អាហារ៦មុខ កុំហូបច្រើនក្នុងកំឡុងបុណ្យចូលឆ្នាំចិន ប្រយ័ត្ននាំទុក្ខដល់សុខភាព

កូលេស្តេរ៉ុលខ្ពស់គឺជាមូលហេតុចម្បងមួយនៃជំងឺក្រិនសរសៃឈាម ដាច់សរសៃឈាមខួរក្បាល និងគាំងបេះដូង ខាងក្រោមនេះជាមុខម្ហូបឆ្ងាញ់ៗចំនួន ៦ មុខ ដែលជួយបង្កើនកូឡេស្តេរ៉ុលយ៉ាងងាយស្រួល។ ជាពិសេសអាហារកំឡុងបុណ្យចូលឆឆ្នាំចិន ដែលវាច្រើនតែផ្ទុកនូវកូលេស្តេរ៉ុល ខ្លាញ់ ស្ករ ប្រូតេអ៊ីន ជះឥទ្ធិពលអវិជ្ជមានដល់កម្រិតជាតិខ្លាញ់ក្នុងឈាម។

ដើម្បីការពារសុខភាពក្នុងអំឡុងពេលបុណ្យប្រពៃណី អ្នកដែលមានជាតិខ្លាញ់ក្នុងឈាមខ្ពស់គួរកំណត់ការទទួលទានអាហារប៉ុន្មានមុខខាងក្រោមនេះ។

ទី១ ភេសជ្ជះ

កាសែត Thanh Nien បានដកស្រង់ការសិក្សាដែលចុះផ្សាយក្នុងព្រឹត្តិបត្រ Progress in Cardiovascular Diseases ដោយនិយាយថា ជាតិស្ករមានឥទ្ធិពលខ្លាំងលើកូលេស្តេរ៉ុលក្នុងឈាមជាងខ្លាញ់ឆ្អែត។ របបអាហារដែលមានជាតិស្ករខ្ពស់ធ្វើឲ្យថ្លើមផលិតកូលេស្តេរ៉ុល LDL អាក្រក់កាន់តែច្រើន ខណៈពេលដែលបន្ថយកូលេស្តេរ៉ុល HDL ល្អ។

មិន​ត្រឹម​តែ​ប៉ុណ្ណោះ ជាតិ​ស្ករ​លើស​ក្នុង​របប​អាហារ​ក៏​បង្កើន​ទ្រីគ្លីសេរីត និង​កូឡេស្តេរ៉ុល​ក្នុង​ឈាម​ដែរ។ មជ្ឈមណ្ឌលគ្រប់គ្រង និងការពារជំងឺរបស់សហរដ្ឋអាមេរិក (CDC) កត់សម្គាល់ថា ភេសជ្ជៈកាបូណាតមានផ្ទុកជាតិស្ករច្រើន ហើយអ្នកដែលមានកូលេស្តេរ៉ុលខ្ពស់គួរកំណត់វា។

ទី២ សាច់ជ្រូកបីជាន់

សាច់ជ្រូកបីជាន់គឺជាមុខម្ហូបដ៏ពេញនិយមមួយក្នុងកំឡុងរដូវបុណ្យទាន សាច់ប្រភេទនេះមានជាតិខ្លាញ់សាច់ជ្រូកខ្ពស់ ហើយអាចបង្កើនកម្រិតកូលេស្តេរ៉ុលអាក្រក់ LDL នៅក្នុងឈាម ដោយហេតុនេះបង្កគ្រោះថ្នាក់ដល់បេះដូង និងសរសៃឈាម។ ជំនួសឲ្យការទទួលទានសាច់ជ្រូកបីជាន់ មនុស្សគួរតែផ្តល់អាទិភាពដល់ការទទួលទានបន្លែ ផ្លែឈើ ឬសណ្តែកជំនួសវិញ។

ទី៣. ប្រភេទនំអន្សម ឬនំបត់ នំគម

នំប្រភេទអស់នេះគឺជាអាហារដែលមិនអាចខ្វះបានក្នុងឱកាសបុណ្យប្រពៃណីមិនថាឆ្នាំចិនឬឆ្នាំខ្មែរ។ ថ្វីដ្បិតែថា ពពួកអស់នេះជាអាហារដែលមានជីវជាតិ ប៉ុន្តែប្រសិនបើអ្នកញ៉ាំច្រើនពេក វាអាចនាំឲ្យប៉ះពាល់ដល់សុខភាព ជាពិសេសសម្រាប់អ្នកដែលមានប្រវត្តិជំងឺលើសឈាម ជំងឺបេះដូង និងបណ្តាលឲ្យមានជាតិខ្លាញ់ក្នុងឈាម។

ដូច្នេះ អ្នក​ដែល​មាន​ជាតិ​ខ្លាញ់​ក្នុង​ឈាម​ខ្ពស់​មិន​គួរ​ញ៉ាំ​ច្រើន​ពេក​ទេ ដើម្បី​ចៀសវាង​ការ​លើស​ទម្ងន់ និង​ប្រមូលផ្តុំ​ជាតិ​ខ្លាញ់​ក្នុង​មួយ​ថ្ងៃ​តែ​ម្តង ។ គួរទទួលទានពេលព្រឹក ឬថ្ងៃត្រង់ ចៀសវាងទទួលទានពេលល្ងាច ព្រោះថាថាមពលដែលមិនត្រូវបានបញ្ចេញ នឹងត្រូវបំប្លែងទៅជាទ្រីគ្លីសេរីដ ដែលបណ្តាលឲ្យមានកម្រិតជាតិខ្លាញ់ក្នុងឈាមខ្ពស់។

ទី៤. សាយ៉របំពង

នៅក្នុងអាហារប្រពៃណីចិន-វៀតណាម សាយ៉របំពង ឬហៅម្យ៉ាងទៀតថា គួង គឺជាអាហារដែលមិនអាចខ្វះបាន។ តំបន់នីមួយៗមានរូបមន្តផ្ទាល់ខ្លួនសម្រាប់ធ្វើ ប៉ុន្តែភាគច្រើនត្រូវបានបំពងេដើម្បីធ្វើឲ្យរសជាតិវាកាន់តែឆ្ងាញ់។

កាសែតសុខភាព & ជីវិតបានដកស្រង់ពីវិទ្យាស្ថានជាតិអាហារូបត្ថម្ភដែលនិយាយថាជាមធ្យម ១០០ ក្រាមនៃសាយ៉រមានប្រហែល ១៣៧កាឡូរី។ នៅពេលបំពងក្នុងប្រេង បរិមាណកាឡូរីអាចឡើងដល់១៥០កាឡូរីក្នុង ១០០ ក្រាមនៃនំដែលបំពងរួច។ យ៉ាងណាក៏ដោយ អ្នកដែលមានកូលេស្តេរ៉ុលខ្ពស់ មិនគួរញ៉ាំសាយ៉របំពងច្រើននោះទេ។ មូលហេតុចម្បងនៅតែកើតឡើងដោយសារវិធីបង្កើតជាតិខ្លាញ់ បង្កើនកម្រិតកូឡេស្តេរ៉ុលក្នុងឈាម ប៉ះពាល់ដល់សុខភាពអ្នកដែលមានជាតិខ្លាញ់ក្នុងឈាមខ្ពស់។

ទី៥. ជើងជ្រូក

អ្នកដែលមានជាតិខ្លាញ់ក្នុងឈាមខ្ពស់មិនគួរបរិភោគជើងជ្រូកទេ។ រាល់ជើងជ្រូក ១០០ ក្រាមមានជាតិខ្លាញ់ជិត ១៩ក្រាម ប្រូតេអ៊ីន ២៣ ក្រាម និងអាស៊ីតខ្លាញ់ឆ្អែតខ្ពស់។ ការ​ទទួល​ទាន​សាច់​ប្រភេទ​នេះ​នឹង​បង្កើន​ជាតិ​ខ្លាញ់​ក្នុង​ឈាម។ អ្នកដែលមានជាតិខ្លាញ់ក្នុងឈាមខ្ពស់គួរតែធ្វើតាមរបបអាហារដែលមានជាតិខ្លាញ់ទាប។

ជើងជ្រូកគឺជាអាហារមួយក្នុងចំណោមអាហារដែលមានសារធាតុចិញ្ចឹមជាច្រើន ជាពិសេសប្រូតេអ៊ីន និងខ្លាញ់ច្រើន ប៉ុន្តែចំពោះមនុស្សលើសទម្ងន់ និងធាត់ប្រាកដជាមានជាតិខ្លាញ់លើស ហើយការបន្ថែមអាហារូបត្ថម្ភ និងជាតិខ្លាញ់នៅក្នុងជើងជ្រូកគឺមិនចាំបាច់ទេ លើសពីនេះវានឹងធ្វើឲ្យអ្នកឡើងទម្ងន់កាន់តែច្រើន។

ទី៦ ខ្ទឹម​ស និងគល់ស្លឹក​ខ្ទឹមជ្រក់​

ខ្ទឹម​ស និងគល់ស្លឹក​ខ្ទឹមជ្រក់​ត្រូវ​បាន​គេ​ទទួល​ទាន​ជា​ញឹក​ញាប់​ជាមួយអាហារផ្សេងៗគ្នា ដើម្បី​កាត់​បន្ថយ​ការ​ទ្រលាន់ម្ហូបនិង​បំបាត់​ការ​មិន​រំលាយ​អាហារ។ ការទទួលទានអំបិលច្រើនពេកក៏បង្កើនហានិភ័យនៃជំងឺលើសឈាម ជំងឺបេះដូង និងជំងឺតម្រងនោមផងដែរ។ អាហារទាំងនេះច្រើនតែមានជាតិប្រៃខ្ពស់ ដែលអាចធ្វើឲ្យខ្លាញ់ក្នុងឈាមកាន់តែអាក្រក់ទៅៗ។ ការទទួលទានអំបិលច្រើនពេកនឹងបង្កើនសម្ពាធឈាមរបណ្តាលឲ្យមានជំងឺសរសៃឈាម បង្កើនជាតិខ្លាញ់ក្នុងឈាម និងប៉ះពាល់ដល់ខ្លាញ់ក្នុងឈាម។

សម្រាប់អ្នកដែលមានជាតិខ្លាញ់ក្នុងឈាមខ្ពស់គួរតែកំណត់ការទទួលទានអាហារនេះ ឬជ្រើសរើសខ្ទឹមបារាំងដែលមានជាតិផ្អែម និងជូរដែលមានអំបិលតិចតួចដើម្បីញ៉ាំជាមួយវា៕

អត្ថបទ៖ សាង​​ ស្រីល័ក្ខ

ចុចអាន៖៤​វិធី​ងូត​ទឹក​ឲ្យ​ត្រឹម​ត្រូវ​ មិន​បាច់​បារម្ភ​ខ្លាច​ស្លាប់​ភ្លាមៗ