Connect with us

ព័ត៌មានជាតិ

លោកឧកញ៉ា សុខ ហុង ផ្តល់សម្ភារៈវេជ្ជសាស្រ្តសង្រ្គោះបន្ទាន់ជូនមន្ទីរពេទ្យខេត្តកោះកុង

បានផុស

នៅ

លោកឧកញ៉ា សុខ ហុង និងលោកជំទាវ ស៊ាន ណាវី ផ្តល់ជាអំណោយសម្ភារៈគ្រឿងវេជ្ជសាស្រ្តបម្រើដល់ការងារសង្រ្គោះបន្ទាន់ជំងឺកូវីដ១៩ ជូនមន្រ្តីមន្ទីរពេទ្យបង្អែកខេត្តកោះកុង ខណៈមានតម្រូវការចាំបាច់។

ការប្រគល់នូវគ្រឿងសម្ភារៈវេជ្ជសាស្រ្តសង្រ្គោះបន្ទាន់នេះ ក្រោមវត្តមានលោកស្រី មិថុនា ភូថង អភិបាលខេត្តកោះកុង និងក្រុមគ្រូពេទ្យនៃមន្ទីរពេទ្យខេត្តជាអ្នកទទួលយកទុកចាត់ចែងប្រើប្រាស់ទៅតាមសភាពចាំបាច់ក្នុងបរិបទកូវីដ​១៩​កំពុងរីករាលដាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តំណាងលោកឧកញ៉ា សុខ ហុង និងលោកជំទាវ ស៊ាន ណាវី គឺលោក តាំង ឈុនស្រេង មេបញ្ជាការរងកងរាជអាវុធហត្ថខេត្តកោះកុង ឱ្យដឹងនៅថ្ងៃទី១៣ ខែកក្កដានេះថា សម្ភារៈពេទ្យដែលប្រគល់ជូនមន្ទីរពេទ្យខេត្តនៅពេលនេះ គឺក្នុងគោល​បំណងចម្បងគាំទ្រដល់ដំណើរការចូលរួមទប់ស្កាត់ និងប្រយុទ្ធនឹងជំងឺកូវីដ ហើយក៏ជាវប្បធម៌រួមចំណែកក្នុងសង្គម សម្រាប់​លើកកម្ពស់សេវាសាធារណៈជាមួយរដ្ឋបាលខេត្ត និងក្រុមគ្រូពេទ្យជួរមុខ។

លោក តាំង ឈុនស្រេង បង្ហាញក្តីរំពឹងថា សកម្មភាពមនុស្សរបស់រូបលោក និងលោកឧកញ៉ា សុខ ហុង ព្រមទាំងក្រុមគ្រួសារ នឹងអាចឆ្លើយទៅនឹងតម្រូវការជួយសង្រ្គោះព្យាបាលអ្នកជំងឺបានទាន់ពេលវេលា ជាពិសេសកអ្នករងប៉ះពាល់ដោយសារជំងឺកូវីដ១៩តែម្តង។

អំណោយដែលប្រគល់ជូនរដ្ឋបាលខេត្ត និងមន្ទីរពេទ្យបង្អែកខេត្ត រួមមាន៖ម៉ាស៊ីនវាស់ចង្វាក់បេះដូង១គ្រឿងស្មើនឹង១៨០០ដុល្លារ ម៉ាស៊ីនបើតស្លេស២គ្រឿង ធុងអុកស៊ីសែន៤០លីត្រ១ឈុត ម៉ាស់ របាំងមុខ និងសម្លៀកបំពាក់ពេទ្យជាង២ពាន់ប្រអប់ និងឈុត។ រីឯលោក តាំង ឈុនស្រេង ផ្តល់ថវិកា៧០៦ដុល្លារ។

លោកស្រី មិថុនា ភូថង អភិបាលខេត្តកោះកុង តំណាងមន្ទីរពេទ្យខេត្ត ក៏ថ្លែងអំណអរគុណ និងគាំទ្រចំពោះសកម្មភាពមនុស្សធម៌របស់លោកឧកញ៉ា សុខ ហុង និងលោក តាំង ឈុនស្រេង ដែលមានទឹកចិត្តល្អប្រពៃលើការចូលរួមចំណែកចែករំលែកនូវធនធានផ្ទាល់ខ្លួនជួយសង្រ្គោះសុខភាពសាធារណជនទូទៅ ក៏ដូចជាអ្នកជំងឺកូវីដ១៩ក្នុងសហគមន៍នាពេលបច្ចុប្បន្ននេះ។

