លើលោកនេះគ្មានទេមនុស្សស្រីឥតខ្ចោះ មានតែមនុស្សស្រីល្អប៉ុណ្ណោះ។ ល្អយ៉ាងម៉េច? ធ្វើម៉េចអាចសម្គាល់បាន? ចង់ដឹង? មកអានអត្ថបទនេះ!

១. ចរិយាមាយាទល្អ

មនុស្សស្រីដែលស្អាតជាងគេលើលោក ជាមនុស្សស្រីដែលមានចរិយាសម្បត្តិល្អ ​ចរិតស្លូតបូតចុះចំណោមអ្នកផង ហើយក៏ស្គាល់ចាស់ទុំ។ នាងមិនចេះនាំភាពក្ដៅក្រហាយដល់អ្នកណា ចេះតែចែករំលែកក្ដីស្រឡាញ់និងជួយអ្នកដទៃប៉ុណ្ណោះ។ បុរសណាបាននាងជាគូ ទោះបីក្រីក្រ ក៏គង់មានសុភមង្គលមិនខ្វះ។

២. ចំណេះដឹងសមរម្យ

ស្ត្រីមានចំណេះដឹងទោះតិចឬច្រើន រមែងមានឬកពារថ្លៃថ្នូរ ធ្វើអ្វីចេះគិតគូរវែងឆ្ងាយ បង្កប់ក្រមសីលធម៌ក្នុងខ្លួនជានិច្ច។ ជាពិសេសនាងជាមនុស្សស្រីដែលប្រើចំណេះដឹងជាប្រយោជនសម្រាប់ខ្លួនឯង គ្រួសារ និងសង្គមជាតិ។ ចំណេះដឹងរបស់នាងជួយជ្រោមជ្រែងឱ្យនាងមានអាជីពពិតប្រាកដ និងមិនងាយចាញ់បោកគេ។ នារីបែបនេះជួយយឹតយោងកិត្តិយសស្វាមី។

 ៣. ទំនុកចិត្តលើខ្លួនឯង

ជា​មនុស្ស​ស្រី​ដែល​មាន​ភាព​រឹង​ពឹង ​អាច​ដោះស្រាយ​នូវ​បញ្ហា​ចំពោះ​មុខ​ដោយ​ខ្លួនឯង​បាន មិនទម្រន់ឬដំអក់រង់ចាំជំនួយពីលើមេឃឡើយ។ មនុស្សស្រីប្រភេទនេះ នរណាបាននៅក្បែរ ស្គាល់តែភាពកក់ក្ដៅ មិនសូវចេះគិតខ្វល់ច្រើន និងមានកម្លាំងចិត្តពុះពារឧបសគ្គជានិច្ច។

៤. ទឹកចិត្តបរិសុទ្ធ

នាងជាស្ត្រីមានភាពទន់ភ្លន់ តាំង​ពីកំណើត ដោយ​សារ​តែ​និស្ស័យ​បែប​នេះ​ ​ទើប​ធ្វើឱ្យមនុស្សជុំវិញខ្លួនជា​ច្រើន​ផ្តល់​តម្លៃ និងចូល​ចិត្តខ្លាំង​បំផុត។ ​នាងតែងតែផ្ដល់ការព្រួយ​បារម្ភ​ចំពោះ​អ្នកដទៃ ហើយហុចដៃជួយគេមិនដែលខាន។ ជាស្រ្តីពោរពេញក្ដីសប្បុរស ស្មោះត្រង់​ និងមិនចេះគុំគួនឡើយ។ មនុស្សប្រុស​ជាច្រើន​ប្រាថ្នា​ចង់​បាន​មនុស្ស​ស្រី​បែបនេះជាគូវាសនា ហើយបើនាងក្លាយជាភរិយារបស់បុរសណា គេមុខតែញញឹមបិទមាត់មិនជិត ព្រោះត្រូវប្រុសផ្សេងច្រណែន៕

ប្រែសម្រួល៖ សន្យា

ប្រភព៖​ Useful Gen

ចុចអាន៖ ទម្លាប់អាក្រក់ ៤ ចំណុចរបស់ភរិយា មិនគួរឱ្យស្វាមីដឹងជារៀងរហូត

ចុចអាន៖ គ្មានបុរសឥតខ្ចោះទេ!​ តែបើមានលក្ខណៈ ៦ យ៉ាងនេះបញ្ជាក់ថាគេជាមនុស្សប្រុសល្អ