ព័ត៌មានជាតិ
ពហុកីឡាដ្ឋានស្តង់ដាអន្តរជាតិ ខេត្តកំពង់ស្ពឺ កំពុងសាងសង់បានសម្រេចជិត ៤០ភាគរយ
ពហុកីឡាដ្ឋានដ៏ប្រណិតស្តង់ដាអន្តរជាតិដែលជាគំនិតផ្តួចផ្តើមរបស់ឯកឧត្តម ហ៊ុន ម៉ានី តំណាងរាស្ត្រមណ្ឌលខេត្តកំពង់ស្ពឺ ជាប្រធានសហភាពសហព័ន្ធយុវជនកម្ពុជា កំពុងដំណើរការសាងសង់យ៉ាងរលូនសម្រេចបានជិត ៤០ភាគរយ នៃគម្រោងទាំងមូល ទោះបីស្ថិតក្នុងកាលៈទេសៈនៃការរីករាលដាលនូវជំងឺកូវីដ-១៩។

នៅថ្ងៃទី ២៣ ខែកក្កដាឆ្នាំ ២០២១នេះ លោក វ៉ី សំណាង អភិបាលខេត្តកំពង់ស្ពឺ បានអញ្ជើញចុះពិនិត្យ មើលវឌ្ឍនភាព នៃការសាងសង់មណ្ឌលកីឡាខេត្តកំពង់ស្ពឺ ស្ថិតក្នុងភូមិតាម៉ុល សង្កាត់ច្បារមន ក្រុងច្បារមន។
តាមក្រុមការងារបច្ចេកទេសសាងសង់ពហុកីដ្ឋានខេត្តកំពង់ស្ពឺ បានឱ្យដឹងថា គិតត្រឹមថ្ងៃទី២៣ ខែកក្តដា នេះ គម្រោងសាងសង់ពហុកីឡាដ្ឋានទាំងមូលសម្រេចបាន ៣៥ភាគរយនឹងកំពុងដំណើរការតាមផែនការយ៉ាងរលូនគ្មានឧបសគ្គអ្វីឡើយទោះបីស្ថិតស្ថានភាពដ៏លំបាកដែលបណ្តាលមកពីការរីករាលដាលជំងឺកូវីដ-១៩ ក្នុងសហគន៍ក៏ដោយ។

ពហុកីឡដ្ឋានខេត្តកំពង់ស្ពឺ គឺសាងសង់តាមលក្ខណៈបច្ចេសស្តង់ដារអន្តរជាតិ និងជាគំនិតផ្ដួចផ្ដើមរបស់លោក ហ៊ុន ម៉ានី ព្រមទាំងថ្នាក់ដឹកនាំខេត្តកំពង់ស្ពឺ និងបានការគាំទ្រយ៉ាងពេញទំហឹងពីគម្រោងណាហ្គាវើលបេះដូងសប្បុរសរួមទាំងពីសំណាក់សប្បុរសជននានាដ៏ទៃទៀត។
កីឡដ្ឋានស្តង់ដារអន្តរជាតិនេះ កំពុងសាងសង់ក្រោមជំនួយឧបត្ថម្ភទឹកប្រាក់ប្រមាណជាង ២លានដុល្លារអាមេរិកមូលនិធិណាហ្គាវើល ដែលគ្រោងនឹងបញ្ចប់ការសាងសង់ទាំងមូលឱ្យទាន់ពេលវេលាដែលកម្ពុជានឹងធ្វើជាម្ចាស់ផ្ទះកីឡាស៊ីហ្គេម ឆ្នាំ២០២៣។

លោក វ៉ី សំណាង អភិបាលខេត្តកំពង់ស្ពឺ បានលើកឡើងថា បងប្អូនប្រជាពលរដ្ឋជាពិសេសក្មួយៗដែលស្រឡាញ់វិស័យកីឡាបាល់ទាត់បានត្រៀមខ្លួនដើម្បីទទួលយកសមទ្ធិផលថ្មីមួយនេះ ដើម្បីលើកស្ទួយវិស័យកីឡារបស់យើថឱ្យកាន់តែរីកចំរើនបន្ថែមទៀត។ ពហុកីឡាដ្ឋានដ៏ប្រណិតនេះតាមផែនការនៃគម្រោងអាចហើយរួចរាល់ក្នុងអំឡុងខែមេសា ឆ្នាំ២០២២ខាងមុខនេះ។
បើតាមផែនការមេ នៃការសាងសង់កីឡដ្ឋានបាល់ទាត់មានលក្ខណៈអន្តរជាតិ នៅក្នុងទឹកដីខេត្តកំពង់ស្ពឺនេះ ការសាងសង់បែងចែក ជា ២ដំណាក់កាល គឺ៖ដែលដំណាក់កាលទី១-ជាការសាងសង់ ក្លោងទ្វារធំចំនួន០២, របងជុំវិញ សួនកុមារ និងទីលានរត់ប្រណាំង, កន្លែងអង្គុយ VIP មានចំនួន ៣០០០កៅអី, ទីលានបាល់ទាត់ដែលបំពាក់ដោយភ្លើងបំភ្លឺទីលាន និងការរៀបចំបរិវេណជុំវិញ និងដំណាក់កាលទី២-ជាការសាងសង់កន្លែងអ្នកទស្សនាប្រមាណជាង ៦០០០នាក់ តែម្តង៕ ដោយៈ ភួង រដ្ឋា

-
ព័ត៌មានអន្ដរជាតិ៧ ថ្ងៃ ago
Google នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង៦ ថ្ងៃ ago
អ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានជាតិ១៧ ម៉ោង ago
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានជាតិ២ ថ្ងៃ ago
សមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ១ សប្តាហ៍ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ព័ត៌មានអន្ដរជាតិ៣ ថ្ងៃ ago
កាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
សេដ្ឋកិច្ច២ ថ្ងៃ ago
បណ្តាពាណិជ្ជករថៃបង្វែរទិសនាំចូលទំនិញមកកម្ពុជាតាមផ្លូវទឹក ក្រោយការបិទច្រកទ្វារព្រំដែនគោក
-
ព័ត៌មានជាតិ៤ ថ្ងៃ ago
កម្ពុជា រងឥទ្ធិពលពីព្យុះចំនួន២ក្នុងពេលតែមួយ ចាប់ពីថ្ងៃនេះដល់ថ្ងៃទី៩កក្កដា