ព័ត៌មានជាតិ

ចាប់រថយន្ដដឹក សាច់ជ្រូកចម្រុះខូចគុណភាព ៣០០គីឡូចេញពីថៃចូលកម្ពុជា

បានផុស

៥ years មុន

នៅ

ថ្ងៃពុធ ២០ តុលា ២០២១

ដោយ

នៅវេលាម៉ោង៩និង១០នាទី ព្រឹកថ្ងៃទី២០ ខែតុលា ឆ្នាំ២០២១នេះ មន្ត្រីមន្ទីរកសិកម្មខេត្តបន្ទាយមានជ័យសហការជាមួយសមត្ថកិច្ចគយនៃការិយាល័យស្រាវជ្រាវ និងបង្ក្រាបអំពើរត់ពន្ធតំបន់៥ ចាប់បានរថយន្តតាក់ស៊ី១គ្រឿងលួចដឹកសាច់ជ្រូកកាប់ហើយចម្រុះចំនួន៦កេស ស្មើនឹង៣០០គីឡូក្រាម នៅចំណុចខាងលិចក្បាលស្ពានទឹកថ្លា ស្ថិតក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីគយនៃការិយាល័យស្រាវជ្រាវ និងបង្ក្រាបអំពើរត់ពន្ធតំបន់៥បានប្រាប់ឲ្យដឹងថា រថយន្តតាក់ស៊ី១គ្រឿងដែលលួចដឹកសាច់ជ្រូកកាប់ហើយដឹកចេញពីស្រុកថៃចម្រុះនោះមានម៉ាក Toyota Highlander ពាក់ស្លាកលេខ បាត់ដំបង 2A-7372 ដែលមានម្ចាស់ឈ្មោះ សេង ណារិត ភេទប្រុស អាយុ៣៤ឆ្នាំ មានទីលំនៅភូមិ ទួលស្រឡៅ ឃុំគងជ័យ ស្រុកអូររាំងឪ ខេត្តកំពង់ចាម ។

មន្ត្រីគយនៃការិយាល័យស្រាវជ្រាវ និងបង្ក្រាបអំពើរត់ពន្ធតំបន់៥ បានបញ្ជាក់ឲ្យដឹងបន្តថា ក្រោយពីត្រួតពិនិត្យឃើញថា ផលិតផលខាងលើនេះ មានការប្រែប្រួលបរិមាណ គុណភាពដើមមានសភាពធុំក្លិនស្អុយ មិនអាចរក្សាទុកបានយូរ មន្ត្រីជំនាញក៏សម្រេចធ្វើការយកសាច់ជ្រូកទាំង៦កេះនេះទៅដុតកម្ទេចចោល នៅដីវាល ស្ថិតក្នុងភូមិខ្លាកូន សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ នាវេលាម៉ោង២និង៣០នាទីរសៀលនា ថ្ងៃទី២០ ខែតុលា ឆ្នាំ២០២១ ផងដែរ៕

អត្ថបទ៖ វ៉ាន់ ណាង