ព័ត៌មានជាតិ
ក្រុមហ៊ុន Starbucks និងអង្គការមូលនិធិអាស៊ី គាំទ្រអ្នកនិពន្ធស្ត្រីវ័យក្មេង ២រូបដើម្បីបង្កើតសៀវភៅរឿងកុមារ
ក្រុមហ៊ុន Starbucks បានសហការជាមួយកម្មវិធី «Let’s Read ឬ តោះអាន» របស់អង្គការមូលនិធិអាស៊ី ដើម្បីដាក់សម្ពោធឲ្យប្រើប្រាស់សៀវភៅរឿងកុមារ ២ក្បាល ក្រោមប្រធានបទ ការពង្រឹងសិទ្ធិអំណាចស្ត្រី ដែលជាស្នាដៃនិពន្ធរបស់កញ្ញា វត្តី និងកញ្ញា ពិសី ។ សៀវភៅរឿងកុមារថ្មីចំនួន ២ក្បាលនេះ ត្រូវបាននិពន្ធឡើងដោយបង្កប់អត្ថន័យអប់រំ ហើយទាក់ទងទៅនឹង «ការផ្ដល់សិទ្ធិអំណាចស្ត្រី និងការរាប់បញ្ចូលបុគ្គល គ ថ្លង់»។
លោក ប៉ោ លីម អ្នកគ្រប់គ្រងក្រុមហ៊ុន Starbucks បានលើកឡើងអំពីគោលបំណងនៃការចូលរួមចំណែករបស់ក្រុមហ៊ុន Starbucks នៅក្នុងគម្រោងកម្មវិធីតោះអាន គឺដើម្បីឆ្ពោះទៅរកសង្គមមួយយ៉ាងទូលំទូលាយសម្រាប់បុគ្គលគ្រប់រូបនៅក្នុងប្រទេសកម្ពុជាអាចចូលរួមអានសៀវភៅតាមរយៈបណ្ណាល័យឌីជីថល Let’s Read។ ខណៈ Starbucks បានគាំទ្រយ៉ាងពេញទំហឹងការលើកកម្ពស់ និងការពង្រឹងសិទ្ធិអំណាចស្ត្រី ជាពិសេសការជំរុញលើកទឹកចិត្តស្នាដៃនិពន្ធរបស់យុវជនក្នុងការចូលរួមបង្កើតសៀវភៅរឿងសម្រាប់កុមារនៅកម្ពុជា។
ទាក់ទងនឹងសៀវភៅដែលជាស្នាដៃរបស់កញ្ញា វត្តី និងកញ្ញា ពិសី នាពេលនេះ ត្រូវបានតំណាងក្រុមហ៊ុន Starbucks បញ្ជាក់ថា សៀវភៅរឿងទាំងពីរនេះ គឺជាសៀវភៅរឿងកុមារដែលពោរពេញទៅដោយគំនូរស្រស់ស្អាត ហើយមិនត្រឹមតែផ្ដល់នូវភាពសប្បាយរីករាយដល់កុមារនៅពេលអានប៉ុណ្ណោះទេ តែវាថែមទាំងបង្កប់នូវអត្ថន័យល្អៗថែមទៀត។
ជាមួយគ្នានេះ គម្រោងបង្កើតសៀវភៅរឿងកុមារនេះ ក៏ជាឱកាសមួយ ដើម្បីការជំរុញទេពកោសល្យច្នៃប្រឌិតដ៏ខ្លាំងក្លានៃស្ត្រីវ័យក្មេងទាំង ២រូប ដែលប្រាថ្នាចង់ក្លាយជាអ្នកនិពន្ធសៀវភៅកុមារផងដែរ។ តាមរយៈការហ្វឹកហាត់ជាមួយអ្នកនិពន្ធ និងការសហការជាមួយអ្នកគំនូរច្នៃប្រឌិតដ៏ទៃទៀត Let’s Read គឺជាតួអង្គដ៏សំខាន់ក្នុងការជម្រុញសមត្ថភាពពួកគាត់បន្ថែមទៀត ដើម្បីជំរុញទេពកោសល្យច្នៃប្រឌិត និងបំពេញបំណងក្នុងការរួមចំណែកដល់ការអភិវឌ្ឍ សម្រាប់រយៈពេលវែងនៃវប្បធម៌ និងវិស័យសៀវភៅរឿងកុមារ ដែលកំពុងរីកចម្រើននៅក្នុងប្រទេសកម្ពុជា។
ដោយឡែក ឳពុកម្ដាយដែលមានបំណងចង់ឲ្យកូនតូចៗអានសៀវភៅរឿងកុមារ គឺអាចស្វែងរកបាននូវសៀវភៅទាំង២ ក្បាលនេះ ក៏ដូចជាសៀវភៅជាច្រើនមុខទៀតនៅបណ្ណាល័យឌីជីថល Let’s Read ដោយសេរី គឺគ្រាន់តែស្កេន QR Code ខាងក្រោមនេះ៕
ដោយ៖ ធឿន វ៉ាន់សុង
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម