស់ សូម្បី​កូន​ក្មេង​ក៏​ដោយ​។ ស្រែក​ដាក់​កូន ប្រើ​ពាក្យ​ប៉ះពាល់​អារម្មណ៍​កូន សុទ្ធ​តែ​មិន​អាច​មាន​ប្រសិទ្ធ​ភាព​អប់រំ​កូន​នោះ​ទេ តែ​វា​ដូច​ធ្វើ​បាប​កូន​ទៅ​វិញ​។

ប៉ាម៉ាក់​ដែល​តែ​ប្រើ​ពាក្យ​ធ្ងន់ៗ​ប្រដៅ ណែនាំ​កូន គឺ​អាច​នាំ​ឲ្យ​កូន​មាន​អាកប្បកិរិយា​មិន​ល្អ និង​មាន​បញ្ហា​ផ្លូវ​ចិត្ត​ និង​ពេល​ធំឡើង​កូន​អាច​ចេញ​រោគ​សញ្ញា​​ជំងឺបាក់​ទឹក​ចិត្ត​ទៅ​វិញ​៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ៥ ចំណុច ដោះស្រាយ​ភាព​តាន​តឹង​របស់​កុមារ​ ក្នុង​ពេល​ផ្ទុះ​កូវីដ-១៩

ចុចអាន៖ ទោះមិនប្រើដៃប្រើជើង ឬរំពាត់ ក៏អាចចិញ្ចឹមកូនឲ្យមានចរិតល្អបានជាមួយតិចនិកនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៤ នាទី មុន

ថ្ងៃទី​១៤​មិថុនា​នេះ ​ផ្ទះ​បណ្តែត​ទឹក និង​បែ​ត្រី​ដែល​ព្រម​ស្ម័គ្រ​ចិត្ត​រុះរើ និង​ចល័ត​ចេញ​ដោយ​ខ្លួនឯង​សង្កាត់​ព្រែក​៩៣% សង្កាត់​សំរោង​១០០%

កូវីដ-១៩៥៤ នាទី មុន

ស្ត្រី​មាន​ផ្ទៃពោះ​ម្នាក់ ​រស់នៅ​ភូមិ​ព្រះ​ទ្រ​ហ៊ឹង ​ឃុំ​ព្រែក​ក្រឹស ​ស្រុក​កំពង់ត្រាច​ ខេត្តកំពត ​បាន​ស្លាប់​បាត់​បង់ជីវិត​ដោយសារ​ជំងឺ​កូ​វីដ១៩

ព័ត៌មានជាតិ២ ម៉ោង មុន

ព្រឹកស្អែក​នេះ សម្តេច ហេង សំរិន នឹង​ដឹកនាំ​ប្រជុំ ដើម្បី​ពិនិត្យមើល​បេក្ខភាព​ប្រធាន គ​.​ជ​.​ប

ព័ត៌មានជាតិ២ ម៉ោង មុន

ក្រសួង​ការងារ​នឹង​ប្រារព្ធ​ទិវា​ជាតិ​អប់រំ​បណ្តុះបណ្តាល​បច្ចេកទេស​វិជ្ជាជីវៈ លើក​ទី​៤ ឆ្នាំ​២០២១​នៅ​ថ្ងៃស្អែក

ព័ត៌មានជាតិ២ ម៉ោង មុន

ក្រុមហ៊ុនជប៉ុន Yamato Green ចង់ឱ្យកម្ពុជាដាំដុះរុក្ខជាតិកញ្ឆាដើម្បីនាំចេញទៅជប៉ុន និងអាមេរិក

Sokha Hotels

ព័ត៌មានពេញនិយម

Helistar Cambodia - Helicopter Charter Services