កូវីដនៅថៃធ្ងន់ធ្ងរ! សប្តាហ៍មុនឆ្លងជាង ៦ម៉ឺនករណី និងស្លាប់ ៨នាក់ទៀត

ករណីឆ្លងជំងឺកូវីដ១៩ក្នុងប្រទេសថៃ នៅតែធ្ងន់ធ្ងរមិនធូរស្បើយឡើយ ដោយក្នុងរយៈពេលត្រឹមមួយសប្តាហ៍គិតចាប់ពីថ្ងៃ១៨ដល់២៤ខែឧសភា មានអ្នកឆ្លងថ្មី ៦៥ ០០៧នាក់ និងស្លាប់បន្ថែម ៨នាក់ទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Nation កាលពីថ្ងៃអង្គារទី២៧ខែឧសភា ក្នុងចំណោមការឆ្លងថ្មីគឺទីក្រុងបាង​កក មានករណីឆ្លងច្រើនជាងគេ ពោលគឺ១២ ១៨៤ករណី បន្ទាប់មកគឺ Chon Buri (៤ ០១៨ករណី)។

កន្លែងដែលមានការឆ្លងខ្ពស់ទី៣គឺ Nonthaburi (២ ៨៩១ករណី), ទី៤គឺ Samut Prakan (២ ៨៣៧ករណី) និងទី៥ Rayong (២ ៣៥៥ករណី)។ 

បើយោងតាមមជ្ឈមណ្ឌលគ្រប់គ្រងស្ថានការណ៍កូវីដ១៩ថៃ (CCSA), ការឆ្លងខ្លាំងនាពេលបច្ចុប្បន្ននេះ គឺត្រូវបានជំរុញដោយវីរុសបំប្លែងខ្លួន XEC ដែលអ្នកជំនាញរកឃើញថា ឆ្លងខ្លាំងជាងជំងឺផ្តាសាយរហូតដល់ទៅ៧ដងឯណោះ។

សូមជម្រាបថា បើគិតតាំងពីថ្ងៃទី១ខែមករាឆ្នាំនេះមក ប្រទេសថៃ បានកត់ត្រាករណីឆ្លងជំងឺកូវីដ១៩សរុប ២០៤ ៩៦៥ករណី និងស្លាប់ ៥១នាក់៕

អត្ថបទ៖ សុខ សុវណ្ណ

ចុចអាន៖ ប្រទេសថៃកត់ត្រាករណីឆ្លងកូវីដថ្មីជាង៥ម៉ឺននាក់ ក្នុងរយៈពេលត្រឹមមួយសប្តាហ៍