លោកស្រីអភិបាលខេត្ត នឹងទទួលយកទៅចែងចាត់សម្ភារៈវេជ្ជសាស្រ្តដែលមានទៅតាមតម្រូវការរបស់មន្ទីរពេទ្យ។
យោងតាមរបាយការណ៍មន្ទីរសុខាភិបាលខេត្តកោះកុង បង្ហាញថា បច្ចុប្បន្ន ខេត្តកោះកុងមានអ្នកជំងឺកូវីដចំនួន​៣,០២០នាក់/ស្រ្តី១.៩៤៩នាក់ ជាសះស្បើយ១.៦៦៦នាក់ និងស្លាប់១៧នាក់។ រីឯអ្នកកំពុងព្យាបាលជំងឺតាមមណ្ឌលមាន១.៣៣៧នាក់ ស្រ្តី៨៥៩នាក់៕

អត្តបទ ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group
ព័ត៌មានជាតិ៥ ម៉ោង មុន

រដ្ឋមន្ត្រីវប្បធម៌កម្ពុជា ប្រាប់ពិភពលោកថា ថៃលួចចម្លងប្រាសាទអង្គរវត្ត និងស្នើសុំយូណេស្កូ ពិនិត្យលើបញ្ហានេះ

ព័ត៌មានជាតិ៥ ម៉ោង មុន

ទ័យវត្ថុ បច្ច័យ និងគ្រឿងបរិក្ខា​របស់​សម្តេចធិបតី ហ៊ុន ម៉ាណែត ត្រូវ​បាន​ប្រគេន​ដល់​ព្រះសង្ឃ​គង់​នៅក្នុងវត្តចំនួន១៥១វត្ត និងសាលាបុណ្យចំនួន៥

ព័ត៌មានជាតិ៧ ម៉ោង មុន

លោក នេត្រ ភក្ត្រា ៖ ការបណ្តុះបណ្តាលអ្នកសារព័ត៌មានពីជំនាញផ្នែកសេដ្ឋកិច្ច គឺជាការផ្ដល់ចំណេះដឹងផ្នែកហិរញ្ញវត្ថុដល់ សាធារណជន

ព័ត៌មានជាតិ៩ ម៉ោង មុន

ពល​ករ​ថៃ​៦នាក់​ ដែល​ប៉ុន​ប៉ង​ឆ្លង​ដែន​​មក​ធ្វើការ​នៅ​កម្ពុជា​ត្រូវ​ប៉ូលិស​ថៃបាន​ចា​ប់​ខ្លួន​

ព័ត៌មានជាតិ៩ ម៉ោង មុន

លោក ប៉ែន បូណា ប្រាប់ឱ្យរដ្ឋាភិបាលថៃប្រញាប់ដោះស្រាយរឿងអាស្រូវដ៏ស្អុយអសោចក្នុងផ្ទះរបស់ខ្លួនហើយបញ្ឈប់វប្បធម៌លាបពណ៌កម្ពុជា

កងការពារអាកាស
ព័ត៌មានជាតិ១២ ម៉ោង មុន

រុស្ស៊ីនឹងបញ្ជូនប្រតិភូកងការពារដែនអាកាស​មក​បង្កើត​កិច្ច​សហប្រតិបត្តិការ​ជាមួយ​កម្ពុជា

ព័ត៌មានអន្ដរជាតិ១៥ ម៉ោង មុន

បាក់ស្ពាននៅរដ្ឋ Gujarat ប្រទេសឥណ្ឌាសម្លាប់មនុស្ស​យ៉ាងតិច ៩ នាក់

ព័ត៌មានអន្ដរជាតិ២០ ម៉ោង មុន

យោធាឈុតខ្មៅថៃ ឃាត់ខ្លួនពលករខ្មែរ៣៦នាក់ ដោយចោទថា លួចឆ្លងដែនខុសច្បាប់

សន្តិសុខសង្គម១៨ ម៉ោង មុន

ព័ត៌មានបឋម ៖ ប្រទះឃើញសពបុរសម្នាក់ រួមជាមួយដំបងឈើប្រឡាក់ឈាម ក្នុងចំណុចដីឡូត៍ ១ កន្លែង នៅខណ្ឌជ្រោយចង្វារ

ព័ត៌មានអន្ដរជាតិ១៩ ម៉ោង មុន

មេធំល្បែងអនឡាញចាប់បាននៅថៃ ជាបណ្តាញ​លាង​លុយកខ្វក់ មានលំហូរប្រាក់ប្រចាំឆ្នាំជាង ៣៥០ លានដុល្លារ

Sokha Hotels

ព័ត៌មានពេញនិយម