KPT+

អ្នកជំនាញ ព្រមានពីកំហុសឆ្គងដ៏អាក្រក់បំផុត ដែលធ្វើឲ្យផ្ទៃមុខកាន់តែចាស់ជាងវ័យ

បានផុស

៥ years មុន

នៅ

ថ្ងៃព្រហស្បតិ៍ ១០ មិថុនា ២០២១

ដោយ

គ្រប់ស្ត្រីទាំងអស់តែងចង់ឲ្យស្បែកមុខរបស់ខ្លួនមើលទៅរលោងស្អាត គ្មានមុន គ្មានស្នាម ជាពិសេសនោះគឺស្បែកក្មេងជាងវ័យ គ្មានជ្រួញឬផ្នត់។ ប៉ុន្តែអ្នកមិនបានដឹងថា ទម្លាប់ប្រចាំថ្ងៃតូចៗដែលអ្នកគិតថាល្អនោះ កំពុងតែបំផ្លាញកោសិកាស្បែកកាន់តែអាក្រក់ជាងមុនទៀតទៀត។

១ លុបមុខជាមួយទឹកក្ដៅញឹកញាប់ពេក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Guna Kakulapati នាយកប្រតិបត្តិក្រុមហ៊ុន CureSkin ពន្យល់ថា ប្រសិនបើអ្នកលាងមុខជាមួយទឹកក្ដៅញឹកញាប់ពេក អាចបណ្ដាលឲ្យស្បែកស្ងួតបាន។ កំហុសឆ្គងនៃការថែរក្សាស្បែកដោយយកកន្សែងក្ដៅមកជូតមុខរាល់ថ្ងៃ អាចនាំឲ្យស្បែកស្ងួត ហើយមើលទៅឆាប់ចាស់ជាងវ័យ។ នេះដោយសារតែស្បែកស្ងួតបង្ហាញពីស្នាមជ្រួញងាយជាងស្បែកដែលមានជាតិទឹក។

២ ខាតស្បែកញឹកញាប់ពេក

ជម្រុះកោសិកាជាវិធីដ៏ល្អមួយដើម្បីយកចេញនូវកោសិកាដែលងាប់ និងនៅសេសសល់ នៅជុំវិញរន្ធញើស។ នៅពេលយើងជម្រុះកោសិកាច្រើនដងពេក វាអាចបណ្ដាលឲ្យស្បែកស្ងួតនិងរន្ធញើសកក់ស្ទះ។ អ្នកអាចធ្វើវា ១ ទៅ ២ ដងក្នុងមួយសប្ដាហ៍បានហើយ កុំឲ្យស្បែកស្ដើងងាយបង្កមុនជ្រួញឃើញឆាប់ចាស់។

៣ រត់ហាត់ប្រាណច្រើនពេក

គ្រប់គ្នាចូលចិត្តការរត់ហាត់ប្រាណ ព្រោះវាជាអត្ថប្រយោជន៍សម្រាប់សុខភាព។ ប៉ុន្តែខណៈពេលដែលការរត់ប្រចាំថ្ងៃល្អសម្រាប់បេះដូង អ្នកជំនាញសុខភាពមួយចំនួនជឿថា ជាការរួមបញ្ចូលគ្នានៃការប៉ះពាល់នឹងពន្លឺព្រះអាទិត្យ និងសកម្មភាពខ្លាំងក្លាអាចធ្វើឲ្យមុខអ្នកឆាប់ចាស់។

៤ ប្រើឡេការពារកម្ដៅថ្ងៃប៉ុន្តែ SPF មិនត្រឹមត្រូវ

ជាទូទៅស្ត្រីតែងរើសយកការថែរក្សាស្បែកជាប្រភេទ SPF មិនត្រឹមត្រូវ។ ចំនួន SPF របស់ឡេការពារកម្ដៅថ្ងៃ សំដៅទៅលើបរិមាណនៃការការពារកាំរស្មី UVB ។ ចំណែកការប្រើប្រាស់ SPFមិនសមស្របនឹងបណ្ដាលឲ្យរលាកស្បែកដោយពន្លឺព្រះអាទិត្យ ហើយដើរតួនាទីយ៉ាងសំខាន់ក្នុងការវិវត្តទៅជាជំងឺមហារីកស្បែក។

យោងទៅតាមមូលនិធិជំងឺមហារីកស្បែកបាននិយាយថា ស្បែកមានកាំរស្មីយូវីពីរប្រភេទ គឺកាំរស្មី UVA និងUVB ។ ទន្ទឹមនឹងនេះ កាំរស្មី UVA បណ្ដាលឲ្យខូចខាតដល់ស្បែកឆាប់ចាស់ ក៏ដូចជាស្នាមចាស់ជ្រីវជ្រួញ ។

៥ យឺតពេលក្នុងការផ្លាស់ប្ដូរ

កំហុសដ៏ធំបំផុតដែលស្ត្រីធ្វើ គឺពួកគេចាប់ផ្ដើមមើលថែខ្លួនឯងយឺតពេលទៅហើយ នៅពេលដែលសញ្ញានៃភាពចាស់ត្រូវបានលេចចេញមកបន្តិចម្ដងៗ ។ ដើម្បីការពារស្នាមជ្រួញពេលចាស់ជាងវ័យបាន អ្នកត្រូវចាប់ផ្ដើមមានរបបថែរក្សាស្បែកឲ្យបានត្រឹមត្រូវនៅអាយុប្រហែលអាយុ ២៣ ទៅ ២៥ ឆ្នាំ។ ធ្វើដូចនេះទើបផ្ទៃមុខអ្នកមិនឆាប់ជ្រួញ ពេលអាយុជិត ៣០ ឆ្នាំ ដោយសារអ្នកមានវិធីថែទាំស្បែកតាំងពីនៅវ័យជំទង់រួចទៅហើយ។

អ្នកវិទ្យាសាស្ត្រក៏បាននិយាយដែរថា សម្រាប់វិធីជាច្រើនទៀតដើម្បីធ្វើឲ្យមុខអ្នកមានភាពប្រសើរឡើង សូមកុំភ្លេចហាត់ប្រាណ អាថ៌កំបាំងទាំងនេះនឹងកម្ចាត់ស្នាមជ្រីវជ្រួញ៕

ប្រែសម្រួល៖ សាង ស្រីល័ក្ខ

ប្រភព៖eatthis

ចុចអាន៖មូលហេតុដែលមនុស្សខ្លះមានអាយុតិច តែផ្ទៃមុខដូចវ័យចំណាស់ ដោយសារប្រើទម្លាប់បែបនេះជាប្រចាំថ្ងៃ

ចុចអាន៖ទម្លាប់ញ៉ាំអាហារផ្ដេសផ្ដាសតាមចិត្តចង់ក្នុងអំឡុងកូវីដ ប្រយ័ត្នអំពល់ទុក្ខដល់រាងកាយនិងសុខភាពផ្លូវចិត្តខ្លួនឯងលើសមុន