KPT+
ប្រវត្តិត្រួសៗលោក HOWARD SCHULTZ ថៅកែដំបូងរបស់ STARBUCKS
Howard Schultz ជាអ្នកជំនួញជោគជ័យម្នាក់ដែលកើតចេញពីគ្រួសារក្រីក្រ។ សព្វថ្ងៃលោកជាបុរសម្នាក់ក្នុងចំណោមក្រុមអ្នកមានទ្រព្យធនបំផុតនៅលើពិភពលោក។ នៅពីក្រោយកេរ្តិ៍ឈ្មោះបច្ចុប្បន្ននៃមហាសេដ្ឋីHoward Schultz មានរឿងមានតម្លៃជាច្រើន ដែលយើងគួរសិក្សាមកប្រើលើជីវិតផ្ទាល់ខ្លួន។
តើ Howard Schultz ជានរណា?
លោក Howard Schultz ជាអ្នកជំនួញជនជាតិអាមេរិកល្បីល្បាញបំផុតមួយរូបនៅលើពិភពលោក។ លោកជាអតីតម្ចាស់ក្រុមហ៊ុន Seattle SuperSonics និងជាអតីតនាយកប្រតិបត្តិនិងជាប្រធានក្រុមហ៊ុន Starbucks។
កំណើត
Schultz កើតនៅថ្ងៃទី ១៩ ខែកក្កដា ឆ្នាំ ១៩៥៣ នៅ Brooklyn រដ្ឋញូវយ៉ក។ លោកមកពីគ្រួសារជ្វីហ្វ (ជនជាតិមួយរបស់អ៊ីស្រាអែល)។ ឪពុកឈ្មោះ Fred Schultz និងម្ដាយ Elaine ។ ឪពុករបស់លោកជាអតីតកងទ័ពសហរដ្ឋអាមេរិក និងក្រោយមកគាត់ធ្វើការជាអ្នកបើកឡានដឹកទំនិញ។
បងប្អូនបង្កើត
ក្នុងវ័យកុមារភាពលោកបានរស់នៅក្នុងគម្រោងលំនៅដ្ឋាន Canarsie Bayview របស់អាជ្ញាធរទីក្រុងញូវយ៉ករួមជាមួយបងប្អូន។ Schultz មានបងប្រុសម្នាក់ឈ្មោះ Michael និងប្អូនស្រីម្នាក់ឈ្មោះ Ronnie ។
កីឡា
កីឡាជាក្តីសង្ឃឹមតែមួយគត់របស់មហាសេដ្ឋីរូបនេះឲ្យរួចផុតពីភាពក្រីក្រ។ ទោះបីកើតនៅក្នុងគ្រួសារក្រលំបាកក៏ដោយ ក៏ Schultz អាចលេងកីឡាមួយចំនួនដូចជាបាល់បោះ បាល់ទាត់ និងវាយកូនគោល បានល្អ រហូតផ្លាស់ប្ដូរជីវិតក្លាយជានិស្សិតអាហារូបករណ៍។
ការអប់រំ
នៅឆ្នាំ ១៩៧១ លោកបានបញ្ចប់ការសិក្សានៅវិទ្យាល័យ Canarsie រួចបន្តទៅសាកលវិទ្យាល័យ Northern Michigan។ ដោយសារលេងកីឡាបានល្អ លោកទទួលបានអាហារូបករណ៍អត្តពលកម្មដើម្បីសិក្សានៅសាកលវិទ្យាល័យ។ Schultz ជាមនុស្សទីមួយនៅក្នុងគ្រួសារដែលអាចរៀននៅសាកលវិទ្យាល័យបាន។ នៅឆ្នាំ ១៩៧៥ លោកបានបញ្ចប់បរិញ្ញាបត្រផ្នែកទំនាក់ទំនង។
គ្រួសារ
លោក Howard បានរៀបការជាមួយនាង Sheri Kersch ក្នុងឆ្នាំ ១៩៨២។ ក្នុងឆ្នាំ ១៩៩៦ លោកស្រី Sheri Kersch បានបង្កើតមូលនិធិគ្រួសារ Schultz ជាមួយស្វាមីមូលនិធិនេះវិនិយោគលើភាពជាដៃគូនិងដំណោះស្រាយថ្មីៗដើម្បីពង្រឹងអាជីវកម្មនិងសហគមន៍។
ប្ដីប្រពន្ធគូនេះមានកូនពីរនាក់ ស្រីម្នាក់និងកូនប្រុសម្នាក់។ កូនប្រុសឈ្មោះ Eliahu Jordan Schultz កើតនៅឆ្នាំ ១៩៨៦។ កូនស្រីឈ្មោះ Addison កើតនៅឆ្នាំ ១៩៩០។
ការងារដំបូង
ការងារដំបូងរបស់អតីតមេ Starbucks គឺជាបុគ្គលិកផ្នែកលក់របស់សាជីវកម្ម Xerox ។ ដោយសារបំពេញការងារបានល្អ ក្នុងរយៈពេលដ៏ខ្លីលោកទទួលបានការផ្សព្វផ្សាយជាអ្នកលក់ពេញសិទ្ធិ។
អ្នកគ្រប់គ្រងទូទៅ
Schultz ត្រូវបានតែងតាំងជាអ្នកចាត់ការទូទៅរបស់ក្រុមហ៊ុនផលិតផ្លាស្ទិក Hammarplast របស់ស៊ុយអ៊ែត ក្នុងឆ្នាំ ១៩៧៩ ។
លោកប្រឡូកជាមួយហាងកាហ្វេ Starbucks ដំបូងក្នុងឋានៈជានាយកផ្នែកទីផ្សារ នាឆ្នាំ ១៩៨២។ មកដល់ឆ្នាំ ១៩៨៦ លោកឡើងតំណែងជា CEO នៃហាងកាហ្វេល្បីលំដាប់ពិភពលោកមួយនេះ៕
ប្រែសម្រួល៖ សន្យា
ប្រភព៖ myinterestingfacts
ចុចអាន៖ប្រវត្តិធំៗ ៥ យ៉ាងអំពីលោហធាតុ «ប្រាក់»
ចុចអាន៖ស្ត្រី ដែលអាចបង្កើតម៉ាកយីហោដោយជោគជ័យ ទាំងខ្លួនមានជំងឺប្រចាំកាយ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល