កីឡា

គ្រូបង្វឹកជម្រើសជាតិកម្ពុជា៖ ខ្ញុំពិតជាចង់ឈ្នះខ្លាំងណាស់ជូនអ្នកគាំទ្រយប់មិញ ប៉ុន្តែយើងធ្វើមិនបាន

បានផុស

៣ ម៉ោង មុន

នៅ

ថ្ងៃសុក្រ ៦ មិថុនា ២០២៥

ដោយ

គ្រូបង្វឹកជម្រើសជាតិបាល់ទាត់កម្ពុជា ថាលោកពិតជាចង់រកជ័យជម្នះជូនគាំទ្រមែនទែនពិសេសអ្នកដែលមកទស្សនាយប់មិញនេះ ប៉ុន្តែសោកស្ដាយណាស់ដែលធ្វើមិនបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Koji Gyotoku

លោក Koji Gyotoku បានឲ្យដឹងក្រោយបញ្ចប់ការប្រកួតថា លោកពិតជាស្ដាយណាស់ដែលមិនអាចយកជូនជ័យជម្នះជូនអ្នកគាំទ្រពិសេសអ្នកដែលមកទស្សនាផ្ទាល់កាលពីយប់មិញនេះ។ កីឡាករគឺលេងតាមអ្វីដែលលោកបានប្រាប់ និងរៀបចំតាមផែនការបានល្អ ប៉ុន្តែដោយសារបញ្ហាកម្លាំងទើបធ្វើឲ្យកម្ពុជាមិនអាចរកជ័យជម្នះបាន។

ទិដ្ឋភាពម្សិលមិញ

កីឡាករកម្ពុជារបួសផង និងបញ្ហាកម្លាំងធ្លាក់ចុះផង ស្របពេលក្រុមតាហ្ស៊ីគីស្ថានជាក្រុមខ្លាំងមួយដូចអ្នកគាំទ្រដឹងស្រាប់ហើយទើបវាលំបាកចំពោះការដណ្ដើមយកជ័យជម្នះទៅលើក្រុមភ្ញៀវមួយនេះ។ តាមការសង្កេតលោកមើលឃើញថាបន្ទាប់ពីបញ្ចប់លីគកំពូលកម្ពុជាហើយនោះកីឡាករក៏ហាក់ធ្លាក់កម្លាំងទៅតាមនោះដែរ។

ទិដ្ឋភាពម្សិលមិញ

បញ្ជាក់ដែរថា ការមកកាន់តំណែងជាគ្រូជម្រើសជាតិបាល់ទាត់កម្ពុជាគឺលោក Koji Gyotoku បានដឹកនាំក្រុម និងប្រកួតជាផ្លូវការចំនួន ៣លើកមកហើយ ប៉ុន្តែមិនទាន់ទទួលបានជ័យជម្នះនោះទេ។ ការប្រកួតជាមួយវៀតណាមគឺចាញ់ ២-១ ជាមួយ អារ៉ូបា ចាញ់ ២-១ និងយប់មិញនេះចាញ់ តាហ្ស៊ីគីស្ថាន ២-១ ៕