ព័ត៌មានជាតិ

ហេតុអីពលរដ្ឋជាង ១២ លាន ចាក់វ៉ាក់សាំងរួច នៅតែឆ្លងច្រើន?

បានផុស

៤ years មុន

នៅ

ថ្ងៃសៅរ៍ ២៥ កញ្ញា ២០២១

ដោយ

ប្រមុខរដ្ឋាភិបាលបានលើកពីចម្ងល់ដែលពលរដ្ឋអាចចោទសួរ ការចាក់វ៉ាក់សាំងរួចហើយ ហេតុអីនៅតែឆ្លង ខណៈមកទល់ពេលនេះពលរដ្ឋជាង ១២ លាននាក់បានចាក់វ៉ាក់សាំងរួចមកហើយ ក្នុងចំណោមពលរដ្ឋគោលដៅ ១៤ លាននាក់។

សម្តេចហ៊ុន សែន ប្រមុខរដ្ឋាភិបាលបានបញ្ជាក់ថា វ៉ាក់សាំងតែមួយមុខមិនគ្រប់គ្រាន់ទេ វ៉ាក់សាំងគ្រាន់តែកាត់បន្ថយការឆ្លង អត្រាការវិវឌ្ឍទៅរកភាពធ្ងន់ធ្ងរ និងកាត់បន្ថយការស្លាប់តែប៉ុណ្ណោះ។ វិធានការ ៣ កុំ ៣ ការពារ ជាភាពចាំបាច់ដើម្បីការពារការឆ្លង និងធានាបានភាពរស់រានមានជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចតេជោ ក៏លើកឡើងពីការសម្រេចចិត្តបិទពិធីបុណ្យភ្ជុំបិណ្ឌ។ សម្តេចបានបញ្ជាក់ថា ការធ្វេសប្រហែសដែលអនុញ្ញាតិឲ្យមានការរៀបចំពិធីបុណ្យសាសនាតាមទំនៀមទម្លាប់ឡើងវិញ នាំឲ្យករណីឆ្លងហក់ឡើងវិញ។ ប្រមុខរដ្ឋាភិបាលបានឲ្យដឹងថា ត្រឹម ៣ ថ្ងៃ ការឆ្លងបានកើនឡើងពី ៤០០ ទៅ ៦០០ នាក់ បានកើនលើស ៨០០ នាក់ និងចំនួនស្លាប់ជាង ២០ ក្នុងដំណាក់កាលចុងក្រោយ។

សម្តេចតេជោបានបន្តថា កូវីដ ១៩ ច្រើនវាយលុកលើមនុស្សចាស់ ហើយច្រើនទៅវត្ត ហើយជំងឺនេះសម្តៅលើអ្នកមានអាយុច្រើននោះឯង។ ត្រង់ចំណុចនេះ ដែលជាក្តីបារម្ភ ក្នុងការសម្រចចិត្តបិទពិធីបុណ្យភ្ជុំបិណ្ឌ គឺដើម្បីការពារអាយុជីវិតប្រជាពលរដ្ឋ។

គួរបញ្ជាក់ថា អាជ្ញាធររាជធានីភ្នំពេញ បានបែងចែកក្រុមគ្រូពេទ្យដើម្បីយកសំណាកតាមវត្តអារាមនៅរាជធានីភ្នំពេញចំនួន ១៥១ ក្រោយផ្ទុះកូវីដនៅវត្តជំពុះក្អែក និងវត្តនាគវ័ន្ត ពាក់ព័ន្ធព្រះសង្ឃជាច្រើនអង្គ។ បើតាមប្រមុខរដ្ឋាភិបាល ក្នុងចំណោមវត្ត ១៥១ នៅរាជធានីភ្នំពេញក្រោយការយកសំណាក មានជាងពាក់កណ្តាលរកឃើញឆ្លងដែលពាក់ព័ន្ធព្រះសង្ឃ ដូនជី អាចារ្យនិងពុទ្ធបរិស័ទ្ធ៕

អត្ថបទ៖ ប៊ុណ្ណារ៉ា